¹ Whã vê ma yô nkênu ngolo pê ni odji whã relatu ri kua ane kua ma a zi katxi non - ² Mora a ta fa nom ma na komeso fõ seseminha ku ane na kia lekaru -, ³ antõ ê ka ko buaru ra un turu, pia ane kua ê ku kuraru fogawha na komeso, siseke ni odji rê sèt, migu um Tiofilu, ⁴ pa bô ka konse ku seteza sobi verè ri ane kua ma ta sina ô. ⁵ Ni ria Herodes, alê zurê, ta ku whã setu saseroti samru Zakaria, ri odji ri Abia. Mengai rê sa ri familia ri Aronso a ka same Sabeli. ⁶ Ané dousu tã zustu whê Dêsu, ka nda ku lispetuni turu mandamentuku kua ma Sum ka pindji. ⁷ Mazi ane na tinha na wha punda Zabeli na ta ka pari wha, sô ane tà kukutaru tempu siza fogawha. ⁸ Ê a ra ma Zakari tà kotà Dêsu, ka kumpi´detú rê ri saseroti mora ma a pê; ⁹ Antõ ê foi koieru ni sotxi mora kustumi suvisu ane saseroti pa letxa ni ngeza ri Sun pa kema senso. ¹⁰ Turu nkenu ta ka fa lasom lua ola ma a ta ka kema senso. ¹¹ Anto whã anzu Sum vitxa kota ane, ndjaru, mon leton atali sensu. ¹² Ola ma Zakaria bê ê fika plokuparu so ê bi mendu . ¹³ Mazi anzu fare: Na mendu wha Zakaria, punda a nde lason ô. Mengay ô Zabeli ka bi pari whã mosu ma bo ka same Zon. ¹⁴ Bô ka bi ta ku ngosô ku satifason, ma yô nkenu ka ta ku ngosô ma ê nansê. ¹⁵ Punda e ka bi sa ngairu whê Sum ê na ka bebe vin nê bebe ketxiru wha; sô ni bega mama rê anda êka sa siaru Supitu Santu. ¹⁶ So ane povo Isaeli ka tô bila ra Sun Desu anê. ¹⁷ Ê ka ba whê ku Supitu ku purê Elia ri bila koson tata ra nan ene, sô zi ane pekaro ka nda mora sebe ane zustu sa. Êka zi kua ê mora whã povo pepararu ra Sun´´. ¹⁸ Zakaria fa anzu:'' Mã nga tê seteza di kua ê? Punda nsa whã ome kukaru sô mengay un sa ku yô anu za:'' ¹⁹ Sô anzu kundgi!'' An nsa Gabieli, nga ta kota Dêsu sô a manda un bi lumba ku bô sô bi ku lekaruê ra ô. ²⁰ Sô bô kabi fika mumuma bo na ka pô fa wha antê ria ma kua ê kabi ra punda bô na kêlê ni lumba un ku ka bi kumpi ni ola setu''. ²¹ Ma ane nkenu ta ka whara Zakaria, ane ta ka puta ra kuay ma ta yô tempu ni ngeza? ²² Ola ê siê, ê na pô lumba ku anê, manda ê ka zi sinali ku mon pa ê tenta fa kua ku ra. Antõ bi ta ma ê ta bê wha kua ola ê ta letu nha. ²³ Ê bi ra ma ola ria suvisu rê lokê, ê tô berê kai rê. ²⁴ Ola ria è pasa, mengay rê Zabeli tua begá so ê kondê tanom mbêzi, tõ fa: ²⁵ Ye sa kua ma Sun zi ra un ola Ê pia un ku favolô ri txia vengonha un whê yô nkenu''. ²⁶ Namano mbêzi Dêsu manda anzu Gabieli ba whã poson Galileia ma a ka sama Nazarè. ²⁷ a whã vigen pa ta pa kasa ku wha ma a sama Zozê . Zozè sa lasa ri Davi, sô nomi vigen sa Maá. ²⁸ Anzu bi kota rê sô fare: A bensaô bô ku sa ku ndjigi favolô ê! Sun sa ku bô!'' ²⁹ Mazi ê fika tubaru ku lumba é mothi fogawha sô puta ye sa kuali mora mantha? ³⁰ Sô anzu fare: Na mendua wha, Maa, punda Desu zi ô favolô. ³¹ Punda bo kabi kega bega sô pari whã mosu. Bô ka pé nomi ré Jizu. ³² Ê ka bi sa ngay, a ka same Na Dêsu Zangaru; Sun Dêsu ka bi ré tibuna tata Rè, Davi. ³³ Ê ka govena kai Jako pa sempe sô govenu ré na ka to loke wha. ³⁴ Maa fa anzu:'' Ma kue ka bi ra, nta ma nsa ku vizi?'' ³⁵ Anzu kundji fa-ré: Supitu Santu kabi riba ô, sô purê Dêsu ka bi kubi ô ku sombla. Punda kué, nkenu ixi ku sa Santu ka nanse ka sa samaru Na ri Dêsu. ³⁶ Punda Zabeli pima ô turu