¹ Balimbuhi Gantiya! Ngunu wakamulowa? cakali antangalala kumwso enu kwaamba kuli Jeso Klistu akabanda alibonya wakabambuwa. ² Eeci ncecintu nceyanda kwiiya kuzhwa kuli ndimwe: Hena mwakatambula moza usweesha kwiiinda mumilimo ya mulawo naa mukuteelela kwa luhyomo? ³ Hena muli balimbuhi cini-cini? kamukwete akutalika a moza, sa muyakuzumanana kululamikwa a mubili? ⁴ Hena mwakapengela citako muhyintu zyinji- naa ncobeni cakali cabuyo? ⁵ Hena ooyo uupa Moza kuli ndimwe alimwi ubeleka maleele akati kenu ucita boobo a milimo ya mulawo, naa mukuvwa muluhyomo? ⁶ Mbubona mbuli Abulahamu ''wakahyoma Leza kuti wakabalwa kuti mbu lulami,'' ⁷ muciimo ncicona, citeelelwa, kuti, abo boonse bahyoma mbana ba Abulahamu. ⁸ Malembo, alatondezya kwaamba kuti Leza bamahi balalulamikwa a luhyomo, kukambauka mulumbe wacigaminina kuli Abulahamu, kwaamba kuti, ''Mulindiwe mahi ooonse ayakulelekwa.'' ⁹ Kumane wawo, aabo abala luhyomo balalelekwa a Abulamu, muntu wa luhyomo. ¹⁰ Boonse abo baponena mumulimo yamulawo balihinganyizhyilwe; alimwi kuli lembelwe, ''Ulihinganyizhyilwe nkuhwumbwa ooyo utakalilili mu zhyintu zhyilembelwe mwibuka lya mulawo, akuzhyicita.'' ¹¹ Ono casalala kwaamba kuti kunyina naba omwe ululamikwa a Leza a mulawo, nkaambo ''mululami ulapona a luhyomo.'' ¹² Pele mulawo tauli wa luhyomo, buyo, ''Imuntu ucita milimo ya mulawo welele kupona anjiyo.'' ¹³ Klistu wakatunununa swebo kuzhywa kukuhinganyizhyiwa kwa mulawo kuba inhinganyo yesu-mbokulembelwe, ''Wahinganyizhyiwa ooyo ulihina mucisamu''- ¹⁴ kwaamba kuti kulelekwa kwa Abulahamu kuhike akuti Bamahi muli Klistu Jesu, mukuti kwiinda muluhyomo tukonhye kutambula cihyomezhyo ca moza. ¹⁵ Bakwesu, inkanane mumakani abantu. Nkuhwumbwa nabamba cihwaminano a mulawo, kunyina welele kukwihya nokuba kusanganya kuli ncico. ¹⁶ Lino zhyihyomenzhyo zhyakakananwa kuli Abulamu a nyungu yakwe. Tacaambi kuti, ''Kulunyungu,'' citondezhya kuhwula, pele mukwaambihya uli omwe, ''alimwi kunyungu yako,'' uli ngo Klistu. ¹⁷ Ono ncing'amb nceci: I mulawo, yahika myaanda yone amakumi otatwe mukuhyaalila, taikwihi cihwuminano Leza ncakabambile kale, kukukwihya cihyomyo. ¹⁸ Naa kuti cikono kacihwa kumulawo, kumane nkokuti tacicihiki a cihyomyo. Pele Leza ucipa buyo kuli Abulahamu mu cihyomyo. ¹⁹ Buti, kumane, wakati muzeezo wa mulawo? cakasanyizhyiwa nkaambo kakulubizhya kuhikila ku nyungu ya Abulahamu akuhila kucihyomenhyo cakabambilwe. I mulawo walananikwa kwiinda mu bangele kwiind amutanhi lya hikwiima akati. ²⁰ Ono hikwiima akati ulaindilila ku muntu omwe, Pele Leza uli omwe. ²¹ Hena mulawo ulakazhyanya a cihyomezhyo ca Leza? kwambilhya peepe! naa kuti mulawo wakapewa kuti upe buumi, nkokuti bululami butonkomana kuhika a mulawo. ²² Pele malembo akaanga zhyoonse kunhi a cinyonyoono kwaamba kuti mucihyomyo kwiinda muluhyomo muli Jesu Klistu bapewe aabo boonse bahyoma. ²³ Ono luhyomo kalutana hika, twakali bazhyike kunhi amulawo, baangilwe kuhika luhyomo luyubululwe. ²⁴ Ono kumane mulawo wakaba mulangi wesu kuhikila Jesu nakaboola, kwaamba kuti tululamilwe aluhyomo. ²⁵ Ono luhyomo lwahika, ono tatuli kunhi akulangwa. ²⁶ Imwebo noonse mulu bana basankwa ba Leza kwiinda muluhyomo muli Klistu Jesu. ²⁷ Mubungi bwenu nomwakebila muli Klistu mwakasamika Klistu. Kunyika mu Juuda naba mu Heleni, ²⁸ kunyina mwaange naba ulyeendela, kunyina mulombwana naba mukaintu, noonse muli bomwe muli Klistu Jesu. ²⁹ Kwamana naa muli baa Klistu, muli lunyungu lwaka Abulahamu, alimwi muli bakoni kweendelana a cihyomyo.