¹ Anwe vana vande, upenu ndopi kwa naumwenu mudishimbe na umwenu. Mulideghemeno lya shitata sha Jerusalem. ² Atura shikepa mumakulimbo, makura nkondo da makulimbo. Vita avi yeruka mumakulimbo nakutura marunda ghamukundurukide. Turenuko rugumbo nakuntje mukundurukide. ³ Makura kughupenu yira shi kanguro makura mushiruwanite pslikuma pakatji kenu muvavitata muture mantjo ghenu kwavo, shasho ngashikara kuntji yashikepa, ntani ngaushiture mumakulimbo. Eshi ngashikaro shineghidito sha vaIsraeli. ⁴ Makura rara kurumontjo roye ushuve ndjo dava Israel; ngamushimba ndjo davo munomora damayuva ogho ngamudira kurara mu ndjugho dava israeli. ⁵ Ame naumwande ngani yatera kwenu liyuva limwe ngamu karera ngapokehe mwaka matengeko ; 390 mayuva! omuno mundjira ngamushimba ndjo dava Israeli. ⁶ Opo ngamumana mayuva, makura ngamurare sekonde kurulyo, ove ndjo dava Judah mwaka dimurongo ne. Ame nganiyatera kwenu kuliyuva limwe mumwaka. ⁷ Turenu mantjo ghenu kumeho ya Jerusalem mulidamenena, ntani namaghoko ghenu gha kudira kufika muporofete. ⁸ Mukukwatakanita! nakutura likukwatakano kwenu mposhi kapi ngamukenge mpili kumwe ndi kumweya nka dogoro ngaumane liyuva lya mulidamenena. ⁹ Ghupa naumoye rukokotwa, vilya, makunde, liparu, utura wa mungome, ntani na ndongo; viture mushininke shimwe viture naumoye vikukwame munomora da mumayuva odo ngauvura kukara kuruha roye. Mumayuva 390 ngaudilya. ¹⁰ Ndya odo ngaulya ngadikara darutu, ntjako dimurongo mbiri muliyuva ntani ngaulya muliyuva nakehe liyuva. ¹¹ Ntani ngau nwa mema, gha kushetekera, ngau nwa paruvede. ¹² Ngauyilya yira mboroto yakuyota, ene ngoli ngauyiduva rutoko ya vantu mumantjo ghavo!'' ¹³ Hompa ngaghamba, ''Kuna kutanta ashi mboroto ya vantu va Israeli ngavalya ya kunyata, ngani vaharaganira muvirongo vya peke. ¹⁴ Ene ngoli naghambire, ''Alasi, Hompa Karunga! Kapi nalire mpili kehe vino vyakufa ndi mpili shikorama shakufero, kutunda wanuke wande dogoro mpopano nakara, nyama yakukufera kapi yangenanga mukanwa kande!'' ¹⁵ Mbyo aghambire kwande, ''Kenga! nakupa rutoko rwa ngombe nahana kukupa mbuko ya vantu mposhi ghuduviteko mboroto. ¹⁶ Aghamba kwande, ''Mona muntu! kuture! kunakutjora mpango ya liparu mu Jerusalemu, ngavalya mboroto nakuvatapera mwamuwa na kunwa mema gha kutapa na ghoma. ¹⁷ Mukondashi ngavapira mboroto na mema, kehe murume ngataterera na kuhepeka mukonda ya ndjo davo dadinene.