¹ Mbapira yokare natjangire, Theophilus, antantire kuvininke navintje evi atamikre Jesusa kurughana no kuronga, ² dongoro liyuva olyo vayamughupire po, Kunyima opo atapire dimurawo kupitira mumpepo yokupongoka kuvapositoli ovo aghorowire. ³ kunyima yoruhepo rwedi, uye ava monekere naghumwedi kukwavo no ghumbagi wakuyulira. mayuva murongo ne avamonekilire,no kwaghambire kuhamena ghuntigi wakarunga. ⁴ Apa agwanekilire kumwe navo, uye ava rawire kukwavo asi vasa tuda mu Jerusalema,enengoli vataterere litubwidiro lya vashe, kuhamena kunke aghambire,'' kwade mwaviyuva ⁵ asi Johanesa kwamu kusire nomema, Enengoli anwe ngava mukusa mumpepo yokupongoka mumayuva ghomadidi.'' ⁶ Apa vava pogayikire kumwe ava pura uye,''Hompa oruno ruvede oro gowapayika untungi wa Israel?" ⁷ Uye ghalimburura kukwavo,"kapisi vyenu mukuviyiva asi sirugho munke ndi vimena evi vavava vapanga nkodo dendi . ⁸ Ene ngoli ngomu wana nkodo opo ngayiya mpepo yakupongoka papenu,na ngomukara vapangi vande mu Jerusalema no judae na Samaria, no kughu hura wowu ndjuni." ⁹ Opo Hompa Jesuse aghambire vininke vino,vavo kuna ku kukengera kuwiru, Uye a vumbuka, no liremo ghalimu vadeke uye kumantjo ghavo. ¹⁰ da vakengera kuliwiru apa ayendire,makura,varume vavili avayimana navo muvikoverero vyavi kenu. ¹¹ ghava ghamba asi,"anwe varume va galilee,konda munke muna yimanene pano nakukenga kuliwiru? oghu nge Jesusa ogho vaghupa kwenu ayende muliwiru ngaka vyuka paukaro yira momu munamumono uye kuna kuyenda muliwiru ¹² makura ava vyuka ku Jerusalema kutundilira mundundu vana kutwenya asi olive, eyi yakaliro pepi na Jeruralema,kwakalire ruyendo roMapeu. ¹³ opo vayatikire,ava rondo mundjugho yakuwiru,omo kava ponganga,kwakalire Peturusa,John,James,Andrew,philip,Thomas,Batholomew,Mathew, james mona wa Alpheus,Simon zealot,na Judas mona James ¹⁴ vavo makura ava lipakerere no sitambo simwe so kuraperera, kumwe navakamali,no Maria vawina va Jesusa,na vaghuni vendi ¹⁵ Mumayuva ogho Peter asapuka mubumga yova ghuni vendi, kuhamena ku vantu 120, na kutanta asi. ¹⁶ vaunyande,vyawapilire asi matjangwa awapera kwagha tikitangamo,asi mpepo yokupongoka kwaghambire kuhofa pakanwa ka David kuhamena Juda, ogho akalire mpititili kovo vaya kwatiro Jesusa. ¹⁷ Uye kwakalire umwe wetu naye kwawanine ko vyendi muviruwana vino." ¹⁸ ( Makura uno murume aghuru lifuva na vimaliva awanine muvirughana vyendi vyaudwa dwa, na kukuyuva mutwe kumeho,no rutu rwendi aru tauka rupaturuke,na vyomunda avi rupuka . ¹⁹ navantje vatungi vomu Jerusalema avaviyuvu vino, ava likughu lifuva muliraka lyavo asi "Akeldama," asi, "lifuva lyo honde.") ²⁰ "Vavi tjanga mumbapira ya va pisarome, 'asi 'suvenu lifuva lyendi likare lirunda, na ku pulitira na mpili umwe atunge po; 'renkenu umwe ghaghupe livango lyendi lyokupangera.' ²¹ Vyawapera, mposi, umwe murume ogho akarango kumwe natwe kehepano Hompa Jesusa agha yendi kutunda mwetu nakuya mukatji ketu, ²³ kutundilira palikuso lya John ku twara kuliyuva asi uye kwamu upire ku kwetu, mora umbangi wetu opo ngaka vyuka." ²² vavo avatura kumeho varume vavili, Joseph vatwenyanga Barsabbas, ogho varukire simpe Justus, na Matthias ²⁴ Vavo ava raperere na kutanta asi,"ove,Hompa, wayivo dimuntjima da vantu nadintje, tutantere avano vavili are po ogho wahoro ghorapo ²⁵ ogho aupo livango lyaupositoli eli akomba Judasa omo ayenda kulivango lyanaumwendi." ²⁶ ava horo ghora ngoli vantu vavangi, na makura ava horo ghora pasi fungu fungu asi ka wera pa Matthias, na uye avamu wederere ku va murongo na umwe