¹ Manase abeneminyaka lelishumi nakubili budzala nakacala kubusa; wabusa iminyaka lengemashumi lasihlanu eJerusalema. ² Libito lelina kwakungu Hefiziba. Wenta lokwakukubi emehlweni aSmakadze, njengetintfo letinyanyisako esiveni letakhishwa ngu Smakadze kubantfu baka Israyeli. ³ Wakha tindzawo letiphakeme letabhidlitwa nguyise Hezekiya, wakha ema alitha aBhali, wenta insika yeAshera, njenga Ahabi inkhosi yaka Israyeli beyentile, wakhotsamela tonkhe tinkhanyenti telizulu watikhonta. ⁴ Manase wakha li-alitha endlini yaSmakadze, nanoma Smakadze abeyalile, ''Kuse Jerusalema lapho ligama lami litawuba laphakadze.'' ⁵ Wakha ema alitha atotonkhe tinkhanyeti telizulu emagcekeni lamabili endlu yaSmakadze. ⁶ Waphocelela indvodzana yakhe kutsi ijube emlilweni, wenta bungoma wenta nemilingo wachumana nalabo labakhuluma ngalabafile nalobo labakhuluma ngemimoya. Wenta lokubi kakhulu emehlweni aSmakadze, wamhlokolota kutsi akwate. ⁷ Lensika ya-Ashera lebekayentile, wayibeka endlini yaSmakadze. Nguleyondlu bekakhulume ngayo Smakadze kuDavide na Solomoni indvodzana yakhe; bekatsite: ''Kukulendlu le nase Jerusalema, lengiyikhetsile kutotnkhe letive taka Israyeli, lapho ngitawubeka ligama lami kute kube phakadze. ⁸ Angeke ngisenta tinyawo tema Israyeli tizulazule tiphume eveni lengalinika bokhokho mkhulu babo, Kuphela nabatawucaphela bangadzeleli konkhe lengibayale kuko, phindze balandzele yonkhe imitsetfo inceku yami Mose lakabayalele yona.'' ⁹ Kodvwa bantfu abazange balalele, Manase wabaholela kutsi bente tintfo letingcolile ngetulu kwaletive latabhujiswa ngu Smakadze kungakafiki bantfu baka Israyeli. ¹⁰ Ngako Smakadze wakhuluma ngenceku yakhe umprofethi, watsi, ¹¹ ''Ngalokutsi Manase inkhosi yaka Juda yente letintfo letinyanyisako, wente lokubi kwendlula konkhe lokwentiwa ngema Amorathi lebebakhona kucala kunaye, futsi wenta Juda wona ngeti thico, ¹² ngalokoke Smakadze, Nkulunkulu waka Israyeli, usho loku: Buka, Sengitawuletsa lokubi eJerusalema naka Juda kutsi noma ngubani lokuvako, totimbili tindlebe takhe tituncencetsa. ¹³ Ngitawenabela eJerusalema kulelilayini lelisetjentiswa kukala kulwa ne Samariya, njengoba ngenta endlini ya Ahabi; Ngitawuhwaya iJerusalema ihlobe, ngenge muntfu asula sitja, aesula asibhekisa phasi. ¹⁴ Ngitawulahla insali yesitukulwane ngiyinikele etandleni tetitsa tayo. Batawuba tigcila netihlupheki tato tonkhe titsa tabo, ¹⁵ Ngoba bente lokubi emehlweni ami, bangihlokolota nakwata, kusukela ngelilanga bokhokho mkhulu babo baphuma eGibhithe, kute kube ngunamuhla.'' ¹⁶ Ngetulu kwaloko, Manasseh wacitsa kakhulu ingati langagcwalisa Jerusalema kusukela ngalana kuya ngale ngalokufa kwakhe. Loku kwakukweku ngetelela esonweni lebesasidalwe ngu Juda esonweni, ngesikhatsi benta lokubi emehlweni aSimakadze. ¹⁷ Beseke letinye tindzaba letiphatselene na Manase, bonkhe labakwenta, kanye naletono labatenta, ngabe atika bhalwa encwadzini yetehlakalo temakhosi aka Juda? ¹⁸ Manase walala nemadloti akhe waphindze wangcwatjwa engadzeni yemuti wakhe, engadzeni yase Uza. Amoni waba yinkhosi. ¹⁹ Amoni beka neminyaka lemashumi lamabili nakubili; wabusa iminyaka lemibili eJerusalema. Unina wakhe bekungu Meshulemethi; ebeka yindvodzana ya Hazuri wase Jothibha. ²⁰ Wenta lokubi emehlweni a Simakadze, njengobe bekentile uyise wa Manase. ²¹ Amoni walandzela endleleni lebeyi hanjiwe nguyise wakhe advumisa tithico lebeti dvunyiswa nguyise wakhe, waphindze waguca embikwato. ²² Washiya Simakadze, Nkulunkulu wabo yise wakhe, akahambanga endleleni ya Simakadze. ²³ Tisebenti ta Amoni tehlela lokubi ngaye futsi tamubulala endlini yakhe. ²⁴ Kepha labantfu bakulendzawo babulala bonkhe labahlela kubulala Amoni, base benta Josiya indvodzana yakhe inkhosi esikhaleni sakhe. ²⁵ Beseke tindzaba letiphatselene na Amoni nalakwenta, ngabe atikabhalwa encwadzini yetehlakalo temakhosi aka Juda? ²⁶ Bantfu bamungcwaba ethuneni lakhe lase Uza, babese benta Josiya indvodzana yakhe inkhosi esikhaleni sakhe.