¹ Ngakoke inkhosi yatfumela balayeti labahlanganisa bonkhe labadzala base Juda nase Jerusalema. ² Laphoke inkhosi yenyukela endlini ya Simakadze, futsi onkhe lamadvodza aka Juda kanye nabo bonkhe bahlali base Jerusalema naye, bapristi, baprofethi, kanye nabo bonkhe bantfu, kusukela kulaba ncane nalabakhulu. Wabese ufundza ekulaleleni kwabo lamavi encwadzi yesetsembiso letfolakala endlini ya Simakadze. ³ Inkhosi yema ngakule nsika yabese yenta sivumelwano embikwa Simakadze, kuhamba ngemua kwa Simakadze bagcine imiyalelo yakhe, imigomo yakhe kanye nemitseto yakhe, ngayo yonkhe inhlitiyo yakhe kanye nemuphefumulo wakhe, kucinisekisa emavi ekhe esetsembiso labeka bhalwe encwadzini yakhe. Ngakoke bonkhe labantfu bavumela kuhlala kule setsembiso. ⁴ Inkhosi yayala Hilikha umupristi lose rulu, bapristi labangaphasi kwakhe, bagcini masango kutsi bakhiphe etempelini yonkhe imisipha lebeyentelwe Bhali na Ashera, Watishisa ngaphandle kwe Jerusalema etinsimini tase sihhosheni sase Khidroni bese batfwala lemilotsa e Betheli. ⁵ Wasusa tonkhe tithico tebafundisi inkhosi yema Juda yakhetsa kushisa imphempho endzaweni lesetulu edolobheni laka Juda kanye nase ndzaweni lengase Jerusalema-labo labashisa imphepho ku Bhali, elangeni kanye nase nkanyetini, imihlaba, kanye nawo onkhe emazulu ekubamema. ⁶ Wakhipha lipoli lase Ashera eTempelini la Simakadze, ngaphandle eJerusalema laya esigodzini sase Kindroni wafike walishisa khona. Walivitsita laba yimphuphu wabese utsatsa lelitfuli ulijika etukwe mathuna ebantfu lana ngasilutfo. ⁷ Waphula tindlu lakuhlala khona tingwadla letindvuna ethempelini la Simakadzde, lapho khona besifaza bagcoka tingubo tekukoloshwa bentela Ashera. ⁸ Josiya wakhipha bonkhe bapristi emadolobheni aka Juda waphindze wangcolisa tonkhe tindzawo letiphakeme lapho bapristi bebashisa khona imphepho, kusuka e Geba kuya eBhesheba. Wabhibhisa tonkhe tindzawo letiphakeme emasangweni labeka sekungenei esangweni la Joshuwa Umuholi welidolobha) ngesencele kweligede lelidolobha. ⁹ Naloku bapristi betindzawo letisetulu bebangaka vumeleki kushumayela elatini la Simakadze e Jerusalema, Bedla sinkhwa sembila emukhatsini kwabomnakabo. ¹⁰ Josiya wayibhibhisa iTophethi, loku sigodzi sase Bhenu Hinomu, kute kutsi kube bete lotawubangena indvodzana noma indvodzakati yakhe kundlula emulilweni njenge munikelo ku Molekhi. ¹¹ Wahambisa lamahhashi emakhosi aka Juda abe wanikele elangeni. Abese ndzweni yekungena ethempelini la Simakadze, celeni kweligumbi la Nathani-Melekhi,, umgcini wendlu. Josiya washisa letinkalishi telilanga. ¹² Josiya inkhosi yabhubhisa lamalati labatukwe liphahla leligumbi leliphakeme lase Ahazi, lelakhiwa makhosi aka Juda, futsi Lamalati ase Manase akhiwa ahlukaniswa kabili ethempelini la Simakadze. Josiya watihliphita taba tincetu wabese utijika esigodzini sase Khindironi. ¹³ Inkhosi yamosa letindzawo letisetulu enshonalanga yase Jerusalema, enkhangala yentsaba yenkhohlakalo lapho khona inkhosi Solomoni yaka Israyeli beyakhe Ashitorethi, sithico lesinyanyekako sema Sidoniya; ngoba Khemoshi, sithico lesinyanyekako sase Mowabhi; ngoba Molekhi, sithico lesinyanyekako sebantfu base Aminoni. ¹⁴ Waphula letinsika tematje waphindze wajuba lelipoli la Ashera waphindze wagcwalisa letindzawo leto ngematsambo ebantfu. ¹⁵ Josiya waphindze wabhubhisa ngalokuphelele lilati lase Betheli endzaweni leseyulu lapho Jerobhowami indvodzana ya Nebhathi ( lona lowabangela Israyeli kutsi one) abe kwakhile. Waphindze washisa lilati kanye nendzawo lesetulu wayibhubhisa yaba tintfulu. Waphindze washisa Lipoli la Ashera. ¹⁶ Josiya asebuke lendzawo, wabona emathuna labeka ngase ntsabeni. Watfumela emadvodza kulamatsambo labekase mungcwabeni; wabese uwashisa kulelilati, lebeka lingcolisa. Loku kwakunjenga lokushitiwo livi la Simakadze lebe likhulunywe yinceku ya Nkulunkulu, lendvodza leyakhuluma letintfo