1
Ghano ngo madina gha kamba odo vadikire va Israeli opo vatundire mu Egipite kumwe nava kavita vavo mulipititiro lya Moses na Aroni.
2
Hompa Karunga kwa tantilire Moses, atjange madina gha mavhango naghantje ogho vadikilire va Israeli kamba davo. Makura Moses atjanga madina gha mavhango na ghantje gharuyendo rwavo.
3
Mbunga yava Israeli kwa shapukire vatunde mushitata sha Ramusesi mu Egipite mumayuva gha murongo na matano ku mwedi wa kuhova wa mumwaka. Opo vamanine ku dana shilika sha Paska ngura-ngura shakukwamako, mbunga yava Israeli ava shapuka vatunde mu Egipite vavo vantu navantje kuna kuva mona.
4
Vino kwa shorokire pashirugho osho vavo va Egypite kuna kuvhumbika vana vavo vambeli, Hompa Karunga wa Israeli kwa ruwanine vino aneyede Hompa wava Egipite ashi ghuye kwa kara nkondo dadinene kupitakana vaHompa nava Karunga navantje.
5
Mbunga yava Israeli opo vatundire mu shitata sha Ramesasi mu Egipite ava yendi avakadika kamba yavo pa livhango lya Sukoto.
6
Opo vatundire pa Sukoto ava katura vakadika kamba yavo palivhango lya Etamu, lya pepi na mburundu.
7
Opo vatundire pa livhango lya Etamu ava yendi vavyuke kuruha rwa livhango lya Pi-hahiroti, kuruha rwa upumeyuva wa Bara-sefoni, ava kadika kamba yavo yikuvyuke na livhango lya Migidoli.
8
Opo vatundire ku Pi-hatiroti ava yendi vataghure mukatji kalifuta lya ligeha vayende mumburundu. Vavo kwa yendire mayuva matatu mumburundu ya Etamu dogoro ava katura kamba yavo pa livhango lya Mara.
9
Ava tundu palivhango lya Mara vayende pa livhango lya Elimu. Palivhango lya Elimu kwa karapo matope gha mema murongo na maviri ntani navitondo vya ngone dimurongo ntano na mbiri. Ava kadika kamba yavo mpopo.
10
Opo vatundire pa livhango lya Elimu ava kadika kamba yavo pepi na lifuta lya ligeha.
11
Ava tundu pa lifuta lya ligeha ava yendi vaka ture kamba yavo pepi na murundu ya kundundu ya Sanai.
12
Ava tundu mumburundu ya Sinai ava katura kamba yavo pa Dufuka.
13
Ava tundu va Dufuka ava katura kamba pa Alushi.
14
Ava tundu pa Alushi ava katura kamba pa Refidimu, lino livhango pato mema ghakunwa vantu.
15
Ava tundu pa Refidimi ava katura mumburundu ya Sinai.
16
Ava tundu mumburundu ya ya Sanai ava katura mu Kiboroti-hatayava.
17
Ava tundu mu Kiboroti-hatayava ava katura mu Haseroti.
18
Ava tundu mu Haseroti ava katura mu Ritima.
19
Ava tundu mu Rutima ava katura mu Rimoni-peresi.
20
Ava tundu mu Rimoni-peresi ava katura mu Libina.
21
Ava tundu mu Libina ava katura mu Risa.
22
Ava tundu mu Risa ava katura mu Kehelatha.
23
Ava tundu mu Kehelata ava kautura kundundu ya Sheferi.
24
Ava tundu kundundu ya Sheferi ava katura ku Harada.
25
Ava tundu ku Harada ava katura ku Makeloti.
26
Ava tundu ku Makeloti ava katura ku Tahati.
27
Ava tundu ku Tahati ava katura ku Tera.
28
Ava tundu ku Tera ava katura ku Mitika.
29
Ava tundu ku Mitika ava katura ku Hashimona.
