¹ Makura nkango ya Hompa ayiya kwande, nakughamba, ² ''Monande, kenga lintjo pa vantu va Ammoni na kuvaporofeta. ³ Ghamba kuvantu va Ammoni, 'Yuvenu nkango da Hompa Karunga. Evi mbyo anaghamba Hompa Karunga: Mukondashi mwaghambire shi, ''Aha!'' Palivango lya ndjugho yande yalihoramo yakunkarera apa vyadilire kuvifumadeka, ntani kupira likuyu na shirongo sha Israeli apa shakalire muporongwa, na lipiro liruwaneno kumwe mu ndjugho da Juda apa vayendire pandje ya shirongo, ⁴ mpo ngoli shi, tatererenu, kuna kumutapa kuvantu vakughupumeyuva yira mulipangero lyavo. Ngavaturapo kamba pakatji kenu nakutura tende davo mukatji kenu. Ngavalya nyango denu na kunwa mashini ghenu. ⁵ Ngani renka Rabbba ghulyero wa ngamero ntani vantu vamu Ammoni lifuva lya ndjwi. Makura ngamuyiva ashi ame Hompa. ⁶ Hompa Karunga akuna kughamba vino: Mwakanda maghoko ghenu na kudjama mpadi denu, na kupembura na lidiro lifumadeko mukatji kenu ku shirongo sha Israeli. ⁷ Mpo ngoli shi, tatererenu! Ame nganimutoghona maghoko ghande na kumupa yira vininke vya kuvaka kudimuhoko. Ngaimutetako kuvantu nakumu dongonona mukatji kavirongo! Ngani mudjonaura, ntani nganimuyiva ashi ame Hompa.' ⁸ Hompa Karunga kuna kughamba vino, 'Mukondashi Mowabu na Seyirra kuna ghamba shi, ''Kengenu! Ndjugho davaJuda yira dimuhoko nadintje.'' ⁹ Mpo ngoli shi, kengenu! Nganipaturura madamenena gha Mowabu, kutamekera ku nkurumbara yendi pa marudi - kupakererako na vaBeth Jeshimoth, Baal meon, na Kiriathaim - ¹⁰ kuvantu va upumeyuva ava vakaro na makulimbo na vantu va Ammoni. Nganivatapa yira mulipangero lyavo mposhi vantu vamu Ammoni kapi ngavayavhuruka mushirongo shavo. ¹¹ Nganiruwanita lipanguro pakatji kaMowabu, ngavayiva ashi ame Hompa.' ¹² Hompa Karunga kuna kughamba vino, ''Edomu ana ghupu matengekero gha viruwana dona pakatji kandjugho dava Juda ntani vanaruwana udona mukuruwana ngoweyo. ¹³ Mpo ngoli, Hompa Karunga ana kughamba vino: Ngani puma Edomu na maghoko ghande nakudjonaura vantu na vantje na vikorama munya. Ngani vatanganita, kuvushuvilira livango, kutamekera Temani dogoro kuDedani. Ngavawa kurufuro. ¹⁴ Nganivyuta rughoko ku Edomu nalighoko lya vantu vande va Israeli, ntani ngavaruwaana kwa Edomu kutwara kuugara wande na ugara wa unene, ngavayiva lighoko lyande - ogho ngo ghumbangi waHompa Karunga.' ¹⁵ Hompa Karunga kuna ghamba shi, 'Vafilisite ngavavyuta rughoko na kuruwana udona mukatji kanaumwavo vashetekire kudjonaura va Juda shimpe nka, ¹⁶ evi mbyo ana kughamba Hompa Karunga: Kengenu! Ngani kundika lighoko lyande kuvafilisiti, ntani ngani hangurako vaKerethite nakudjonaura varuhupwa vakudira mulyo ava vakuntere ya lifuta. ¹⁷ Ngani ghupa likengururo lya liwa pakatji kavo na kuruwana na litengekero lya ugara, mposhi ngavayive ashi ame Hompa, apa ngani ghupa likeverero pavo.