¹ Yesu wavwazile kuyalondezi yakwe ''ichakumanyikwa ukuti ivyakuchinga vilayako, kweni umukosi ku munthu wino vilapitila mwenemo! ² vingamuzipila ndi iwe lyakushela limganyepwa munsingo yakwe nukuya muponya muli yemba ukuchila munthazi. ³ Yilolini mwenga. Ndi umunyonkho wayembuka, musunde, nupya ndi wino wawelako mwelele!'' ⁴ Ndiwakononela kasanu nakayili pa wanda, nupya kasanu nakayili kakawelela kuli wewe, ukulanda ati, 'nawelako,' ufwile umwelele!'' ⁵ Ayapositoli yatile kuli mwene, ''wonjelezya isuwilo lyitu.'' ⁶ Mwene watili, ''Ndi mwalinji ni suwilo ngati akambezu kakwe mugagala mungawunena umuti wa musamvu wu u, 'wuyilemule, nukuya yilemeka muli yemba,' nukuti wungawuvwila. ⁷ Kweni aweni muli mwemwe, angaya nu muwomvi uwakumulimila nanthi ukusunga ing'onzi, angamuvwanza pano wafika sile ukufuma kuchala, 'ndanga zuwa yikala ulye'? ⁸ Atalamunena ukuti, 'mphekanyizya chumwi ichakuti indye, yinyepe numupango muvyakuzwala vyako umbombele mphaka pano nkhumala ukulya nukumwa. Apano nawe umalya nukumwa'? ⁹ Atatayizizye umuwomvi pamulandu wakuti wawomvile vino wanenyilwe, akatayizya? ¹⁰ Avivyo kwene namwe, ndimwawomba ivinthu vyonsi vino munenyilwe, yangavwanga ati, swe yawomvi yano yatalingine. Tuwomvile sile vino tulingine ukuwomba.''' ¹¹ Lino ali munzila ukuya ku Yelusalemu, wapisile pali mumphaka pakasi pali Samaliya na Galileya. ¹² Lino winjila mumuzi wumwi, wakomenkhine nayanthu ikumi yano yali ayamambombo. Yimilile ukutali sana nawe. ¹³ Yapundilizizye, ukuti, ''Yesu, mukalamba, tuvwile uluse.'' ¹⁴ Lino wawalola, wawanenyile ati, ''yanji mukayilanjizye mwenga kuli ya simapepo.'' ngalino yapita yapoziwe. ¹⁵ Lino wenga walola ukuti wapola, wawelile, wapundanga izwi ilya kulumbanya Leza. ¹⁶ Waponyizye ichinso chakwe pamatamba yakwe Yesu, nukumutayizya, Nomba wali umusamaliya. ¹⁷ Apano yesu watili, ''yatapoziwe wonsi ikumi? Nga yasanu na yanayi yali kwi? ¹⁸ Pasi yawuze yano yawelile ukwiza lumba Leza, kano umwenyi wi i?'' ¹⁹ Watili kuli weliwe, ''katuka pitanga. Isuwilo lyako lyakupozya.'' ²⁰ Ayafalisayi yamukolowozyanga ukuti ufumu wakwe Leza wuliza wandachi, Yesu wawaswike ukuti, ''ufumu wakwe Leza wusiyiza nukulolechesya. ²¹ Kapya yataliti, 'lolini awuwu!' nanthi 'awulya palya!' lolini, ufumu wakwe Leza wuli muli mwemwe.'' ²² Watili kuyalondezi, '' amanda yakwiza pano mjulalonda ukulola uwanda wonga mumanda ya mwana munthu, kweni mutalawulola. ²³ Apano yalawanena ukuti, 'Lolini, kulya! lolini, kuno!' kweni mutafuma nanthi ukuwutuchila, ²⁴ ukuyana nakalumba kano kakawala ndikamekula ukufuma imbali yimwi iyiyulu ukuya imbalui yuze iyiyulu, avino nuwanda wamwana wa munthu wulaya. ²⁵ Kweni afwile achule muvinthu ivivule nukukanwa ni nkhulo yi i. ²⁶ Ndi vino chawomvile mumanda yakwe Nowa, vivyo kwene avino chilawombwa mumanda ya mwana wa munthu. ²⁷ Yalyanga, yamwanga, yatwalanga nupya yatwalwanga ukufika uwanda wuno Nowa winjilanga muwato - na mulamba wizile nukuwonona wonsi. ²⁸ Vivyo kwene, ndi vino chawomvile mumanda yakwe Loti_ yalyanga nupya yamwanga, yakalanga nupya yakazyanga, ukulemeka nukuzenga. ²⁹ Kweni pawanda pawanda wuno Loti wafumile mu Sodomu, kwaponyile umoto namawe ukufuma kwiyulu nukuwonona wonsi. ³⁰ Vivyo kwene avino chilaya chilaya pawanda wuno umwana wa munthu alisokololwa. ³¹ Pawanda wuwo mutamusha wino ali papela pang'anda ukuti ayike ukuti akatole iviya ukufuma mung'anda, vivyo kwene mushini wino ali kuchalo atawelako. ³² Mwizikini muka Loti. ³³ Wensi wino akulonda ukuzana uwumi wakwe alawuponzya, kweni wensi wino akuponzya uwumi wakwe alawusunga. ³⁴ Nkhuwanena, uwusiku wuwo ayanthu yayili yala lala pa chitala chonga. Wenga alatolwa wenga alasiwa. ³⁵ Paliya ayanachi yayili yalisyanga ponga. Wenga alatolwa wenga alasiwa.'' ³⁶ Yalaya yayili muchalo; wenga alatolwa wenga alasiwa. ³⁷ Yamukolowozizye, ''awukwi, Mwene?'' wawanenyile, '' kuno kuli umuvimba, kukwene inzwanga zilawungana ponga.''