30
Ava tundu ku Hashimona ava katura ku Moseroti.
31
Ava tundu ku Moseroti ava katura ku Bene Jakani.
32
Ava tundu ku Bene Jakani ava katura ku Hore Hagidagadi.
33
Ava tundu ku Hore Hagidagadi ava katura ku Jotibata.
34
Ava tundu ku Jotibata ava katura ku Aborona.
35
Ava tundu ku Aborona ava katura ku Esiyoni Geberi.
36
Ava tundu ku Esiyoni Geberi ava katura mumburundu ya Sini ku Kadeshi.
37
Ava tundu ku Kadeshi ava katura ku ndundu ya Hore, pepi shirongo sha Edomu.
38
Mupristeli Aroni makura alimburukwa ku nkango da Hompa Karunga ayendi aronde kundundu makura aka dohoroka kuruku rwa mwaka dimurongo ne opo vatundire va Israeli mu Egipite, liyuva lya kuhova, kumwedi wa utano.
39
Mupristeli Aroni Kwa kalire na mwaka 123 adohoroka kundundu ya Hore.
40
Hompa wa shirongo sha Kanana, ogho atungo mushitata sha Aradi, ayuvhu ashi mbunga yava Israeli kuna kuya mushirongo shavo sha Kanana omo vatunga.
41
Va Israeli ava tundu kundundu ya Hore vayende ku Solimona.
42
Ava tundu ku Solimona vayende ku Punoni.
43
Ava tundu ku Punoni ava yendi ku Oboti.
44
Ava tundu ku Oboti ava yendi ku Iye Abarimu, kumurudi wa va Mowabu.
45
Ava tundu ku Iye Abarimu ava yendi ku Diboni Gadi.
46
Ava tundu ku Diboni Gadi ava yendi ku Alumoni Dibulatayimu.
47
Ava tundu ku Alomoni Dibulatayimu ava yendi kundundu ya Abarimu, oyo ya kuvyuko na Nibo.
48
Ava tundu kundundu ya Abarimu ava yendi ku muramba wa Mowabu kukwama mukuro wa Jorodani vayende ku Jeriko.
49
Ava katura ku Jorodani, ava tundu ku Beti Jeshimoti ava yendi ku Abeli shitimu mumuramba wa Mowabu.
50
Hompa Karunga aghamba na Moses mumuramba wa Mowabu kumukuro wa Jorodani musheli ya Jeriko ashi,
51
"Tantera mbunga yava Israeli ashi, "OPo ngava vindakana mukuro wa Jorodani vayende mushirongo sha Kanana,
52
muna hepa kuka tjidamo vantu navntje ovo vatungomo. Muna hepa kukadjonaura ushwi na untje ogho varuwana na siliveli. Muna hepa kudjonaura ndjugho davo kumwe na mavhango ghavo ogho vatongamenanga va Karunga vavo.
53
Kaghupenu shirongo shikare shenu ngamu tungemo, mukondashi ame kwa shitapa kukwenu shikare upingwa wenu.
54
Kutaperenu shirongo muna hepa kuruwana fungu-fungu, mposhi ngamu tape livhu kudimuhoko nadintje. Dimuhoko dadiyingi dina hepa kuwana shirongo sha shinene, dimuhoko dadi-didi dina hepa kuwana shirongo shashididi. Muna hepa kuruwana fungu-fungu, mposhi kehe runo rudi vawane shirongo shavo. Dimuhoko nadintje dava Israeli dina hepa kuwana shirongo shavo.
55
Ano ngoli nkene kapi ngamu vatjidamo vano vantu vatundemo, ndi ngava yira ghudito kukwenu, ngava kara yira mbundu ya mumantjo ghenu ntani miya damurutu rwenu. Ngava muyitira shiponga shashinene muno mushirongo shenu.
56
Makura ame nganu tapa matengeko kukwenu, yira ngogho nganu tapa kukwavo.""