¹ Bakahika ku Iconium Paulo a Barnabas bakanjila antoomwe mu sinagogo yaba Juda akukanana muzhila yakacita kuti bama Juda aba Giliki bahome. ² Pele bama Juda bakali bazangi bakanyonganya mizeezo yabamahi akubalwanya ababunyina. ³ Aboobo bakakkalaokuya kwaciindi cilanhu, kabakana achamba mu nguzu zha Mwami, mbwakapa bumboni bwa mulumbe waluse lyakwe. Wakakucita ooku mukuhumuzha zhitonezhyo zhyigambyo zhakacitwa mumatanhi a Paulo a Barnabas. ⁴ Pele bantu bamu dolopo bakali mumipampumipampu; bamwi bakasala kubaabama Juda, bamwi bakaba abatumwa. ⁵ Boonse bamahi aba Juda (antoomwe abasololi babo) bakasozhya kubapezhya akubahusa mabwe, ⁶ pele mbobakanhwila boobo, bakatiila Lycaonian mumadolopo ya Lystra a Derbe akuzhinkoswa zhyihingulukile, ⁷ ooko nkobazumanana kutola mulumbe. ⁸ Ku Lystra umwi muntu walikkele, katakwete a nguzu kumaulu akwe, kali mulema kuzwa mwida lya banyina, unyina nakeendele. ⁹ Oyu muntu wakanhwa Paulo kakanana. Paulo wakantonkomeka meso aakwe alinguwe akubona kuti wakali aluhomo kuti ulaponezhyewa. ¹⁰ Aboobo wakaamba kulinguwe azwi ikando, ''Imikila amatende akooko.'' Mpoona muntu ooyu wakasoktoka akutalika kwendeenda. ¹¹ Mabunga mabunga nakabona Paulo nchakacita, bakanyanuna mazwi, kabaamba mumulaka waci Lycaonia, ''Ba Leza baba mbuli bantu a kuboola anhi kulindiswe.'' ¹² Baka muulika Barnabas kuti ngu ''Zeus, ''awalo Paulo kuti ngu ''Hermes,'' nkaambo ngowakali mukambausi uswelele. ¹³ Mupaizhyi wa Zeus, mukamwini tempele lyakali kunze adolopo, wakaleta basune a maluba kumi lyango; walo a bantu banji balikuyanda kupa muyasilo. ¹⁴ Pele batumwa, Barnabas a Paulo, nobakanhwa kambo aka, bakazapaula zyisani zhyabo a kunka mubantu, kabalila, ¹⁵ ''Nobantu, nkaambo zhi chomucita zhyintu eezhyi? Aswebo tuli bantu, tukozhenye buyo mbubona mbuli ndimwe. Tumwaambila makani mabotu kuti muhuwe muzhintu zhabuyo akuunka kuli Leza upona, wakalenga mazeulu, nyika, alwizi, azyoonse zhilimumo. ¹⁶ Mu misela yakaindi, wakali kuhuminzhya mahi oonse kweenda munzhila zhazhyo zhyini. ¹⁷ Pele nokuba boobo, takali kubahiya kakunyina bumboni, mukuti wakacita bubotu akumupa hwula kuhwa kwizeulu azhyakulya muzhiinde zhyelele, kuzuzha myoyo yenu azhyakulya alukkomano.'' ¹⁸ Kwiinda mazwi aya, Paulo a Barnabas bakacikozhya buyo ahonto kwiimikila maleya kuti batapi miyasilo kuli mbabo. ¹⁹ Pele bamwi bama Juda bakahwa ku Antioch aku Iconium bakahika akusongelezhya maleya. Bakamuuma mabwe Paulo akumukwelela kunze a dolopo, kabayeeya kuti wahwa. ²⁰ Pele mbuli ba siciya mbobakainhwi kabamuzhingulukile, aka imikila akunjila mu dolopo. Mubuzuba bwakachilila, wakaunka ku Derbe a Barnabas. ²¹ Nobakamana kukambauka malumbe mudolopo akuba abahiciya banji, bakapiluka ku Lystra, aku Iconium, alimwi aku Antioch. ²² Bakazumanana kuyumya yumya myoyo yabahiciya akuba kulwaizhya kuti bazumanane muluhomo, akwammba, ''Twelele kunjila mubulelo bwa Leza kwiinda mu mpezhyo zhyinji zhyinji.'' ²³ Nobaka basalila bamaalu muzhyikombelo zhyoonse, akumana kupala kwakuilimya, bakabaaba ku Mwami, oyo ngubaka kondwa. ²⁴ Bakainda ku Pisidia a kuhika ku Pamphylia. ²⁵ Nobakamana kukambauka zwi ku Perga, bakaunka ku Attalia. ²⁶ Kuzwa kokuya batanta bwato kuya ku Antioch, nkobakaabwa ku luzhyalo lwa Leza kumulimo oyo ngobaka manizhya kucita. ²⁷ Nobakakusika ku Antioch a bakabunganya chikomblo antoomwe, bakazubulula zyoonse zhyintu Leza zhyakacita ambabo, ambwakajula mulyango waluhomo kuli bamahi. ²⁸ Bakakkala kwa ciindi cilanhu abahiciiya.