¹ Kwakacitika mu mazuba ba betesi nibali kulela kwali nzala mucisi, mponyina umwi mwalumi woku Betelehema mu Juda wacisi coku Moab o mwanakazi wakwe abana bakwe bashimani. ² Izina lyakwe uyu mwalumi wali Elimeleki, ezina lyo mwanakazi wakwe wali Naomi. Mazina abana bakwe baalumi bali Mahlon o Kilion, bali ba Ephrathites boku Betelehema ku Juda. Bakasika kucisi coku Moab okukala nkuko. ³ Mponyina Elimeleki, mulumi wa Naom, wakafwa, pele wasyala abana bakwe bobile. ⁴ Aba bana bashimani bakakwata banakazi boku Moab; umwi wali Orpah, mponyina umwi wali Lute. Bakakala kuya myaka ili kumi. ⁵ Mponyina Mahlon o Kilion bakafwa, pele oyu mwanakazi wakasyala katakwe mwalumi abana bbolile. ⁶ Wakanyamuka amasangakazi bakwe okuzwa kucisi ca Moab kaambo wakamvwa kali mucisi ca Moab kuti Mwami wakabapolela bantu bakwe kwindila mukubapa zilyo. ⁷ Mponyina wakazwa kubusena nkwabede amasangakazi bakwe bobile, mponyina bakeenda kuselela mugwagwa oku piluka kucisi ca Juda. ⁸ Naomi wakati kubasangakazi bakwe bobile, ''Kamuya, amupiluke, ngwaya, kumaanda amanyoko. Mwami amutondezye luzyalo, mbuli mbumwatondezya luzyalo kuli basikufwa okuli mebo. ⁹ Mwami amupe kuti mujane kupumula, ngwaya mun'anda yo umwi mulumi wakwe.'' Mponyina wakabamyota, mponya bakalila. ¹⁰ Bakati kuli nguwe, ''Nee! Tulainka awi ku bantu bako.'' ¹¹ Kono Naomi wakati, ''Amupiluke, bana bangu! Ino mulaikila nzi amibo? kuti ndicili abana balumi mwinda lyangu bokumupa, kuti babe balumi banu? ¹² Amupiluke, bana bangu, kamuya ngwaya nzila yakwe, nkaambo ndacembala kuti ndibe omwalumi. Kuti na ndamba kuti, 'Ndilangila kukwatwa sunu masiku,' oku tumbuka bana bashimani, ¹³ Kuti ninga mwalindila mane kusika bakomena? Ninga mwasala kuta kwatwa ku mwalumi? Nee, bana bangu basimbi! cilindi ciside loko mebo kaambo kenu kuti janza lyo Mwami lya ndisandukila.'' ¹⁴ Mponyina masangakazi bakwe bakajula majwi abo okulila. Orpah wakamyonta banyinazyala cokulayizya, kono Lute wakabajatilila. ¹⁵ Naomi wakati, ''Swilila, mulamwe wako wapiluka ku bantu bakwe okutu leza twakwe. Piluka omulamwe wako.'' ¹⁶ Kono Lute wakati, ''Utandi kumbili kuti ndikusiye, kuti ndileke kukucilila, nkaambo nkoya, ami ndilainka; nkoyokala, ami ndiyokala;bantu bako bayoba bantu bangu, mane o Leza wako uyoba Leza wangu. ¹⁷ Nkoyofwida, ndiyofwida kuko, pele nkweyo zikilwa. Mwami andisubule, mane kwindilizya, kuti na cimwi cintu citwandanye kwinda lufu.'' ¹⁸ Mponyina Naomi nakabona kuti Lute wakazumanana kuti ainke anguwe, wakaleka kukazyana anguwe. ¹⁹ Pele aba bobile bakenda musinzo mane kuyosika ku Betelehema. Cakacitika kuti nibakasika mu Betelehema, idolopo lyense lyaka nonenwa kaambo kabo. Banakazi bakati, ''Mwati ngu Naomi oyu?'' ²⁰ Kono wakati kulimbabo, ''Mutanditi kuti Naomi. Amundite kuti kulula, nkaambo Mulemu wandisubula cokulula loko. ²¹ Ndakainka kezwide, kono Mwami wandipilusya ambi kentajesi cintu. Pele ninzi nimundita kuti Naomi, kamubwene kuti Mwami wandimina bumboni kundilwana ambi mulemu wandipenzya?'' ²² Ino Naomi o Lute mwanakazi woku Moabu, musangakazi wakwe, bakapiluka kuzwa kucisi ca Moabu. Bakaza ku Betelehema ku matalikilo o kutyola bbayile.