¹ Untuk inanna Iakkan mayuro jo niin nan , ² jo Rajaan, samua panguasa tiap aso manyombaang, basukur, mato kule'ka tio' mam, tio' sule-ule, tio tanang na samua tu'un. ³ Iniinna parajan yang mamman yang inju lempang lagipun saroan na Alatala. ⁴ Iaan mangato'i samua muntuariin i-salamatkan na mataoang pasilennang jalu barat na jalu mamman. ⁵ Yang injennan hanya sera Alatala, sera parantara antara Alatala na muntuarin, niinna yang iasonnan Kristus Yesus. ⁶ Ian na niin yang barani bakorban dari tebusan, basaksi jo aso yang pas-san untuk samua muntuari yang tioon jo duniaan, ⁷ Untuk innan na kate diriku kadiri idile'i kole'a untuk pandongoi na sabagai Rasul. Iakkan padampeang tutunnan yang totongngan. Iakkan injuak barek-barek kada. Iakkanpun sabagai pangajar jo urang-urang bukan Yahudi. ⁸ Kateninna, yang kukato'in kate baba'an jo dekapun kosonnan tatap manyombaang nana mambuka tangan yang boresen tanpa rarasi atau ragu-ragu. ⁹ Katenanbusi yang kukato'in dari ara bibingngen supaya mamakai baju pantasan, pande mangosonang diri'a mato injua kamataan. Sabanara buukkaan inju pande danam, mamakai amas, mutiara na mamakai pakaian yang aragaan. ¹⁰ Yang Kukato'in ara bibingen arapakaian yang pantasan mam jo pambelean tuun, bakaraja na yang mamman. ¹¹ Bibingen arus to balajar untuk lalako poang nana arus to malola'i. ¹² Iakkan amo'ak kate bibingen ambat kada, bakuasa iboa baba'an. ¹³ Ininde' kupadangaan kole'a yang dakatio'on Alatala ijolo i-Adam mamin naan baruna i-Hawa. ¹⁴ Gara-gara i-Hawa iakan-akan, makaan i-Adam man malanggar kato'an Alatala. ¹⁵ walaupun katenaan i-Hawa tatap dasalamatkan malaloi palapasang anak, inanpun antiin to parasaya jaji jo kakuasa'anna Alatala.