¹ Kutunda opo Paurusa a tundu mo muAtena gha yende kuKolinte. ² Oko nko gha ka gwanikilre namuJuda walidina Akura , va yitira muPontusi, ghuye ntani a na kutunda kuItali namukamali wendi Pilisikira, mukonda Keraudiusi ghuye ana pangere kare ashi vaJuda navantje vatunde mo muRoma. Paurusa a yendi kwavo, ³ ntani mukonda ghuye karughana nga nkoko kungeshefa ya kukufana, gha kara navo va rughane, vavo kwakalire varughani tende mungeshefa. ⁴ Makura Paurusa ghamba nga muSinagoge mwakehe Sabata, kushetekera ko kushongaghura navantje vaJuda navaGereke. ⁵ Makura opo va yire vaSilasi na Timoteus kwa ghurumukire kutunda kuMasedoniya, Paurus kwa tapire ruvede rwendi kunkango, muku tapa ghumbangi kuva Juda ashi Jesus ndje nka Kristus. ⁶ Ngoli po va mu kananitire vaJuda naku mu shwaghura, Paurus gha va kukumwini lirwakani lyendi naku vatantera ashi, '' Honde yenu yikare padimutwe danaghumwenu; Ame kundere ko ndjo.Kutunda pano ame kuniyenda kuvaPagani.'' ⁷ Ghuye makura gha tundu mo omo va kalire, gha yendi mumundi waTitiusi Justus, mukafumu ogho gha tongaminino Karunga. Mundi wendi kwa ku kundamine naSinagoge. ⁸ Krispusi, mpititili waSinagoge, kwa pulire mwaHompa, kumwe novo va kaliro mumundi wendi; ntani shingi shavaKolinte ova va vi yuviro gha va pura kumwe nakuvakusha . ⁹ Hompa gha ghamba KwaPaurusa kumatiku mulimoneko, '''Wa sha kara nawoma, ene ngoli ghamba ntani washa mwena. ¹⁰ Mukonda ashi ame nove nakara, ntani kwato ogho ghasheteko kukuyuvita tjutju, mukonda ashi ame nakara navantu vavangi mushita shino.'' ¹¹ Paurusa kwa ka kalire mo mwaka ghumwe namwedi ntano naghumwe, kushonga nkango yaKarunga mukatji kavo. ¹² Ngoli opo a ya kalire Galiyo nguuru wa Akaya, vaJudasi ghava yimana nalighano limwe mukukananita Pauru nakumu yita kushipuna shampangwiro; ¹³ ghava ghamba, mukafumumu ghuno kushongaghura vantu va tongamene Karunga munkedi ya kukulimba naveta ¹⁴ mukurenka ashi Pauru ndi a ghambe, Galiyo a ghamba kuvaJudasi, ''Ghanwe vaJudas, ndi ushiri ashi vininke kuna kara vya lipuko ndi vyaukorokotji, ndi kupakara konda ya ku murughana vintu. ¹⁵ Ano ntjene ghano mapuro ghakuhamena kunkango namadina ntani kuveta yanaghumwenu, vikoshononenu naghumwenu. kapi nakushana kukara mupanguli waghudito ghuno.'' ¹⁶ Galiyo ava renke va tunde ko kushipuna pangwiro. ¹⁷ Navantje ava kwata Sostene, mupangeli sinagoge, naku mu toona kumeho yashipuna pangwiro. Ene ngoli Galiyo kapi a kalire nashinka shovyo varughanine. ^{18 19} Kuruku yakukara ko Pauru mayuva ghamangi , ghashuvu vaghunyendi vadughe va yende kuSiriya naPrisila naAkwila. Kumeho yakutunda paliyenga lyalifuta lyaSentiyira, kwa kurulire ko huki dendi morwa mughano ogho gharuwanine. Apa va yire kuEfesus, Pauru a shuvu Prisila naAkwila nkoko, ngoli ghuye mwene a yendi musinagoge gha ka ghambaghure navaJudasi. ²⁰ Apa va mu pulire Pauru ndi a kare shimpe ruvede rwarure, gha shwena. ²¹ Ano mukughupa lipwiyumuko kwavo, a ghamba, ''Nani kavyuka nka kwenu nange shihoro shaKarunga. '' ghuye makura a tameke kudugha a tunde ku Efesus. ²² Apa gha ka tikire kuSisariya, gha kanduka a ka kukunde navakankirise yaJerusalema ntani a ka ghurumukire kuAntiok. ²³ Muruku yakukayushara ko, Pauru a tundu ko a yende mumaruhashirongo ghaGaratiya na Frijiya ntani kwaka pamikire varongwa navantje. ²⁴ MuJudasu ghumwe walidina Apolo muAleksandriya pamvharerwa, ghaya kuEfesus. Ghuye kwa kalire namaraka mushighamba ntani kwayivire unene mumatjangwa. ²⁵ Apolo kwa mu rawilire mumatjangwa ghaHompa. Kukara kwendi nalitokomeno mumpepo, gha shongo nakughamba nawa-nawa vininke vya hamino Jesus, ngoli ghuye kwayivire tupu likusho lyaJohanes. ²⁶ Apolo gha tameke kughamba hana ghutjirwe musinagoge. Ngoli vaPrisila naAkwila apa va mu yuvire, gha va mu tuliri ntere naku mu fatwilira ndjira yaKarunga mughuhunga. ²⁷ Opo a shanine kuruta gha yende kuAkaya, vaghunyendi ava mu korangeda nakutjangera varongwa va muAkaya va mu ta mbure. Apa a ya tikire , gha vatere ngudu vanya vapuliro kuufenkenda. ²⁸ Apolo ghashwenine vaJudasi nankondo-nkondo mulitatano, ghuye pakunegheda nga matjangwa ashi Jesus ndje Kristus.