¹ Emva kwesikhatsi bafundzi basandza ngebunyenti, kwaba nesikhalo kumaJuda labekakhuluma siGrikhi ngema Hebheru ngenca yekutsi bafelokati babo beba nganakwa ekwenetisweni kwemihla nemihla. ² Baphostoli babita sicuku sebafundzi batsi,'' akulungi kutsi tsine siyekele kushumayela livi laNkulunkulu kute kutsi sinake imisebenti yematafuleni. ³ ngako-ke kufanele kutsi nine nikhetse emadvodza lasikhombisa lana kini, lamadvodza kufanele abe nesimilo lesihle, lagcwaliswe nguMoya longcwele futsi abe nenhlakanipho, nawo-ke lawatawubuka lomsebenti. ⁴ Tsine ke sitawuchubeka ngemthantazo nekushumayela livi. ⁵ Inkhulumo yabo yasijabulisa sicuku. babese bancoma Stefana, indvodza leyayigcwele kukholwa kanye naMoya loNgcwele, kanye na Filiphu , Phrokhorusi, Nikhanori, Thimoni, Phamenasi kanye na Nikholasi umphroselithe wase Anthiyokhi. ⁶ Labafundzi baphakamisa lamadvodza embikwe baphostoli, babese bayaba thandazela babeka tandla etukwabo. ⁷ Ngako-ke livi laNkulunkulu lachubeka landza , nenombolo yebafundzi eJerusalema yadlondlobala kakhulu, nencumbi yebaphristi bakutfobela kukholwa. ⁸ Stefane agcwele umusa nemandla, abenta imimangaliso netibonakaliso ebantfwini. ⁹ kodvwa bekunebanftu labebase sinagogini lelibitwa kutsi lisinagogi lebantfu labakhululekile, laba bema Siriya, Alexandriya nalabanye base Silisiya kanye ne Asiya. Labantfu bebane mphikiswano na Stefane. ¹⁰ Kepha labantfu bebangakhoni kumelana nenhlakanipho neMoya bekanako Stefane ngesikhatsi akhuluma . ¹¹ Babese batsenga bantfu labatsi, '' simuvile Stefane ahlambalata Mosi kanye na Nkulunkulu''. ¹² Basusa lutfutfuvu ebantfwini etibondzeni kanye netati mtsetfo lokwabangela kutsi bambambe Stefane bamletse embikwe liqoqo letiphatsi mandla. ¹³ Babese batfola bantfu kutsi bamucambele emanga labatsi, ''onkhe malanga lona ukhuluma kabi ngalelithempeli lelingcwele kanye nemtsetfo. ¹⁴ Ngoba samuva atsi loJesu wase Nazaretha utawubhidlita lendzawo futsi agucule nemitsetfo ya Mosi.'' ¹⁵ Wonkhe lobekahleti eqoqweni wamgcolotela bamubona buso bakhe bukhatimula njenge bengilosi.