¹ Elyo namwene malaika uwamaka akofuma mu mulu. Alifwele ikumbi, no mukola mfula washingulwike pa mutwe wakwe. icinso cakwe camoneke nga kasuba na makasa yakwe yamoneke kubati lubingu lwa mulilo. ² Akwete akalupapulo akanono ako akali akaisuka mu minwe yakwe. Abikile ukulu kwakwe ukwakukulyo mu cimana nokwakukuso pa mushili. ³ elyo abilikishe mwishiwi ilikulu kubati ni kalamo iikobuluma. Ilyo abilikishe utulumba cine lubali twafuminshe iciunda catuko. ⁴ Ilyo utulumba cine lubali twasosele, nali nokutendeka ukulemba, lelo naumfwile ishiwi ukufuma ku mululikoti, "Kskstika ifyo utulumba cine lubali twasosa. Wilemba." ⁵ Elyo malaika namwene uwaiminine pali bemba na pa mushili asanswile ukuboko kwakwe ukwa kukulyo ku mulu. ⁶ Alapile pali uyo uwaikala umuyayaya no muyayaya, uwabumbile umulu na fyonse ifyabapo, na muli bemba na fyonse ifya bamo elya malaika asosele ati, "Takwakabepo ukukokola. ⁷ Lelo pali bulya bushiku ilyo malaika walenga cine libali alino kulilisha ipenga, elyo icankama cakwa Lesa cikafikilishiwa, ngefyo abilishe imbila isuma ku babimfi bakwe ba kasesema. ⁸ Elyo ishiwi naumfwile ukufuma ku mulu lya sosele kuli nebo nakabili: "Kabiye bula ulupapulo ulwaisuka ululimu munye lwakwa malaika uwiminine pali bemba na pa mushili. ⁹ "Elyo naile kuli malaika nokumweba ukumpela akampapulo akanono. Nao asosele kuli nebo , "Senda impapulo nokulya. Yalapanga munda yobe ukulula lelo mukanwa kobe yalalowa ngo buci." ¹⁰ Nabulile akampapulo akanono ukufuma mu minwe ua kwa malaika no kulya. Lwali ulwalowa kubati buci mu kanwa, lelo panuma nalya munda yandi mwalilulile. ¹¹ Elyo umo asosele kuli nebo, "Ufwile wasesema nakabili pa bantu abengi, inko, indimi ne shamfumu."