¹ Ndaamba mukoni, kuhumbwa buyo kuti kali mwana, taciindani amuzhyike, nokuba kuti ngumukamwini walubono loonse. ² Pele uli kunhyi abahikulindila aba hyomezhyi kuhika ciindi cibikile awihi. ³ Obo aboobo, noywali bana, takali angilwe amilawo yanyika. ⁴ Pele kuzulila kwa ciindi nokwakahika, Leza wakatuma mwana wakwe, wakazhyalwa kumukaintu, wakazhyalwa kunhyi amulawo. ⁵ Wakacita boobo kununa baabo bali kunhi amulawo, kutewa tutambule kutolwa mbuli bana bakwe. ⁶ Alimwi nkaambo muli bana, Leza watuma moza wa mwana wakwe mumyoyo yesu, baita kuti, ''Abba, taata.'' ⁷ Aboobo tamucili bazhyike, pele mwana, alimwi naa mwana, nkokuti muli bakoni kwiinda muli Leza. ⁸ Pele muciindi eco, nomwakamuzhyi Leza mwakali batwanga, kwiinda munsana zyabo, kutali ba Leza pe. ⁹ Pele ono mukuti mwamuzhyiba Leza, naa kuti muli zhyibilwe a Leza, caba buti kuti mwapiluka kubatembwani alimwi akubula mulawo. muyanda mube bazhyike alimwi? ¹⁰ Amwaalangihihe mazuba amyehi mipya a hiindi a myaka! ¹¹ Ndayoowa a ndinwe kuti ambweni kubeleka kwangu andinwe inga kakuya kuba kwabuyo. ¹² Ndamulomba, nobakwesu, mube mbuli ndime, nkaambo ambebo ndaba mbuli ndinwe. Kuuyina cibyaabi nco mwakandicitila. ¹³ Pele mulihyi kuti nkaambo ka bulwahi bwanyama nindakakambauka mulumbe kuli ndinwe ciindi akutaanguna. ¹⁴ No kuba kuti bulwahyi bwanyama yangu bwakamubika musunko, tiimwakandinanama. Mwakanditambula mbuli kuti ndi mungelo uhwa kuli Leza, nokuba mbuli Jeso Kilisito lwakwe mwini. ¹⁵ Hena ono hyili kuli hyileleko hyenu? nkaambo ndaamba kuli ndinwe kuti, nocali cubauba, nomwa zapaula meso enu akwaapa kuli ndime. ¹⁶ Hena ono, ndaba hinkondonyoko nkaambo ndamwambila kahimpe? ¹⁷ Balihinunhye kuyanda kumuzunda, pele kutali mububotu. Bayanda kumuumunzhya kutegwa mubelekele mbabo. ¹⁸ Nchibotu kuyandihihya kucita cibotu, kutali buy nili andinwe. ¹⁹ Nobana bangu basyoonto, ndapenga kucisa kwakuzhyala kaambo kenu kuhika Kilisito abe muli ndinwe. ²⁰ Ndalikuyandihihya kuba andinwe ono. Akucinca mulaka nkaambo ndipengele andinwe. ²¹ Mungambile mwebo nomulombozhya kuba kunhyi amulawo, hena tamuteeleli kumulawo. ²² Kulilembele kuti Abraham wakakwete bana bobile, umwi kukahimbi kazhyike, umwi kumukaintu mulubuhyi. ²³ Umwi wakazhyalwa aka himbi kazhyike kweendelaana akubuyani amukaintu mulubuhyi kweendelana aluhyomo. ²⁴ Ezhyi zhyintu inga zhyapandululwa kuti zhyilikonzhyene mukuti bamakaintu abaiminina zhyinhuminano zhyobile. cimwi cazhyo cinhwa amulundu wa sinai alimwi wa zhyala bana ba zhyike. Oyu ngu Hagar. ²⁵ Ono Hagar wiiminina mulundu wa Sinai mu Arabia, alimwi wiiminina Jerusalema wasunu, nkaambo uli mubuzhyike abana bakwe. ²⁶ Pele Jelusalema uli kujulu uliangulukile, alimwi ngo baama wesu. ²⁷ Nkaambo kulilembelwe, ''Amusekelele nwebo no nsundi nomutahyali, amulile akuyoba kwakukomana, nwebo nomwatapenga akucisa kwakuzhyala; nkaambo bana ba mukaintu uyingaila mbanji kwiinda ba mukaintu ukwete mulumi.'' ²⁸ Pele nwebo, bakwesu, mbuli Isaka, mbana ba cihyomyo. ²⁹ Kuciindi eco oyo wakazhyalwa kweendelana abuyani wakapezhya yooyo wakazhyalwa kweendelana amoza. Cilikonzhyene awono. ³⁰ Pele hena mangwalo aamba buti? ''Tanda mwana muhimbi mzhyike amwana wakwe. Mwana wamuhimbi muzhyike takaabani mulukonoamwan wa mukaintu mulubuhi.'' ³¹ Aboobo, bakwesu, tatuli bana bamuhimbi muzhyike, pele ba mukaintu mulubuhi.