¹ Nomba malaika walenga busano alilishishe penga intandala lyakwe. Nebo nalimwene ulutanda ulwaponene ukufuma ku mulu ulo ulwaponene pa calo. No lutanda lwalipelwe infungulo sha cipunda cashika icapa cilindi cakubula impela. ² Ena aliswile icipunda cashika ica calindi cakubula impela, kabili icushi caifumine ukuya mumulu ukufuma pa cipinda cashika nge cushi icikofuma mwi lungu lya mulilo ilikalamba. Akasuba no mwela fyalyalwilwe fititi ku cushi calikufuma pa cipunda cashika. ³ Namu cushi mwalifumine ba malaika ukwisa pa calo, kabili balipelwe amaka kubati ya ba kaling'ongo pa calo. ⁴ Balibebele ukukanaonaula icani ca pa calo nangu cili,bwa icili conse icakatapa katapa nangu icimuti, lelo kanofye abantu abatafwatikwe icikakatikilo ca kwa Lesa pa mpumi shabo. ⁵ Tabapelwe insambu sha kwipaya aba bantu lelo kanofye ukubapa butanshi pa myeshi isano. Nobukali bwabo bwali kubati bwa kwa kaling'ongo ulo asuma muntu. ⁶ Muli shilya nshiku abantu ba kalekufwaisha ukufwa, lelo imfwa ikalekufulumuka ukufuma kuli bena. ⁷ Na ba makanta balikumoneka kubati niba kabalwe abo bateyanishiwa bulwi. Na pa mitwe yabo pali fintu kubati filongwe fya golide, kabili ne finso fyabo fyali kubati bantu. ⁸ Balikwete imishishi kubaitmishishi ya banakashi, kabili na meno yabo yali kubati meno ya nkalamo. ⁹ Balikwete ifyakucinga ififuba kubati fyakucinga icifuba fya cela, kabili ciunda cipangwa na macheleta ayengi kabili nga ba kabelwe abakobutukila mu bulwi. ¹⁰ Balikwete imicila iyali no lubola lwa busungu kubati ni ba kaling'ongo; mu micila yabo bali na maka ya kulimuna abantu pa myeshi isano. ¹¹ Balikwete nge mfumu pali bena malaika wa kucilindi cakubula i,pela. Ishina lyakwe muyci Hebere lyali Abaddon, na muci Giriki alikwete ishina Apolluon. ¹² Ne cabulanda ca cantanshicilipitile. Moneni! Panuma yaifi pali nafimbi ifinkunka fibili ifikoisa. ¹³ Na malaika walenga mutanda alilishishe ipenga lyakwe, kabili naumfwile ishiwi likofuma pa masengo ya cipailo ica golide icalba pa mulola wa kwa Lesa, ¹⁴ likolanda kuli malaika walenga mutanda uwakwete ipenga, "Lekelako malaika bane abo abakakilwe pa niika ikalamba iya Euphrate." ¹⁵ Ba malaika bane abateyanninwe pali ilya nsa pali bulya bushiku, muli ulya mweshishi, kabili muli ulya mwaka balekelweko ku kwipaya icipendo ca butata ica mutundu wabantu. ¹⁶ Ne mupendwa ua fita ifyali pali ba kabalwe yali imyanda mishila ibili. Nebo nalyumfwile impendwa yabo. ¹⁷ Nefi efyo nebo namwene bakabalwe mu cimonwa candi kabili nabo abaninine pali bena. Ifya kucinga ififuba fyabo fyali ifyakukashika ngo mulilo, ifyafita makumbi makumbi kabili ngo mutuntula wa salfere. Ne mitwe ya ba kabalwe yalipalile imitwe ya nkalamo, na mu tumwa twabo mwalifumine umulilo, icushi kabili na salfere. ¹⁸ Necipendo ca butatu ica bantu balifwile kuli ici cikuko ca batatu: umulilo, icushi kabili salfere ifyali kufuma mukanwa ka bakabalwe. ¹⁹ Ico amaka ya ba kabalwe yali mu tunwa twabo kabili na mu micila - ico imicila yaboyali kubati ni nsoka, balikwete imitwe iyo bali kucenenako abantu ifibenga. ²⁰ Na bonse abantunse, abo abashaipaiwe kuli ci cikuko, tabalapile ukufuma kumilimo ya maboko yabo, nangu ukuleka ukushinshimuna ifibanda nangu ifilubi fya golide, silfere, umukuba, amabwe kabili ne fimuti - ifintu ifitakomona, ukufumfwa, nangu kwenda. ²¹ Awe tabalapile ukufuma mu kwipaya, kufya malele fyabo, ubulalelale bwabo nangu imilimo ya bung'oo.