¹ U ki era disdi prinsipio, u ki nu obi, u ki nu odja ku nos odju, u ki nu kontenpla i nos odju odja, u ki nos odju kontenpla i nos mo palpa, sta trata di Palavra di vida. ² Pamodi vida foi manifestadu, i nos nu odja, i del nu tistimunha. Nu deklara nhos vida iternu, ki staba ku Pai i foi manifestadu a nos. ³ Kuza ki nu ten odjadu i obidu nu ta declara tanbe pa nhos, pa ki tanbe nhos ten kumunhon ku nos, i nos kumunhon e ku Deus i ku Se Fidju, Jizus Kristu. ⁴ I kes kuzas ki nu sta skrebi nhos e pa ki nos alegria fika kompletu. ⁵ Keli e Mensagi ki nu obi Del i nu sta anunsia pa nhos: Deus e luz, i Nel ka ten treva ninhum. ⁶ Si nu fla ma nu tem kumunhon ku El i nu anda na treva, nu sta minti i nu ka sta pratika verdadi. ⁷ Ma si nu anda na luz sima El ta sta na luz, nu ta ten kumunhon un ku otu i sangi di Jizus, Se Fidju, ta limpanu di tudu pekadu. ⁸ Si nu fla ma nu ka ten pekadu, nu sta ingana a nos mesmu i verdadi ka sta na nos. ⁹ Mas, si nu konfesa nos pekadu, El e Fiel i Justu pa purdua nos pekadu i purificanu di tudu injustisa. ¹⁰ Si nu fla ma nu ka ten kumetidu pekadu, nu Ta fazel mintrosu e Se palavra ka sta na nos.