¹ Opo lyatikiremo liyuva lya pentekoste,vavo navantje kwa kalire palivango limwe ngoli. ² payuvikire yira limu kundungu lya mpepo lyakutundo muliwiru na kufika mundi nauntje opa vasingilire. ³ ava monekere kukwavo maraka yira mudiro vana tapere, no ava tura sungire pa umwe wavo. ⁴ Vavo kwa tulire no mpepo mupongoki no avatameke kughamba mumaraka akukusuva suva,yira momo mpepo yava pulitire ⁵ Ano pakalire va jeusa ovo vatungiliro mu Jerusalema,vadini Karunga, kutuda kudimukada kuntji yo liwiru. ⁶ Apa vayuvire liywi linya, mbunga ayiya kumwe ano vakalire vana piyangana morwa kehe ghuno kwaghambire liraka lyedi. ⁷ Vavo ava tetuka no kulipura; ava aghamba,'' Ghusili, navantje kapisi kuna kughmba ru Galileya? ⁸ Nkoda munke tuna kuvayuvira,Kehe ghuno muliraka lyavo olyo vamuyita? ⁹ Parthian no Mede no Elamite, no ovo vatungiro mu Mesopotamia, no mu Judea no Cappadocia, mu Pontus no Asia, ¹⁰ Phygia no pamphylia, mu Egipite no kuruha rwa Cyrene, nova dinguli vamu ROMA, ¹¹ Jewsa no Prose, Cretan no Arabiya, atuvayuvu muliraka lyetu kuna kulitantera kuhamena viruwana vya Karunga vyoviwa.'' ¹² Vavo kwa tetukire no kupingana; ava litantere nau mwavo,'' Nke vina kutanta vino?'' ¹³ Enne ngoli vamwe avavatidi noku ghamba,'' vana yura vinyu yoyipe.'' ¹⁴ Enengoli Peter asapuka nova Murongo noghumwe, noku yerura liywi lyedi, no aghamba kukwavo,'' varume vomu Judeya no nanwe mwatungo mu Jerusalema, vikare vina kene kukwenu; teyererenu kunkango dade. ¹⁵ Mbyovyosi avano vantu kapi vana korwa yira momo muna kughayara, vili ntatu tupu yoliyuva. ¹⁶ Enne ngoli evino mbyo vaghambire kupitira mwamu profete Joel: ¹⁷ Ngavi kara mu mayuva akuhulira; Karunga kwa hamba asi,' ngani powomwena mpepo yade muvantu navantje. Vana venu vova mati no vova kadona gava pumbwa, vanatjoka ngava mona mamoneko, vakurona ngava rota djodi. ¹⁸ Ushili kuvi pika vyade no vipika vyade vyovi kadi mumayuva ogho ngani powomwena mpepo yade, no ngava pumbwa. ¹⁹ Ngani neyeda vitetu muliwiru no vineyidito palivhu,honde,mundiro, no muti. ²⁰ Liyuva ngalili tjindja kughusovangani no kakwedi kuhonde kumeho yoghuwa no noliyuva olyo Ngaya Hompa. ²¹ Ngavi kara ashi kehe ghuno ogho oku kuwa lidina lya Hompa nga yoghoka." ²² Varume va Israel,yuvenu nkango dino: Jesusa wa Nazaretha kwakalire kwamutapire kukwenu Karunga novirughana vyokuvyukilira no sineyidito oso Karunga arughanine kupitira mumbunga,yira momu naghu mwenu mwaviyiva. ²³ Oghuno murume kwamutapire Karunga nosihoro no ukaro; no kukwenu, mumawoko ovantu vokudira kupakera veta mbili,kwamutura kumfa paku pampara kusikuruse. ²⁴ Enengoli karunga mbyo amu vhumbura, kumuyora kukukora ko ndjo,Mukoda kapi vyaswa kukara kukwedi. ²⁵ Kuhamena David atanta'. namonine Hompa