¹ Ono Agrippa wakaamba kuli Paulo, "Ulakonzhya kulyaambilila lwako omukamwini." Kumane Paulo wakahvwungulula matanhi aakwe akuli kwabilila. ² "Ndilalilanga ndimwini mbuli ukkomene, mwami Agrippa, kuleta kaambo kangu kuli ndiwe sunu kamatongonhi oonse andilwana bamajuuda, ³ kwaambihya, nkaambo ulikwete luzhyibo kutunhiyanhiya alimwi amibuzhyo yaba Juuda. Ono ndakalomba kuti unditeelehyehye ca buhicamba. ⁴ Mahimpe, boonse bama Juuda balizhyi mbwepona kuhvwa kubukubuhi bwangu mucihi canu alimwi a mu Jelusalema. ⁵ Balindihyi kuhvwa kumatalikilo alimwi bayelelekuhvumina kuti ndalikupona mbuli mu Faliso, imwini kahiko wacibeela ca lukundo lwesu. ⁶ Ono ndaima awa kubetekwa nkaambo kabulangihyi bumwi mucihyomyo cakabamba Leza kubama taata besu. ⁷ Eeci ncecihyomyo cakuti besu bali ikumi mubabili bakayandaula kutambula mbuli mbobakayandihihya kukomba Leza mahiku alimwi amahikati, nkaambo kabulangihyi oobu, mwami Agrippa, ikuti ba Juuda bakandilwana. ⁸ Nkaambo nzi umwi wenu uyeeya kuti tacihyomeki kuti Leka ulabuhya bahwile? ⁹ Ono kwambihya, lwangu ndimwini kuyeeya kuti ndyeelele kucita zhyintu zhyinji zhyilwana izhyina lya Jeso wa Nanzaleta. ¹⁰ Ndakacita eezhyi mu Jelusalema. Ndakaanga banji basaante mu ntolongo a kuhvwiminzyiwa a kutambula kuhvwa kubapaizhyi bakando; alimwi nibakayayiwa, ndakasangana kuwaala bulwani ambabo. ¹¹ Ndakabasubula zhyiindi zhyinji muma sinagogo oonse alimwi ndakasola kuhinikizhya mbabo kuti batukane. Ndakanyema cakubiilwa cakubanyemya alimwi ndakabacisa kuyakuhikila kuma dolopo akunze. ¹² Nindaali kucicita boobo, ndakaunka ku Damasika a nsana alimwi amalailile kuhvwa kubapaizhyi bakando; ¹³ alimwi munzyila kuya, a hikati, mwami, ndakabona mumuni kuhvwa kwizeulu ooyo wakali kumwekehya kwiinda zuba alimwi wakamweka kuzhyinguluka ndime alimwi abalombwana mbotwaali kweenda limwi. ¹⁴ Iciindi notwakawila ansi toonse, ndakanhwa izwi kalikanana kuli ndime kaamba mu mulaka waci Hebulayo, 'Saulo, Saulo, nkaambo nzhyi ncondipenzhyela? Nciyumu kulinduwe kusansa mukkwilo.' ¹⁵ Kumane ndakaamba, "Ndiwe ni, Mwami?" Imwami wakaingula, 'Ndime Jeso ngopenzhya. ¹⁶ Lino kobuka alimwi wimikile amatende; nkaambo kamuzeezo ooyu ndakalibonya kuli nduwe, kukusala kuba mutwanga alimwi a kamboni kukwatikizhya nzhyozhyi andime ono alimw a zhyintu nzhyiyokutondezhya ciindi ciza; ¹⁷ alimwi njakukuhutula kuhvwa kubantu alimwi kuhvwa kuli bamahi kuli mbabo mbindamutumina, ¹⁸ Kujula meso aabo akubacindulula kuhvwa kumunhize kuya kumumuni alimwi akuhvwa ku nsana zhya Satani kuya kuli Leza, kwaamba kuti batambule kuhvwa kuli Leza ilulekelelo lwa zhyinyonyoono alimwi a lukono nwepa kuli baabo balo basalazhiwa kwiinda mu luhyomo muli ndime.' ¹⁹ Nkaambo kaako, mwami Agripa, kunyina nindatakalemeka icilengaano cakwizeulu; ²⁰ pele, kuli baabo bali mu Damaska kutaanguna, alimwi kwamana aku Jelusalemu, alimwi a koonse mucihi ca Judea, alimwi akuli ba Mahi, ndakapa mulumbe wakusanduka alimwi akupiluka kuli Leza, akucita micito iyelele yakusanduka. ²¹ Nkaambo kaceeci ba Juuda bakandaanga mu Tempele alimwi akusola kundiyaya. ²² Leza ulandigwahya akuhikila ono, ono ndiinhvwi alimwi akuzubulula kubantu bali anhi alimwi akubasumpukile akuti kunyina ciinda abanhinhimi alimwi Muusa ncakaamba inga cacitika- ²³ ikuti Klisto welele kupenga, alimwi kuba wa kutaanguna kubuka kuhvwa kubahu, welela kusandulula mumuni kabantu besu alimwi akuli ba Mahi." ²⁴ Mbuli Paulo mbwakamanizhya kuliiminina kwakwe, Festus wakaamba a zwi likando, "Paulo, wasondoka; kwiiya kwako kukando kukupanga kusondoka." ²⁵ Pele Paulo wakaamba, "Nhisondokele, nomulumbaizhyika kapati ba Festus, pele ncikanana nca mahimpe alimwi cilitonkomene. ²⁶ Imwami ulizhyi a zhyintu eezyi; alimwi ono, ndikanana cakwaanguluka kuli nguwe, mebo ndizulilwe kwaamba kuti kunyina kuli ceeci cisisile kuli nguwe; kuli ceeci kunyina ceelele kucitwa kumbali. ²⁷ Hena ulahyoma iba nhinhimi, mwami Agripa? Ndizhyi kwaamba kuti ulahyoma." ²⁸ Agrippa wakaamba kuli Paulo, "Muciindi cihyoonto hena inga wandisandula akundibamba kuba mu Klisto?" ²⁹ Paulo wakaamba, "Ndipaila Leza, nokuba kwaciindi cihwahwi nokuba ciindi cilanhu, kutali ndimwe nolike, pele akuli boonse banditeelela sunu, kuti babe mbuli ndime, pele kakunyina eezhyi ntolongo zya nkeetani." ³⁰ Kumane imwami wakaimikila, alimwi a mweendelezhyi, alimwi Bernice awalo, alimwi aboobo mbocakakkele ambabo; ³¹ iciindi nobakahiya ing'anda, bakaambaula kuli omwe awomwe alimwi akaamba, "Ooyu muntu kunyina ncakacita ceelela luhu olo nkeetani." ³² Agrippa wakaamba kuli Festus, "Ooyu muntu weelela kwaangululwa naa kuti taatutola twaambo kuli Caesar."