^{2 1} o' aso' ina'an raja Herodesan maningkam munsa-munsa mintuari dari' jemaat supaya iyan' dapat mapaisi' jo' ara ira'an. ² dabarikan iya munoh jo' Yakobusan sauruna Yohanes nana' basi'in. ³ Dabarikan iyan mambele' bawa kalakona ina'an jo' mam jo' mintuari Yahudi'in, iyan busi'i mamarintah tuk maningkam jo' Petrusan. hal ina'an tarjadi jo' aso' ari raya Roti inju beragi. ⁴ mamina manigkam jo' petrusan, iyan dapanjarakan nana' mamarintahkan ampat kalompok prajurit tuk maruangi jo'an; iyan barencana tuk magadili jo' dapana' tu' ambatan mamina' paska'an. ⁵ Mamina Petrusan datahan lalama' panjaraan tu'un paracaya ulu-uluana badoa jo' Alatalah tuk jo'an. ⁶ minsaso'on Herodesan to' paruan jo'an tuk diadili, malam ina'an Petrusan tindo' jo' antaraan dua prajurit yang daikat nana' dua rantai; samantara ara panjaga na'an jo' dapan katombangan yang maurangi panjara. ⁷ Belena, sansandinga' mondokana malaikat Tuhan jo'an, nana' mara'ara manerangi lalama sel penjaraan ina'an. dabaraikan iyan manampak jo' Petrusan nana' manaduna jo'an sambil bada', "ririenao sadingan." mamina rantai nan talapas dari' tangan Petrus. ⁸ malaikat nan bada' jo'an, "babaju nao' nana' pakaina sadal nun." Petrus malolai'i. malaikat bada' jo'an, " pakaina bulang bataburnun dan tamba' nao nanku. ⁹ Maminan Petrus tambah nana' malaikatan maruan. iyan inju matoang aika yang dalakonan kalea malaikatan na'an totong-totong jaji'. iyan kate' mita jalu banyaro-nyaro. ¹⁰ maminan ara ira'an malaloi' panjaga yang pertama nana' kedua, ara ira'an mondokna jo' katombangan basi' yang manujun jo' banua ra', katombangan ina'an tabuka' kadiri'i. maminan ara ira'an maruan jo' dalanan, malaikatan lansong marantang jo'an. ¹¹ Waktu Petrusan sading, iyan bada', "katini'in iyakan baru nak matoang Tuhan totong mayuro' malaikatan nana' malapaskan jo'an dari' tangana Herodesan, nana' dari' samua'a yang darap-arapan kalea' mintuari Yahudi'in. ¹² maminan dasading hal ina'an, iyan mondok jo' langkoan Maria indua' Yohanes yang biasa busi' dapadaang Markus, ambat tu'un parcaya mamin simalo-malo injene nana' badoan'. ¹³ Waktu Petrusan katombagana palayanan bibinge' asonan Rode mondok to' mambukaang katombagan. ¹⁴ waktu iyan milala' alinga Petrus, panjang susuan nyawaan iyan inju mambukaang katombagan; iyan lansung sansang mintama'; dabarikan iyan padaang injene Petrusan kadeng dapana katombaganan. ¹⁵ ara ira'an samua' bada jo' bibigenan, " baunoko'." tapi iyan barsikaras aika yang dapadangan ina'an totong. ara ira'an bada', "ina'an malaikat." ¹⁶ Dabarikan Petrusan ulu-uluana magotok katombanganan, nana' waktu ara ira'an mambukang katombagana, ara ira'an mambele' nana' tangkaradoanan. dabarikan ¹⁷ Petrusan mamiang isyarat jo' ara ira'an nana' tangana tuk tontonong, nana' iyan padaang ara ira'an aloika Tuhanan paruanan dari' lalama panjaraan. kadaan, "padanga samua'an hal ini'in jo' Yakobusan nana' ara saurunku yang boanan."dabarikan ian marantang kososona dan lamba jo' koson yang boanan. ¹⁸ Waktu andan ukon, ara prajuritanan madenmau waktu matoanga anjalu Petrusan injene. ¹⁹ mamina Herodesan manyari dan inju manduang joan, ian mintai'i jo' ara panjaga nan nana' manyuro daukum mate'. dabarikan ian maruan dari' Yudea jo' Kaisarea nana' lalakoan manatap injene. ²⁰ Waktu ina'an Herodesan apais jaji atean jo' banua Tirus nan Sidon. ara ira'an sama-sama maro jo'an. ara ira'an manyusui jo' Blastus, pambantu raja, tuk manolong jo' ara ira'an. dabarikan ara ira'an mamita badamai, karana bansa'an ara ira'an mangule jalu ikanan dari bansa raja ina'an. ²¹ waktu aso' yang datatapkanan kalea Herodes ian mamakai bulang batabura nana' duduk jo' iboan kadudukana; ian manutun jo' aroan ara ira'an. ²² Tu' ambatan dok' ini'ina alinga dewa, boan alinga mintuari!" ²³ waktu inan busi' malaikat Tuhanan rarasi jo' ara ina'an, karana ian inju manghormati Alatalah; dabarikan ian dakaan kalea lati'in nana maten. ²⁴ Tapi kada'a Tuhanan tio' nana' baranak nao. ²⁵ dabarikan Barnabas nana' Saulus pamamin tugasa ara ira'an, ara ira'an mole balik dari' {munsa-munsa catatan salinan kuno dabaca, "ara ira'an mole balik jo' Yerusalaman, ara ira'an mawa busi' jo' Yohanesan, yang dapadaan busi' Markus."}