¹ Iciindi nobakayeeya ku kukwasula kuya kwi Italy, bakamupa Paulo alimwi abamwi bahintolongo kumu Centurion uhazhyina lya Julius, walo wakalikubalilwa kunkamu yabahikalumamba. ² Twakanjila mubwaato bwakahvwa ku Adramyttium bwato bwakakwasulilwa kwiinda kumilando yaku Asia. Awa twakaunka ku lwaanje. Aristarchus kuhwa ku Thessalonica mu Macedonia wakaunka andiswe. ³ I buzuba bwakacilila mudolopo lya Sidon, kwalo Julius nkwakamulanganya Paulo caluse alimwi akumuhvwiminzhya kuunka kubeenzhyinyina kuti akayane kubambwa. ⁴ Kuhvwa waawo twakaunka ku lwaanje a kukwasulila kumilando yaku Cyprus, munhimunhi akansumbu, nkaambo muuwo wakatlwana. ⁵ Iciindi notwakakwasulila kukosola lwaanje Cilicia alimwi Pamphylia, twakahikila a Myra, a dolopo lya Lycia. ⁶ Aalya, mu centurion wakayana bwaato buhvwa ku Alexandria bwalo buunka ukuhikila kwi Italy. Wakatuika mukati. ⁷ Muciindi twali kukwasula kabotu-kabotu mazuba manji alimwi twakakuhika mu buyumu-yumu munhi Cnidus alimwi muuwo tiwakatuhvwuminzhya kuzumanana kweenda, nkotwakainda kumakoba a Crete ngocilangane Salmone. ⁸ Twakabembeleka kumbali amulonga mubuyumu-yumu, kuhikila twakahika ku kubusena bwiitwa kuti Milando mibotu, bwalo buli munhi-munhi a dolopo lya Lasea. ⁹ Twakatola ciindi cilanhu, i ciindi cabama Juda cakulimya kulya cakalindile, alimwi cakali munteda kuzumanana kweenda. Awa Paulo wakabacenjizhya. ¹⁰ akwamba, ''Balombwana, ndabona kuti lweendo ndotuyanda kubweza lulaba lwakulicisa akusweekelwa kunji, kutali biyo impanhya alimwi abwaato, pele amaumi eesu. ¹¹ Pele mukando waba hikalumamba mu centurion wakahvwumi kumusololi akuti mukamwini bwaato kwiinda zhyintu zhyoonse Paulo nzhyakabaambile. ¹² Nkaambo imulandu ticakali cuuba-uba kwaamba kuti bakale mumweto, bunji bwabahimaato babakulwaizhya kuti bazumanane kweenda, naakacikozhye bakonzhye kuhika mu dolopo lya Phoenix, kuya kukosola mweto kuya. Phoenix ncecilando mu Crete, cilanga koonse kumusanza lwaambo alimwi akunyika lwaambo. ¹³ Ciindi i muuwo wakumusanza nowatalika camombe, bahibwato bakayanda kucita mbokayandile. Eelyo bakahvwunga nkakazhya bwaato akuzumanana kuya ku Crete, munhi akunkomwe. ¹⁴ Pele nokwakainda kaindi kashyoonto kwakabuka luuwa lukando, lwakali kwiitwa kuti nyikaluwe, lwakatalika kuumaanhi kuhvwa muka nsumbu. ¹⁵ Iciindi bwato nobwakakwatwa a mayiwe alimwi kunyina limbi nobwakalangana a muuwo. ¹⁶ Twakakwasula akubembeleka kasena kahyoonto kakasumbu kaitwa kuti Cauda, abuyumu-yumu twakacikozhya kukwabilila buumi bwa bwaato. ¹⁷ Bakabuzambaila akubukwabilila buumi bwa bwaato, bakabelenhya ntambo kukwaanga mimpama yabwaato bakaliyowele akutiyaana nkaambo kakusenga munji mu Syrtis, eelyo bakaselemunhya mu lwaanje ankanka alimwi bwakatonkelezhyewa. ¹⁸ Twakanjila mukunyongana mukutonkailwa a mayuwe boobo cakuti buzuba bwakacilila bakanka kusowaila impahya. ¹⁹ Mubuzuba bwatatu buhimaato bakatalika kusowaila zhyibelehyo zhyabwaato a matanhi abo beni. ²⁰ Iciindi i zuba alimwi a mwezhyi nozhyaaleka kubalangala kulindiswe kwamazuba manji, alimwi mayuwe akali kutuuma, kwaamba kuti bulangizhyi bwakununuka bwamana. ²¹ Iciindi cakulya nocakamana, kumane Paulo wakaimikila akati kabahimaato