¹ Aghamba kukwande, ''mona muntu, kehe vino unawana, ulya. Lya yino mboroto yakurudinga, makura yenda ukaghambe na vaka ndjugho da Israeli.'' ² Mpo na patulire kanwa kande, gha ndita yinya mboroto yakudinga. ³ Gha ghamba kwande, ''mona muntu, lipumba lyoye na kuyuda malipimba lyoye nayino mboroto yakudinga nakupa!'' Mpo nayilire, yayo kwava tovalire yira ushi mukanwa kande. ⁴ Makura aghamba kwande '' Mona Karunga, kayende kundjugho dava Israeli nakughamba nkango dande kukwavo. ⁵ Mpo ngoli shi ove kapishi kuna kutumu ku vantu vakudira kuyiva shighamba ndi liraka lya udito, mara kundjugho ya va Israel- ⁶ nakuwarashi vantu va shighamba shakupira kuyiva ndi valiraka lya udito, va nkango odo upira kuyuva. Ushii nange nakutuma kukwavo, ndi vakategherelire. ⁷ Ngoli ndjugho dava Israeli kapi vaka kutegherera, makura kapi vana shana kutegherera kwande. Mpo ngoli ndjugho nadintje dava Israeli darunda dimutwe na uheyuvu. ⁸ Kengerenu! Na tura vipa vyenu yira ndino yira vipara vyavo namatire ghenu gha udito yira matire ghavo. ⁹ Naruwana matire ghenu yira diyamande, udito kupitkana mawe ghanya ghakutwedera mundiro! mwasha vatjira ndi vimu upe mukumo ku vipa vyavo, momunvavo va ndjugho dakupira kuyuva .'' ¹⁰ Makura aghamba kukwande, ''Mona muntu, nkango nadintje do na muyuvitiri- diturenu mu dimutjima denu nakudiyuva na maywi ghenu! ¹¹ Makura yenda kuvarwi vavita, na kuvantu voye, nakughamba navo. Vatantere, 'Evi mbyo anaghamba Hompa Karunga wenu,' mpili ngava kakuteghrere ndi pira.'' ¹² Makura mpepo yakupongoka ayi ndjerura, mbyo nayuvire kuruku rwande liyuviko lya livhu: ''Litungiko likare nkenda yaKarunga mu livngo lyendi!'' ¹³ Kwakalire likuyuvo lya mavava avi shitw omo vina kuku boyaghuro na aunyavyo, na liyuviko lya makosho ogho gha kaliro navo, naliyuviko lya likinko lya livhu. ¹⁴ Mpepo yakupongika ayindjerura naku ntwara, nayendire na kukora mu shiyenda sha mpepo yande, liwoko lya hompa kwa nkwatire na nkondo! ¹⁵ Mpo nayendire mu mango yaTel Aviv kuntere ya Kebar Canal, Mpo nakakalire nkoko kumwe navo mayuva matano namaviri, mpo uwawako kutetuka. ¹⁶ Makura avi shoroka kunyima ya mayuva matano namavili yinya nkango yaHompa ayi ya kwande, yakughamba, ¹⁷ ''Mona Karunga, nakutura ghukare mukengeli wa ndjugho dava Israli, makura tegherera kunkango dina kutundo mukanwa kande, nakuvapa marondoro ghande. ¹⁸ Nange ani ghamba kuvantu dona, ngamu fa ntani kapishi ngaghumu rondore ndi kughamba lirondoro kwa vantu dona, kuhamena kuviruwna vyendi vyavidona mposhi aparuke- vantu dona ngava fera mundjo yendi, mara ngani pumbwa honde yendi mumawoko ghendi. ¹⁹ Ngoli nange ngaghu rondora vantu dona, ghuye ngadire kupiruka ku udona wendi ndi kuviruwana dona vyendi, mara ngaghu ;popere liparulyoye. ²⁰ Ntjene muntu wa uhunga apiruka kuuhunga wendi na kuruwana vyavidona, ano ame nganimutulira shipundukito kumeho yendi, ano ngafa. Mukondashi kapi wamupukulire, ngafera muundjoni wendi, ntani kapi nganivhuruka viruwana vyendi ovyo aruwanine, ene ngoli ngani hepa honde yendi mumaghoko mumaghoko ghoye. ²¹ Ngoli ntjene wapukulilire muntu muuhunga ashayeke kudjona mposhi ghasha djona, ogho ngaparuka mbyevishi wamupukurulire; ntani ngaupopera liparu lyanaumoye.'' ²² Makura liwoko lya Karunga kwa aklire name panya, aghamba kwande, '' Rapuka uyende mundira, kuni ghamba nove momo!'' ²³ Anirambuka nakurupuka niyende mu ndira, omu nya nkenda ya Hompa ma yakalire, yira nkenda oyo amonine kuntere ya Kebar Canal; mposhina welire kushipa shande. ²⁴ Mpepo yakupongoka ayiya kwande nakuntjapwita ni yimane; Aghamba name, ayi ntantere, ''Rambuka! kayende nakuka kugharera naumoye mundjugho yoye, ²⁵ pashirugho shino, mona muntu, ngavatura marughodi poye na kukumanga mposhi kapishi ngauyende utunde mukatji kavo. ²⁶ Ngavqtura ruraka roye ngaru kakatere muwiru ya kanwa koye, mposhi ngaumwene, kapi nka ngaghuvura kuvashwenena, nomunkashi vavo vamundjugho da vadini Karunga. ²⁷ Ngoli apa nighamba nove, kuni paturura kanwa koye mposhi ghu ghambe kukwavo; Evi mbyo ana Hompa Karunga.' Ovo ngava yuva ngava yuva; Ava ngavadiro kutegherera kapi ngava tegherera kapi ngava tegherera, mpo ngoli shi vavo vandjugho yakudira likuyuvo!''