¹ Elo namalaika uwalenga cisano aishile kulisha ipenga lyakwe. Nabwene ulutanda ukufuma mumulu ulo ulwaponene pesonde. Ulutanda balilupele imfungulo ya cilindi cakunshishi. ² Naye aliswileko kucilindi caku nshishi, elo icushi calikufumamo cali nge cushi cifuma mwilungu likalamba. Akasuba no lwelele fyaishile kusanguka ifyakufitulukila kucushi icali kufuma mucilindi. ³ Mucushi mwafumine makanta uwaishile pesonde, kabili balipelwe amaka nga ayakwata bakaling'ongo aba pesonde. ⁴ Balibebele ukukana onaulapo icani capesonde nangula icilimwa conse icibishi nagu icimuti, lelo kanofye abantu abo abatakwete icikakatikilo pampumi shabo ⁵ Kabili tababapele insambu shakwipaya abo bantu, lelo kubacushafye kwekakweka pamyenshi isano ukucululuka kwabo kukaba ngobutanshi bwakwa kaling'ongo uluntu asuma mumuntu. ⁶ Mulisho inshiku abantu bakafwaya imfwa lelo tabakaisange.Bakafwaisha apakalamba nganshi ukufwa, lelo imfwa ikafulumuka ukufuma pali bo. ⁷ Na ba makanta balikuboneka kubati niba kabalwe abo bateyanishiwa bulwi. Na pa mitwe yabo pali ifintu kubati filongwe fya golide, kabili ne finso fyabo fyali kubati bantu. ⁸ Balikwete imishishi kubaitmishishi ya banakashi, kabili na meno yabo yali kubati meno ya nkalamo. ⁹ Balikwete ifyakucinga ififuba kubati fyakucinga icifuba fya cela, kabili ciunda cipangwa na macheleta ayengi kabili nga ba kabelwe abakobutukila mu bulwi. ¹⁰ Balikwete imicila iyali no lubola lwa busungu kubati ni ba kaling'ongo; mu micila yabo bali na maka ya kulimuna abantu pa myeshi isano. ¹¹ Balikwete nge mfumu pali bena malaika wa kucilindi cakubula i,pela. Ishina lyakwe muyci Hebere lyali Abaddon, na muci Giriki alikwete ishina Apolluon. ¹² Ne cabulanda ca cantanshicilipitile. Boneni! Panuma yaifi pali nafimbi ifinkunka fibili ifikoisa. ¹³ Na malaika walenga mutanda alilishishe ipenga lyakwe, kabili naumfwile ishiwi likofuma pa masengo ya cipailo ica golide icalba pa mulola wa kwa Lesa, ¹⁴ likolanda kuli malaika walenga mutanda uwakwete ipenga, "Lekelako malaika bane abo abakakilwe pa niika ikalamba iya Euphrate." ¹⁵ Ba malaika bane abateyaninwe pali ilya nsa pali bulya bushiku, muli ulya mweshishi, kabili muli ulya mwaka balekelweko ku kwipaya icipendo ca butata ica mutundu wabantu. ¹⁶ Impendwa yabashilika abapanuma yakubakabalwe yali 200,000,000.Naishile kumfwa impendwa yabo. ¹⁷ Ifi efyo naishile kubona bakabalwe mucimonwa candi elo nabo ababensha: Ifyakufimba pafifuba fyabo fyali ifyakukashika kwati mulilo, ifymakumbimakumbi elo nefya fyamutuntula. Imitwe yukuba kabalwe yalipalene ne mitwe yankalamo, elo notunwa twabo mwaishile kufuma umulilo, icushi elo na saufere. ¹⁸ Abantu bacitatu baishile kwipaiwa kuli ifi ifikuko fitatu: umulilo,icushi elo na saufere ifyo ifyaishile kufuma mutunwa twabo. ¹⁹ Pantu amaka yaku bakabalwe yali mutunwa twabo elo naku micila shabo-- pantu imicila shali kwati ninsoka, bakwete imitwe iyo balikucenenako abantu ifilonda. ²⁰ Abantu abashala, abo abashaipailwe kuli ifi ifikuko, tabalapile kumilimo yaminwe yabo, nangula ukuleka ukushinshimuna ingulu elo notulubi twa golide, sifere, umukuba.ilibwe elo necimuti-- ifintu ifi tekuti fibone, ukumfwa, nangula kwenda. ²¹ Nangula tabalapile pakwipaya kwabo, pabuloshi bwabo, pabulalelale bwabo nangula ukwiba.