¹ Siyati kutsi uma lendlu yetfu yalapha emhlabeni idzilitwa, sinesakhiwo lesivela kuNkulunkulu. Iyindlu lengakakhiwa ngetandla temuntfu, kodvwa iyindlu yaphakadze, lesezulwini. ² Ngobe kulelithende siyabubula, silangatelela kwembeswa lena yasezulwini. ³ Silangatelela leyo ngoba nase sembetse yona asiyiwutfolakala singcunu. ⁴ Ngoba ngempela nasisekulelithende, siyabubula, sisindvwa. Singafuni kukhunyulwa. Kunaloko, sifuna kwembeswa, kuze kutsi loko lokufako kumitwe yimphilo. ⁵ Loyo lowasilungiselela kona loko nguNkulunkulu, lowasinika Moya njengesibambiso saloko lokuseta. ⁶ Ngako ke banini ngulabanesibindzi njalo. Nati kutsi nangabe likhaya letfu lisesemtimbeni, sikhashane neNkhosi. ⁷ Ngoba sihamba ngekukholwa, hayi ngekubona. ⁸ Ngaloko sinesibindzi. Singamane sibe khashane nemtimba sibe sekhaya eNkhosini. ⁹ Ngako sikwenta umgomo wetfu, noma sisekhaya noma sikhashane, kutsi sitfokotise Yena. ¹⁰ Ngobe sonkhe simelwe kuma embi kwesihlalo sekwehlulela saKhristu, kute nguloyo naloyo emukeliswe lokumfanele ngaleto tintfo latente asemtimbeni, Nobe kwalokuhle noma kwalokubi. ¹¹ Ngako ke, sikwati kwesaba iNkhosi, siphishanekela kuzuza bantfu. Loko lesinguko kuyatiwa nguNkulunkulu ngalokucacile, futsi ngiyetsemba kutsi kucacile futsi nakunembeza wenu. ¹² Akusiko kutsi setama kunenta nisitsatse njengebantfu labaneliciniso. Kunaloko, sininika tizatfu tekutsi nitigcabhe ngatsi, kuze kutsi nibe nako kubaphendvula labo labatigabatisa ngalokubonakalako kungesiko loko lokungekhatsi enhlitiyweni. ¹³ Ngobe nangabe singulabadidekile emcondvweni, loko kukwaNkulunkulu; futsi uma singulabasangulukile engcondvweni, loko kungenca yenu. ¹⁴ Ngobe lutsandvo lwaKhristu luyasichubetela, ngobe sicinisekile ngaloku: Lokutsi munye wabafela bonkhe, Nekutsi ngako ke bonkhe bafa. ¹⁵ Wabafela bonkhe , kute kutsi labo labaphillako bangasatiphileli bona kodvwa baphilele Yena lekwatsi ngenca yabo wafa waphindze wavuswa. ¹⁶ Ngaleso sizatfu, kusukela nyalo kuya phambili asisehluleli umuntfu ngekwebantfu, naloku naKhristu sake samtsatsa ngaleyo ndlela. Kodvwa nyalo asisehluleli muntfu ngaleyo ndlela. ¹⁷ Ngako ke nangabe umuntfu akuKhristu, usidalwa lesisha, tintfo letindzala setendlulile. Bheka, setibe tinsha. ¹⁸ Tonkhe letintfo tivela kuNkulunkulu. Wabuyisana natsi ngaKhristu usinikile futsi inkonzo yekubuyisana. ¹⁹ Lokusho kutsi, kuKhristu Nkulunkulu ubuyisela umhlaba kuYe, angababaleli tiphambuko tabo. Ubekile kitsi umlayeto wekubuyisana. ²⁰ Ngaloko sibekiwe njengalabamelele Khristu, kube shangatsi Nkulunkulu uncusa ngatsi. Siyanincenga , esikhundleni saKhristu: " Buyisanani naNkulunkulu!" ²¹ Wenta loYo lobekangasati sono kutsi abe sono ngenca yetfu. Wakwenta loko kuze kutsi sibe kulunga kwaNkulunkulu kuYe.