¹ Ndapa aya malailile mabotu kumbele lya Leza a Klisto Jesu, uyakukubeteka bapona abanhwile, ankaambo kakuboola kwa bulelo bwakwe: ² Kukambauka izwi, kolibambila noceelele anociteelele. Kosungwaala, kutapatila, kokombelenzhya, koba akubikilila mu kuyiinhya. ³ Nkaambo ciindi cilahika bantu nobayakuleka kutambula luyiihyo lwini lwini. Pele, bayakulibambila bamayi babo bayakweendelana amizeezo yabuponi bwabo, balo bayakwaamba matwi abo ncayakuyanda kunvwa. ⁴ Kuteelela kwabo bayakukugunhya ku kahimpe, bayakuhoma twaambo twa kubeya. ⁵ Pele webo, koba amizeezo iluleme muzhyintu nzhyoonse. Kopenga kapati; kobeleka mulimo wa bakamboni, mulimo wako koumaninzhya. ⁶ Ndilibambilile kuguhiwa. Ciindi cangu cakuunka cahika. ⁷ Ndalwana inkondo imbotu; ndakalumana lweendo; alimwi ndakalubamba luhomo. ⁸ Muhini wabululami uyobolelwe ndime, walo Mwami mubetehi ululeme, ngwayakundipa mu buzuba obuya, kuleka buyo indikke, pele abaabo abalo ibahoma mukuboola kwakwe. ⁹ Kusungwaala kunhwambaana kuboola kuli ndime. ¹⁰ Nkaambo Demas wakandihiya. Uyanda nzhyintu nzhya mazuba aano nzhyamunyika elyo wakaunka ku Tesolonika. Crescens wakaunka ku Galatia, Titus wakaunka ku Dalmatia. ¹¹ Alikke Luka nguli andime. Kobweza Maako muboole limwi nkaambo ulandigwahya mu bubelehyi. ¹² Tychicus ndakaumtuma ku Ephesus. ¹³ Cibaki ncindakahiya ku Troas kuli Carpus, ucilete waboola, ama bbuku, kwaambihya mapepa. ¹⁴ Alexander mu hunzhyi wakacita milimo mibyaabi kuli ndimw. ¹⁵ Mwami uyakumulumbula kweendelana amilimo yakwe. Kolisososlola kuli nguwe, nkaambo wakali kwaakazhya mazwi esu. ¹⁶ Mukubetekwa kwangu kwakutaanguna, kunyina wakaima andime, ibuyo, boonse bakandihiya pesi eci citabapehyi mulandu. ¹⁷ Pele Mwami wakaima andime akundipa nguzu kutewa, kwiinda muli ndime kuzubululwa kwa mulumbe kuzuzukihiwe cakumaniina, alimwi kutewa boonse bamahi baunvwe. Alimwi ndakakwabililwa kunvwa ku milomo yaba huumbwa. ¹⁸ Mwami uyakundikwabilila kubusonhwi boonse alimwi uyandihutula kubulelo bwakwe bwa kujulu. Kuli nguwe akube bulemu kukabe kutamani. Amen. ¹⁹ Umwaanzhya Priscilla, Aquila, abang'anda ya Onesiphorus. ²⁰ Erastus wakahaala ku Corinth, pele Trophimus ndakahiya mulwahyi ku Miletus. ²¹ Kohomeka kuti uboole mupeyo nutanahika. Eubulus walikukwaanhy, a Pudens, Linus, Claudia abakwesu boonse. ²² Mwami abe a muuya wako. Luzhyalo lube andiwe.