¹ Pauru naye kwa yire kuDebe nakuListira, ntani kengenu, murongwa ghumwe kava twenya nga Timoteusa nko a kalire, mona mukamali womuJudasinoghu a kaliro mupuli, ngoli vashe kwakalire mugereke. ² Kava mu tangaghuka nga vaghunyendi vakuListira nakuAyikonimu. ³ Pauru kwashanine kuyenda naye, makura a mughupu nakumurughana vamba mukonda yavaJudasi ovo vakaliro mumavango ogho, mukonda ashi navantje vavi yivire ashi vashe muGereke. ⁴ Moomuva yendire ngoli mundjira yavo ya kuyenda muvitata, ava twara marondoro kuvakangereka ndi vakaghakwame,mpovawanine marondoro owo vantjanga vapositoli na vakurona vamu Jerusalem. ⁵ Mbunga kriste kwadikolikire mumapuro nakuyerukita shivaro keheliyuva. ⁶ Paul navaghuni vendi vayendawire mudimukunda da Phrygia na Galatia,mbyovyo yavashwenikire mpepo mupongiki kuyuvita nkango mudimu dingonoko da Asia. ⁷ Opo vakalire papepi na Mysia, vashetikilire kuyenda mu Bithnia, mara mpepo ya Jesus mpo yavakondilire. ⁸ Pa kupita ku Mysia, mpo vayendire munkurumbara ya Troas. ⁹ Lifano vyamonikire kwa Paul mumatiku.Mukafumu wa Macedonia kwayimaninepo,akukwambere nakughamba ashi: ''yiya mu Macedonia ghuyatuvatere.'' ¹⁰ Opo Paul amonine mafanayiko,wangu wangu mpo aghayalire kuyenda ku Macedonia,mukushayikita ashi karunga anavayita vakayuvite mbundi yayiwa kwavo. ¹¹ Pakusheyeka kutunda ku Troas,mpo twaghupire ndjirayakuvyukilira ku Samothrace,lyakukyako mpo twayire ku Neapolis. ¹² Pakutunda po mpo twayendire ku Philippi,yayo nkurumbara ya Macedonia,nkurumbara yamulyo unene mushirongo osho vapangeranga vantundavirongo,mpo twakalire mo munkurumbara mayuva ghangandi. ¹³ Mumayuva gha Sabbath twayendire pandje yalivero lya kumukuro oko twaghayalireshi kuvhura likareko livango lyakuraperera.Atwe atushungili na kughamba navakamali ovo vayirokumwe. ¹⁴ Mukadi ghumwe walidina Lidia, mughuliti wamakeshe ghamageha wamunkurumbara ya Thyatira, ogho kakarerango karunga, atuyuvire twe. Hompa aharwire mushima wendi aterere nawa kovyo aghambire Paul. ¹⁵ Opo naye ntani namundi wendi vavayoyire, antu papilikidire ashi: Ntjene mwapangura mukupura mwa Hompa, yiyenu muyakare mumundi wande.'' mpo atutininikire. ¹⁶ Ngoli vyashorokire, opo twayendire kulivango lyakuraperera, kwa kaliro mukadona washipika akaliro nampepo yakupumba atu homokiliro. Kayitiranga vahona vendi vyavingi mukupumba kwedi. ¹⁷ Oghuno mukamali akwamineko kutunda Paul natwe makuyiyira kughambashi,''avano vakafumu vapikwa vakarunga waku ndakandaka. Kunaku muyuvitira ndjira yaliyoworo.'' ¹⁸ Kwaviruwanine vino mayuva ghamangi. mara Paul akalire ana munyenyita unene, apiruka nakughamba kumpepo ashi,''nakukurawira nankondo rupukamo mulidina lya Jesus Kristus ghurumpukemo mumwendi.'' Mbyo yarupukire paruvede ndoro. ¹⁹ Opo vavi monine vahona vendi ashi viyeramo vyavo ngoli mpo vinashaghere, mbyo vamukwatire Paul na Silas nakuva purututira mulivango lyamaghulitiro kughuto wavapangeli. ²⁰ Opo vayavatikitire kuvapanguli vavo avaghamba ashi,''avano vakafumu mbo vanakuyito ukorokotji munkurumbara yetu. Vvonka va Juda. ²¹ Vavo kuyuvita mpo odo dapiro kupulitira varoma kuditambura ndi kudikwama.'' ²² Makura mbunga mpo yayoghorokire va Paul na Silas; vapanguli mpo vatavawire marwakanighavo na kuvarawira ashivava tone nangoreka. ²³ Opo vamanine kuvatona nawa nawa nangora, mpovava vukumine mudorongo nakuvarawira mukungi dorongo ashi vavatakamite nawa. ²⁴ Opo awanine liraghuro lino, mukungi dorongo mpo akavatulire mudorongo yamunda unene nakuva manga kumpandi navipandeko. ²⁵ Pakatji kamatiku Paul na Silas kwa rapilire nakuyimba ntjumo da Karunga, makura vakadorongo vamweya kuna kuterera kwavo. ²⁶ vakuharukeko shindundumo shashinene, mposhi litameko lyadorongo likankame ,wangu wangu mavero naghantje aghaharuka, vipandeko kunakuku paturura . ²⁷ mukungi dorongo opo arambukire muturo akenge mavero adorongo anagharuka, mpo aghupire rufuro rwendi akudipaye, morwaaghayalireshi vakadorongo vanahenemo. ²⁸ Mara Paul ayiyire naliwi lya linene ashi,''navimweshi ghukuremekera naghumoye, morwa natuvatje mpo tuli momu. ^{29 30 31} Munadorongo arombo ramba nakukwa nguliramo na kukankama nawoma, awere kumeho ya Paul na Silas, Nakuva,