kabi pari whã na kukaru za. Ê ma ta ka sama mula sa ku begasamano mbêzi. ³⁷ Punda nenwha kua na kusta ra Desu wha.'' ³⁸ Maa fa:''ya na kia Sun ynge. Ku kué ka kumpiru ni au mora lumba ô.'' Sô anzu desé. ³⁹ Ria ê Maa kole seru ba whã nga zangaru, ba whã poson Zuré. ⁴⁰ Sô ê letxa kai zakaria sô fa Zabeli mantxa. ⁴¹ Ola kua bi ra ma Zabeli ndê Maa, na ku sa bega rê sata, sô Zabeli foi siaru ku Supitu Santu. ⁴² Ê ngita ku fosa fa:'' bô ka bi buaru katxi mengay, sô bensaru sa frutu si bega ô. ⁴³ Mora ma ê sa buaru mama ri Sun um ka bi lêlê un? ⁴⁴ Mora ma nde mantxa ô, ma na man sa kuê bega sata ku ngosto. ⁴⁵ Sô louvavuseja nkenu ku kêlê punda turu kuama Sun fa kabi kumpi.'' ⁴⁶ Antô Maa fa:'' Alima un ka boia Sun, ⁴⁷ sô supitu un sa ku ngosô ku Dêsu,savaro un. ⁴⁸ Punda ê pia mora na kia rê basa; Na ayê turu gelason ka sama nkenu buaru, ⁴⁹ Punda Porerosu zi kua ngairu ra un sô Santu sa nomi Rê. ⁵⁰ Misikoji Rê ka sendé ri gelason ba, gelason ra nkenu ku ka lispeté. ⁵¹ Ê musa fo sa ku porê ni mon Rê baga nkenu si ku ta ka pê whê ni kua ma koson rê ka pensa. ⁵² Baga ané plinsipi fô tubuna anê sô boia anê nkenu sosegaru. ⁵³ Sia ane ku té fomi di ben sô manda ane liko benê sé nenwha kua. ⁵⁴ Zura Isael, na kia rê ka lembua misikoji Rê. ⁵⁵ Mora ma Ê fa tata nom ku favolô Ablon ku jelason rê atê atê'.'! ⁵⁶ Maa ta kota Zabelikuazi tesi mbezi sô tô berê kay rê . ⁵⁷ Ola ê ndu ola pa Zabeli pari anzu, ê pari wha na pikina. ⁵⁸ Anê vijan rê ku anê familia rê nde ma Sun omenta misikozi rê kuê sô tô ta ku ngosô kuê ⁵⁹ Antô ê ra ma, ni nake ria, ane bi pa a pora anzu ê. Ane tà mêsê pa a samê ri Zakaria mora tata rê. ⁶⁰ Mazi mama rê biri boka fa: ynga, a ka samè Zon: ⁶¹ A fare: ynga katxi sé na té nkenu ma a ka nomi ê wha.'' ⁶² Ane puta tata rê pa ane diskubi ma ê mésê pa samé . ⁶³ Tata rê pindji whã ndjigi taba so sisika:''Nome rê sa Zon''. Turu nkenu babakaku kua é. ⁶⁴ Ta sô boka rê biri ,lingua rê sota, sô ê komesa ka faka kata ra Dêsu. ⁶⁵ Antó turu nkenu ku ka ta vevia boro rê komesa ka lispeta, sô turukua ku ra komesa ka whangaba turu kiba Zuré. ⁶⁶ Turu nkenuisi ku nde kua é, ta fika pazumaru koso aneka fa:'' Kuay ma mosu é ka bi sa? '' Punda mon sun ta diba ré. ⁶⁷ Tata rê Zakaria ta siaruku Supitu Santu, ka pofetiza; ka fa: ⁶⁸ Benditu kasa Sun Dêsu ri Isael, punda ê bi lelê tô libeta povô Rê. ⁶⁹ Ê lata koneta savason ra non kay Davi, na ki rê. ⁷⁰ Mora ma Ê pometê naria; ku ane Santu pofeta rê. ⁷¹ Ê ka bi sava non ri ene numigu non so ni mon ri turu nkenu ku ka oria non. ⁷² Ê ka zi kua ê pa Ê musa misikoji Rê ku tata non sô tô lembua kua ma Ê ta pometè. ⁷³ Pomesa é sa kua ma ê zula zi ku tata non Ablon, ⁷⁴ Pa ê livia non fô mom numigu, só pa non sivié sé mendu. ⁷⁵ Ni santirari ku zustisa whê rê, turu ria non . ⁷⁶ Ashen, bô, mosué a ka bi sama ô pofeta ri Atisimu; punda boka ba whê Sum ri, luma nkenu ra ola Ê ka bi, ⁷⁷ sô zi pa ata savason povo Rê ataveji ri peron pekaru ane. ⁷⁸ Kua ê ka ra punda misikojiri Desu non, ri mora ma kandja di riba se ka bi ate non, ⁷⁹ pa yere diba nkrnusi ku sa kose kuluso ni sombua mothi; Ê ka zi kua ri gia paso non ni mondja ri paji''. ⁸⁰ Anto mosu kula so neta ni Supitu. E ta lêtu matu ate ma ê biriru bi lêle povô Isaeli.