kumeho yosipara sade, uye mpwali kurulyo rwade mposi kapisi vangupepo. ²⁶ Mpongoli asi mutjima wade kwahafire no liraka lyade alilikida,no,no rutu rwade ngaru paruka muli huguvaro. ²⁷ Koye kapisi ngaukengerere mpepo yande, nampili ngaupulitire mpepo yoye kumwe nakukenga mukuranga. ²⁸ Ove watantera me ndjira yaliparu; ove ngaudjwida na mpora kusipara soye ²⁹ vaunyande, ame kuvura nighambe no mukumo kuhamena Patriarch David, asi navantje kwa fire na kuva vumbika, na uye mbira yendi nayo twa kara weno mu mayuva ano. ³⁰ Mukutwara, uye kwa kalire mu poroe na fetkuyiva asi karunga atapa litwenyedero ku kwendi asi uye ngaruwana vininke vya ku kufana ovyo aruwana kusipuna sendi. ³¹ Uye akenge ovyo vya sanino kuhoroka kumeho na kughamba vya kuhamena kwa Kristusa, asi uye nampili kwa suvilira, uye kwato wora rutu rwendi. ³² Jesusa -Karunga amuyerura uye asapuke, ovyo twa kengilire natuvantje. ³³ mukutwara, mukuwana unankondo waunene kulighoko lyo kalyo Karunga na kuwana litwenyedero yo mpepo yoku pongoka kutundilira mwa Hompa, uye ateta mo ovyo wakenganga na vyo twayuvanga ³⁴ Mbye vishi David kapi ayeda mwene kuliwiru, enne ngoli uye atanta,' Hompa atantere Hompa wade,'' sungira ku rulyo rwade ³⁵ dongoro ngani renke vana nkore voye silyatero so mpadi doye.''' ³⁶ mpo ngoli, renka muhoko wa Israel nauntje uyive asi Karunga kwa mutura uye navintje Hompa ntani Kristusa, owu mwa pampalire.'' ³⁷ Ano opo vaviyuvire vino,vyava twire kumuntjima, no ava aghamba kwa Peterusa noku va Positoli,'' Vakaghume, nke tuvhura kurughana? ''' ³⁸ makura Peter atanta kukwavo,'' Litezururenu noku mukusa, namuvantjeya,mulidina lya Jesusa Critusa mulighupiropo lyo djo denu, no ngomu wana uswi wo mpepo mupongoki. ³⁹ Litumbwidiro lyenu no kuvana venu novo vakaro ghure' Nona vatjeya vantu ovo ga kuwa Karunga.'' ⁴⁰ No nkango dimwe dodigi odo ambangipalire no kaderera kukwavo, ''Karenu muna yowoka kuruvaro rodjo.' ⁴¹ 'Makura ava tambura nkago dedi ntani vavo kwa vakusire, ntani vavo avava wedere muli yuva olyo kuhamena mayovi matatu mwenyo. ⁴² Makura vavo ava litapere naghumwavo kuva positoli' kuronga no nokukara pamwe,mukulya kumwe no makaderero. ⁴³ Utjirwe aghuyere mwenyo naditje, no vitetu no vineyidito kwavirughanine kupitira muva positoli. ⁴⁴ vapuli navantjeya kwakalire kumwe tupu no vininke vyavo, ⁴⁵ no ava ghulita vininke vyavo no kuvitapera kuna vatjeya, kutwara kuvi hora vyavo ovyo vakalire navyo. ⁴⁶ Kehe liyuva vavo kwakalire no mutjima ghumwe tupu muntebeli,mumadi ghavo kavalyenga, kava litaperanga dyanoruhafo nokuli didipika mudi mutjima davo. ⁴⁷ oku vavao kuna kusamberera karunga no kukara no mbili novantu navantjeya no kehe liyuva Karunga awederereko sivaro kovo kavamukarerango.