¹ I sô ma wã ria di sabaru, Jizu ta lá ni mevia di cereais i Anê maielo rê ta ka koiê inkuê ka féguê ku mon i mé unkuê. ² Sô wâ ané farizêu fa ane: "Ra kuaê ma sê sêka zi kua ku na sa pa a ka zi ni ria di sabaru?" ³ Jizu kundji ane fa: "Sê nasê lê kua ma David zi ola Êlê ku ané homé ta ku fomi? ⁴ Ê letxa ni kai Desu, tua mpó di proposição, me ê tô da ané naue ku tava kuê. ⁵ Só Jizu fa ane: "Na Homé sa Sun di sabaru". ⁶ Só otô sabaru, Jizu be até sinagóga ka sina ané nkênu. Ê ta nha wâ homé ki mó leto lesaru. ⁷ Ané escriba i fariseu ta ka zongo Jizu ni peto, pa ané pia si Ê ka kula ngue ni ria sabaru, punda ané ta ka ngoló moro pa ané kuzé. ⁸ Magi Jizu tá ta kua ma ané ta ka pensa Ê fá homé ku ta ku mó lezaru: "Lata nja ta katxi turu ané". Só homé ê lata i ta ndjaru. ⁹ Só Jizu fá ané: "Nga Putá sê: Ni sabaru sa pa azi bé ô mali? sava vira ô maté? ¹⁰ Só Ê pia loro ané só Ê fa da homé: "Sendê mó ô". Ê si kua i mó rê yogô. ¹¹ Magi ané fika siaru ka temé ka pufia ku ané di kua ma ané kapô ji Jizu. ¹² Só diê ê, ma Jizu ba wâ nga zangaro ba fa lason. Turu ola, nsuku é Ê tá ka fá Lason ra Desu. ¹³ Ola pamonha biri, Ê sama ané mêlu rê, koiê kui né dosú ané, ma Ê sama ané na lekaru rê. ¹⁴ Nome ané sá: Simon, ma ê sama Peru, ku na mon rê Andre; Txiagu; Zon; Filipe; batulumeu; ¹⁵ Mateju; Tomé; Txiagu; na Alfeu; Simon ma aka sama Zelotxi; ¹⁶ Zura; na Txiagu; ku Zura Skariotxi, ku bila numigu rê. ¹⁷ Só Jizu dese ku ané fô londe só ané ta wã nga sentara, ma yô nkenu melu rê ku yô nkenu Judeia ku Jerusalem, kota Tiro ku Sidon. ¹⁸ Ané ka bi pa ané ndê pa ané sa kularu ku supito mali turu yogô. ¹⁹ Ê turu nkenu ta ka ngolo Jizu á ané tê ku mó punda porê ta ka siê né só Ê ta ka kula turu ané. ²⁰ Só Ê lata wê pê riba ané mélo rê, fa ané: "Buaru sa sê, ané plobi, punda govenu Desu sa di sê. ²¹ Buaru sá sê ki fomi, punda bega kabi sia. Buaru sa sê ki ka suwa, punda sê ka bi di. ²² Iê sa buaru da nkenu ka fa mali ku sê to kolê ki sê, tô keta, zeta nome sê mora nguê ma fé, povia ta di na homé. ²³ Gogô ni ria ê tô sata ki gostô punda sê ka té wa pagamento ni oncê, punda na kulu zi mora é ku ané na lekaru na kulu mora é mé. ²⁴ Magi a di sê ki sa liku! punda sê tua kua buaru sê za. ²⁵ A di sê ku sê ka mi ayé i punda sê kabi tê fomi. Ai di sê ku sê ka ri ayé. Punda sê kabiri luto to suá. ²⁶ Ai di sê ola turu nguê kasa bem disê! Punda ané nkenu na kulu ané aji ané fasu profeta ni mora ê mé. ²⁷ Nga fa sé ku ka ndê un: gogô ku nu migu sé zi kua buaru nguê ka zi sê mali. ²⁸ Fa