¹ Eluntu naishile kubona naumbi umungeli wamaka akoisa panshi ukufuma mumulu. Aikubenye mwikumbi, elo pali nomukola mfula pamulu wamutwe wakwe. Icinso cakwe cali kubati kasuba elo namakasa yakwe kwati ninceshi shamulilo. ² Aikete akalibuku akanono, ilyashile kwisuka kukuboko kwakwe. Aishile kubika ukulu kwakwe ukwa kukulyo pali bemba elo nokulu kwakwe ukwa kukuso pamulundu. ³ Eluntu aishile kupunda mwishiwi ilikulu kwati ninkala iikobuluma. Uluntu aishile kupunda, inkuba cine lubaliba shaishile kulanda nefiunda fyafiko. ⁴ Uluntu inkuba cine lubali shaishile kulanda, naishile kufuya ukutampa ukulemba , nomba naishile kumfwa ishiwi ukufuma mumulu aliti, "Shinkapo pafyo inkuba cine lubali shalanda ati. Wilemba." ⁵ Eluntu umungeli nabwene natalama pali bemba elo napa calo aishile kwimya ukuboko kwakwe ukwakukulyo kumulu. ⁶ Aishile kulapa pawamweo wamuyaya, uwabumbile umulu elo nafyonse ifyabamo, icalo elo nafyonse ifyabapo, elo na bemba elo nafyonse ifyabamo, elo malaika aishile kulanda ati, "Takwabe ukushingashinga. ⁷ Nomba pabushiku uluntu umungeli wakulenga cine lubali ilyo akofwaya ukulisha ipenga lyakwe, eluntu inkama yakwa Lesa ikesa kupwililika, ngefyofye abilile imbilansuma kubasha bakwe bakasesema." ⁸ Ishiwi naumfwile ukufuma kumulu lyaishile kulanda kuli nebo nakabili: " Kabuye, senda ibuku lyakwisuka ilyo ilili muminwe yamungeli utalame pali bemba elo napa mulundu." ⁹ Eluntu naishile kuya kumungeli elo nokwisa kumweba ukumpela akali buku akanono. Aishile kulanda kuli nebo, " senda ibuku elo nokulilya. Lyalalenga mumala mobe ukulula, nomba mukanwa kobe lyalalowa kwati buci," ¹⁰ Naishile kusenda akalibuku akanono kukuboko kwa mungeli elo nokulya. Lyali ilyakulowa kwati buci mukanwa kandi, nomba panuma yakulilya, mumala mwandi mwaishile kulula. ¹¹ Eluntu umo aishile kulanda kuli nebo, "Ufwile wasesema nakabili palwa bantu abengi, inko, indimi, elo nemfumu."