tingakenteki. ¹⁷ Wabese utsi, ''Sani lesithico lengisibonako?'' Emadvodza ase dolobheni amuphendvula, ''Lela lithuna lenceku yaNkulunkulu leyachamuka eJuda yakhuluma leti tintfo ngale lilati lase Bhetheli'' ¹⁸ Ngakoke Josiya watsi, '' Siyekeleni. Kute lokumele asuse ematsambo akhe.'' Ngakoke bayekela ematsambo akhe, kanye ne matsambo emu profethi lowachamuka e Samariya ¹⁹ Laphoke Josiya wasusa tonkhe tindlu lebetise ndzaweni lesetulu lebetise dolobheni las Samariya, lebetakhiwe yinkhosi yaka Israyeli, futsi lebe titfukutselisa Simakadze inkhani. Wenta kube njengobe bekentile a Betheli. ²⁰ Wahlaba bonkhe bapristi labase tindzaweni letisetulu waphindze wabashisa nematsambo abo. Wabese ubuyela eJerusalema? ²¹ Laphoke inkhosi yayalela bonkhe bantfu, yatsi, '' Gcinani liphasika kuSimakadze Nkulunkulu wenu, njengoba kunhaliwe encwadzini yesivumelwano.'' ²² Umcimbhi lonjengalona wephasika awutange sewube khona ngemalanga ekubuswa bahluleli ka Israyeli, noma kuwo onkhe emalanga emankhosi aka Israyeli noma kaJuda. ²³ Kepha ngemunyaka lolishumi nesiphohlongo yekhosi Josiya liphasika laSimakaze lajabulelwa eJerusalema ²⁴ Josiya wahindze wakhupha ngaloku phelele batsakatsi nalaba khipha imimoya, Waphindze wakhipha ngalokuphelele bantfu laba kholelwa kutsi banemandla, kanye nato tonkhe tintfo letinyanyisako letabonakala eveni laka Juda kanye nase Jerusalema, kutocinisekisa lamagama emutsetfo labeka bhalwe encwadzini ya Hilikhiya umpristi lawatfola endlini ya Simakadze. ²⁵ Ngaphambi kwa Josiya, kutye inkhosi yayifanana naye, leya gucukela ku Simakadze ngayo yonkhe inhitiyo yakhe, mphefumulo wakhe, kanye nawo onkhe emandlakhe, labeka landzela umutsetfo wa Mose. Futsi kute lenye inkhosi leyawufuka ngemuva kwakhe. ²⁶ Noma kunjalo, Simakadze akabalekelanga kusha nelulaka, lebelivutsela Juda ngenca yako konkhe loku Manase wakwenta kumusukela ngelulaka. ²⁷ Ngakoke Simakadze watsi, ''Ngitawu susa Juda ebusweni bami, njengoba ngasusa Israyeli, ngitawuphindze ngilahle lelidolobha lengilikhetsile, Jerusalema kanye nalendlu lengitsite mine, 'Libito lami litawuba khona lapho.'' ²⁸ Beseke etindzabeni letiphatseleni na Josiya, konkhe lakwenta, ngabe atikabhalwa encwadzini yetehlakalo temakhosi aka Juda? ²⁹ Emalanngeni akhe Pharo Nekho, inkhosi yase Ghibhithe, baya kuyowulwa nenkhosi yase Asiriya emufuleni wase Ephrathi. Inkhosi Josiya waya kuyohlangana naNecho balwa, wabese Necho uyamuncoba eMegido. ³⁰ Tisebenti ta Josiya tamutfwala safile ngenkalishi kusukela e Megido, bamuletsa eJerusalema, bamungcwaba ethuneni lakhe. Laphoke bantfu bakulelive batsatsa Jehowazi indvodzana ya Josiya, bamucoba bamenta inkhosi esikhaleni seyise. ³¹ Jehowazi bekaneminyaka lemashumi lamabili nakutsatfu nakacala kubusa, wabusa tinyanga letintsatfu eJerusalema. Unina wakhe bekungu Hamuthali; lobeka yindvodzakati ya Jeremiya wase Libhina. ³² Jehowazi wenta lokubi emehlweni a Simakadze, njengayo yonkhe intfo emadloti akhe bekayentile. ³³ Pharo Necho etinketangeni eRibla endzaweni yase Hamathi, kute kutsi angabusi eJerusalema. Laphoke Necho wabeka inhlawulo ku Juda yemathalente lalikhulu esiliva kanye nalinye lithalente leligolide. ³⁴ Pharo Necho wenta Eliyakhimi indvodzana ya Josiya inkhosi endzaweni yeyise wakhe Josiya, wabese ushintja libito lakhe waba ngu Jehowakhimi. Kepha watsatsa Jehowazi wamususa wamubeka eGhibhithe, futsi Jehowazi washonela khona. ³⁵ Jehowakhimu wabhadala lelisiliva neligolide, Jehowakhimi watselisa lendzawo waphindze waphocelela yonkhe indvodza emukhatsisini kwelive kubhadala lisiliva neligolide ngemisebenti yabo ³⁶ Jehowakhimi bekaneminyaka lengemashumi lamabili nakuhlanu budzala nakacala kubusa, futsi wabusa iminyaka lelishumi nakunye eJerusalema. Unina wakhe bekungu Zebhisa; indvodzakati ya Pedaya wase Ruma. ³⁷ Jehowakhimi wenta lokubi emehlweni a Nkulunkulu, njengobe nemadloti akhe bekentile.