ben di nkenu ku ka fa mali sê fa lason da nguê ki lata fasu da sê. ²⁹ Sê nkenu dasê wã soro ni polô se ka bila ôtô kiba. Si nguê tua kapa ô, na pufia xi ê tua kabi xiô. ôua. ³⁰ Sê nguê pindji, sê kua kuali ku a dê elê. Sê nkenu tua kua kuali kua ki sa di sê, na to pindjiê dingui wa. ³¹ Mora ma sê me^se pa ané zi sê mora ê mé sê ka zi ané. ³² Sê sê ka gôgô ku nkenu ku ka gôgô ku sê sô, kuai sê ka ganha ku kuaê. Punda ané pekarô ka gôgô ki nguê ki ka gôgô, Ku ané. ³³ Sê sê kazi ben da nguê ka zi bem da sê so, kuai sê ka nganha ku kuaê? Ati pekarôkazi kuê. ³⁴ Xi sê ka pessa nguê so ku kato da sê, kuali valoiu sê ka tê? Punda ané pekarô ka pessa ané pekarô zo, ané ka waré tobiku ndjira é mé. ma ané ta pessa. ³⁵ Mazi gôgô ku numigu sê ziane buaru pesa ané sê pa ané tobi ku ê i sê ka nganha kua ngairo. Sê ka sa na Desu punda e sa bularu ku ané glatu i mafé. ³⁶ Tê pena nkenu mora ma tatá sê kate pena. ³⁷ Na zi zugamentu pa sê nasa zugaru wa. Na kodena pa sê na sa kodenaru wa pora pa a pora sê. ³⁸ Ra ôtô pa a ra sê. Sê ka nganha ku mijira buaru pisa, tô pisa, sacuri ate bokaxia. Punda, ndja ô ka mindji mora ê mé a ka midji ô. ³⁹ Sô ê tanga ané wça vesu: Wã segu kapô ngea ôtô segu? Si ê zi kua é dôdôsu ané ka kiê vuvu? ⁴⁰ Wã na lekaru na sá mase rôké mésé re wa, mazi óla ê ka sa tlenaru buaru sô ê a sa mora mésé rê. ⁴¹ Ra kuai bô ka pia iku ku sa wê na a mon ô mazi bo na ka xintxi ndigi pó ni wê ô wã? ⁴² Ma bô ka fa na a mon ô: na a mon ê desa un xia iku ku sa wê ô, ola bô mé na sê ka pia dingui pô ki sa ni wê ô? Fingiru ê! Pimelu txia nangui pô ni wê ô so bô ka pô pia buaru iku ki sa ni wê na mon ô. ⁴³ Ê na tê pô buaru ki ka dá mé poreru né po poreru ki kara mé buaru wa. ⁴⁴ Punda a kata ni kara pô me ma ê ka ra. Newã nkenu na ku ka koê figu ki pinha ne uva sasa wã. ⁴⁵ Wã homé buaru ni liqueza buaru ni kosso rê ka txia kua buaru, magi ixi mafé, kua mali di kosso ka bia luá ixi ki sa poseru; punda bôka ka fa ni kua kussa siaru ni kosso. ⁴⁶ Da kui sê ka sama un: Sumuê, Sumuê, sô na ka zi kua ma nga manda wã? ⁴⁷ Turu nkenu ku ka bi lêlê Un ku ka ndê lumba un ku ka kundji, nga fa ré mora ma ê sa. ⁴⁸ Ê sa mora uwã homé ku ka zikai rê, ê ka biri kobô fundu ni maru ni kabokô ni diba burru. Ola tavara ka bi ku aua oyô ka batê ku fossa kontla kaiê, magi ê na ndugaê wa. punda ê fô ziru buaru. ⁴⁹ Mazi nkenu si ku ka ndé lumba un ku na ka kundji wã, ê sa mora uwã ku zi kai rê dinba mavu sê kabokô. Ola aua oyô dapê ku fossa kontla kaiê weleweleme ê kiê ê baba berê lokê.