akwaamba, ''Malombwana, mweelele kunditeelela, alimwi nimwatakahvwa ku Crete, kwaamba kuti tutajani kulicisa kwabwaato. ²² Ono ndamulomba kuti amukkazhyike zhyamba kuyakubula kusweekelwa kwa buumi akati kenu, pele kuswekelwa bwa bwaato. ²³ Aaya mahiku ayinda imunjele wa Leza kwalonkwebalilwa, walo ooyo ngwekomba-munjele wakwe ulaima kumbele lyangu. ²⁴ alimwi wakaamba, 'Utayoowi, Paulo. Weelele kwiima kumbele lya Caesar, alimwi bona, Leza mu luse lwakwe wakupa boonse abo mbomukwasula ambabo.' ²⁵ Nkaambo kaako amube bahicamba, balombwana! Ndishyoma Leza kwaamba kuti hiyakucitika mbububona mbocakaambwa kulindime. ²⁶ Pele tweelele kutiyaanina akabanda akansumbu kamwi.'' ²⁷ Iciindi ikumi mwiine ya mahiku naakahika, notwali kuyabutonkaikwa bobuya mu lwaanje lwa Adriatic, akaandabwee kamahiku bakwasuzhyi bakayeeya kuti bakali iyanhya inyika. ²⁸ Bakabweza zhyakupimya zhyilanhu alimwi zhyakayanika bulanhu buli mwaanda a makumi obile; nokwainda kaindi kahyoonto kwayanwa tuli makumi cisambomwi bulanhu bwa tukokola. ²⁹ Bakayoowa kuti inga kabaya kupwaya amabwe, eelyo bakahvungulula inkanka zhyone kuzhvwa kumankwihilila alimwi akupaila kwaamba kuti kubinde kuca. ³⁰ Bahibwaato bakalikukapula inzhyila yalutiya a bwaato alimwi bakaselemunhya akuhvwuna bwaato mulwaanje, alimwi kabayeeyala kuti balawaala i nkanka kuhvwa kunkahi. ³¹ Pele Paulo wakaamba ku centurion alimwi akuli bahikalumamba, ''Cita buyo kuti aaba bantu kabakele mukati, tamukonzhyi kuhutuka.'' ³² I bahikalumamba bakakosoola nkambo kutewa bwaato alimwi kabuya bwembauka. ³³ Nibwakaca, Paulo wakabakulwaizhya boonse kuti babweze cakulya. Wakaamba, ''Buno buzuba mbwa kumi muyine kamulondwa alimwi kakunyina cakulya-kunyina a ncomulide. ³⁴ Ono ndamulomba kwaabana-abana cakulya, eeci cileele kulindime kutewa mupone. Kutewa kubule naba omwe usweekelwa kasusu kuhvwa kumutwe wakwe.'' ³⁵ Muciindi nakali kwaamba bobuya, wakabweza cinkwa alimwi wakalumba Leza mubuhya bwa boonse. Kumane wakomoona cinkwa akutalika kulya. ³⁶ Eelyo boonse bakakulwaizhyiwa alimwi abalo bakabweza cakulya. ³⁷ Twakali myaanda yobile a makumi lusele a cisambomwe mu bwaato. ³⁸ Muciindi nibakakuta, bakabamba kuti bwaato bumimunukwe mukusowaila maila mulwaanje. ³⁹ Naciba ciindi cahikali, tibakali kuzhyiba inyika, pele bakali kubona katulauma a makoba, alimwi bakaizhya kuti ambweni inga batonkela mpawo bwaato kuti bwiime. ⁴⁰ Awo bakalekezhya i nkanka alimwi akubahiya mu lwaanje muciindi ncicona bakaangulula intambo zhyakumibalo alimwi bacita kulanga kumuwo, alimwi bakalanzhya kukatulauma. ⁴¹ Ibwaato bwakakuma aseenga lyamabwe. Imubalo wakakomoka alimwi bwahyaala kabutakonzhyeki kweemzhya, alimwi cimwi cibeela cakakomoka a nsana zhya mayiwe. ⁴² Bahikalumamba bakayeeya kubayaya bahintolongo kuti kubule naba omwe ukonzhya kusamba akununuka. ⁴³ Pele mu centurion wakayanda kunununa Paulo, eelyo wakalehya muzeezo; alimwi wakabalailila abo bakonhya kusamba balitonke kutaanguna kuya ku kumutala alinyika. ⁴⁴ Kwamana kucita kuti abamwi batobele, bamwi azhyi planks, alimwi bamwi azhyintu zhyimwi zhyakahvwa mubwaato. Munzhila ili boobo cakacitika kuti bunji bwesu tucikonhye kwaanguluka kulandukila anyika.