¹ Nhos odja ki tipu di amor ki o Pai danu, pa ki nu fika ta txomadu fidju di Deus. Pa kel razon li, mundu ka konxenu, pamodi es ka konxel. ² Amudus, gosi nos e fidju di Deus, mas ainda ka fladu kuze ki nu ta ser. Mas nu sabi ki, oras ki Kristu parsi, nu ta ser sima El, pamodi nu ta odjal sima El e. ³ I tudu kenha ki ten speransa nel, pa purifika Puru sima El e. ⁴ Tudu kel ki ta kumeti pekadu ta viola lei, pamodi pekadu e violason di Lei. ⁵ Tanbe nhos sabi ma Kristu foi reveladu ku propositu di tra pekadus. I Nel ka ten pekadu. ⁶ Ningén ki pirmanesi Nel ta kuntinua ta peka; kualker un ki kuntinua ta peka e pamodi es ka odjal i nen konxel. ⁷ Kiridus fidjus, ka nhos dexa ningén disvia-nhos. Kel ki ta pratika justisa e justu, sima Kristu e Justu. ⁸ Kel ki ta pratika pekadu e di diabu, pamodi diabu peka desdi prinsipiu. E pa kela ki, Fidju di Deus foi reveladu, pa ki e podi distrui obra di diabo. ⁹ Kel ki nasi di Deus ka ta pratika pekadu, pamodi simenti di Deus sta nel. I el ka podi kuntinua ta peka, pamodi el e nasidu di Deus. ¹⁰ Na keli ki fidjus di Deus i kes di diabu ta ser reveladu, kenha ki ka ta pratika justisa el e ka di Deus, i nem kenha ki ka ta ama se irmon. ¹¹ Pamodi keli e mesagi ki nhos ten obidu desdi prinsipiu: ki nu debi ama kunpanheru, ¹² ka sima Kaim, ki era di maliginu i mata se irmon. I pamodi kel mata_L? Pamodi se obras era mou, i kes di se irmon era justu. ¹³ Ka nhos stranha, nhas irmons, si mundu odia nhos. ¹⁴ Nos nu sabi ma nu pasa di morti pa vida, pamodi nu ta ama irmons. Kel ki ka ta ama ta kuntinua na morti. ¹⁵ Kel ki ta odia se irmon el e asasinu, i nhos sabi ma ninhun asasinu ten vida iternu pa el mesmu. ¹⁶ Purisu nos nu konxi amor, pamodi Kristu da se vida pa nos. Anós tanbe nu debi da nos vida pa nos irmons. ¹⁷ Mas si algén ten béns matirial i, ta odja se irmon na nisisidadi, fitxa se kurason pa el, modi ki ta pirmanesi amor di Deus nel? ¹⁸ Nhas kiridus fidjus, ka nhos ama so di palavra nem di lingua, mas en asons i en verdadi. ¹⁹ Purisu nu sabi ki nu e di verdadi e nu ta manti nos kurason dianti del. ²⁰ Pamodi, si nos kurason ta kondenanu, Deus e mas grandi ki nos kurason i el sabi tudu kuza. ²¹ Amadus, si nos kurason ka kondenanu, nu teni kunfiansa na Deus. ²² I tudu kuza ki nu pidi nu ta resebi Del, pamodi nu guarda si mandamentu i nu fazi kuzas ki ta agrada-L. ²³ I keli e se argumentu: ki nu kridita na nomi di Se Fidju, Jizus Kristu, i nu amu kumpanheru , sima El ordenaba nos. ²⁴ Kel ki ta guarda mandamentu ta pirmanesi na Deus, i Deus ta pirmanesi nel. I, purisu, nu ta sabi ma el e ta pirmanesi na nos, pa Spiritu ki el danu.