¹ Nomba lilya baleisa ku Yerusalemu, bafikile mupepi na Betifage na Betani pa lupili Miolifa. Kabili Yesu atumine abasambi bakwe babili ² Kabili atile kuli bena, Kabiyeni pa mushi ulya pantanshi yesu. Kabili pakwingilafye pene, mulesanga umwana wa mpunda nakulikwa uo muntu ashatala aninapo. Mumukakule mumulete kuli ine. ³ Ngacakweba ati umo amipusha, ''Ninshi mulecitilefi?' mulingile ukulanda ati, 'Nimfumu eilemufwaya kabili yalamubwesha nombo line kuno kwine.'' ⁴ Awe baima bayasanga no mwana wampunda naba mukulikila pamwinshi panse mumbali yamasebo, kabili balimukakula. ⁵ Abantu bamo balimanine nokusosa kuli bena, "NInshi mulecita, mwakakwila?" ⁶ Basosele kuli bene ukulingana nehyabebele Yesu kabili na bantu babakele baya. ⁷ Batwele umwana wa punda kabili nokuposapo amalaya yabo, kabili nao epo aikele. ⁸ Abantu abengi baanshike insalu shabo pa musebo bambi nabo baanshike amabula ayo batemene mumpanga. ⁹ Abaletangilila kabili na bonse abalekonka balepunda, "Hosana! Abe uwapalwa uuleissila mwishina ilya kwa shikulu. ¹⁰ Bushe ubwapalwa ubufumu ubuleisa ubwa kwa shifwe Dabidi! Hosana mumyulu iyapulamo!" ¹¹ Kabili Yesu aingile mu Yerusalemu nokuya mwi tempele na ukulolesha fyonse. Nomba na kashita kalipwile, afuminemo nokuya ku Betani pamo na bekumi na babili. ¹² Ubushiku bwakonkelepo elyo baleya balefuma mu Betani, ali nensala. ¹³ Cilya amona umukunyu apatali uwali namabula , eko aile mukumonako ifisabo, lilya afikako, asangafye ambula yeka yeka, tayali ninshita itwalilapo imikunyu. ¹⁴ Elyo aeba umukunyu ati, ''Takuli nangu umo uukalyako icisabo kuli iwe nakabili.'' Kabili nabasambi bakwe balyumfwileko. ¹⁵ Baishile ku Yerusalemu, kabili Yesu aingila mwitempele kabili atendeke ukutamfya aba makwebo naba leshitamo. Kabili alapilibaula ifintamba fya balekabushanya indalama ne fipuna fya baleshitisha inkunda. ¹⁶ Tasumishe nangu bamo abalesenda ifipe ukupita mwi tempele. ¹⁷ Kabili alabafunda nokubeba ati, ''Tacalembwa ati, 'Ing'anda yandi ikalaitwa ati ni ng'anda ya mapepo mwisonde lyonse'? Nomba imwe mwaisangula ing'anda ya bupupu.'' ¹⁸ Bashimapepo mukalamba naba kalemba ba lyumfwile ifyo alandile, kabili balefwaya inshila iyakumwipailamo. Pantu balemutina eico abantu balepapa ukufunda kwakwe. ¹⁹ Elyo icungulo cafikile, balifuma mumusumba. ²⁰ Nomba ilyo baleenda ulucelo, bamwene umukunyu nauma ukufika na kumishila. ²¹ Petelo aibukishe nokutila, ''Kasambilisha, lolesha umukunyu ulya watipile nauma.'' ²² Yesu abaswike ati, ''kwateni icicetekelo muli Lesa. ²³ Ndemyeba icine nati ngacakuti umuntu aeba ulupili ulu, ''Fumapa nokuiposa wemwine muli bemba, 'ngacakutila taletwishika mumutima wakwe lelo alifye uwasubila ukuti efyo alanda fili nokucitika, ifi efyo Lesa ali nokucita. ²⁴ Eico ndemweba nati: Ifintu fyonse ifyo mwapepelapo na ukulomba, cetekela ukuti ukapokelelapo, kabili fikapelwa kuli imwe. ²⁵ Elyo mwaimanina nokupepa, mufwile mwaelela bonse abamilufyanya pakutila Tata wa mu mulu engamwelela ukubifya kwenu.'' ²⁶ Lelo nga tamwelela, na wiso uwaba mu mulu takamwelele imembu shenu. ²⁷ Baishile ku Yerusalemu nakabili. Nelyo Yesu aleenda mwi tempele, bashimapepo bakalamba, ba kalemba, naba kalamba bashile kuli wene. ²⁸ Batile kuli wene, ''Bushe nikumaka nshi ucitila ifi fintu, kabili nani wakupela amaka yakucitefi?'' ²⁹ Kabili Yesu atile kuli bena, ''Nalamipusha ilipusho. Ngebeni kabili nalamweba uko nafumya aya maka yakucitefi fintu. ³⁰ Bushe ulubatisho lwakwa Yoane lwafumine kuli Lesa nangula niku bantu? Ngasukeni.'' ³¹ Awe balaipushanya no kutalikana abati, ''Nga twalanda ukutila, lwafume ku mulu, 'Alatweba ati, 'Ninshi tamwamucekele?'' ³² Lelo ngatwatila ati, ''Lwafumine ku bantu, Batinine abantu pantu onse alishibe ukutila Yoani nikasesema wacine cine. ³³ Kabili ba aswike Yesu abati, ''Tatwishibe.'' Yesu atile kuli bena, ''Naine shamwebe amaka ndecitilamo ifi fintu.''