¹ Paulu, mu apositolo wa Klisto Jesu kwiinda mu nguzu inzhya Leza, mbuli cihonyo ca buumi buli muli Klisto Jesu, ² kuli Timooti, mwanaangu ngwiyanda: Luzhyalo, Luse, aluumuno kunvwa kuli Leza Taata a Klisto Jesu Mwami wesu. ³ Ndamulumba Leza, walo ngwikomba kunvwa kuli bamatata, mumizeezo ilondokele, mbuli mbwekuyeeya lyoonse mumipailo mahiku amahikati. ⁴ Mbuli mbwiyeeya misohi yako, ndayandinhya kuti nkakubone alimwi, kuutewa nkabe alutangalo. ⁵ Ndaibaluhiwa luhomo lwako lwinilwini, lwalo lwakakwete bankaaka bako bakaintu ba Lois ababanyoko ba Eunice, alimwi ndizulilwe kuti lulapona mulinduwe. ⁶ Nkakaambo aka ncikuyeezhya kubukuluhya cipego ca Leza cili muli ndiwe kwiinda mukubika matahi aangu. ⁷ Leza takatupa moza wabukandu, pele wanguzu akuyandana alimwi awakuli batamika. ⁸ Utabi ansoni kubu kamboni bwa Mwami wesu, nokuba kuli ndime, ndi Paulu, ndimwaange wakwe. Pele, kosangana mumapenhyi aa mulumbe kwiinda munguzu lya Leza, ⁹ Wakatuhutula akutwiita alwiito lusetekene. Wakacicita eeci, kutali mu milimo yesu, pele kwiinda mu muzeezo aluzhyalo lwakwe mwini, lwalo ndwakatupa muli Klisto Jesu kunvwa kumatalikilo aciindi. ¹⁰ Ono luhutuko lwa Leza lwazubululwa kwiinda mu kuboola kwa muhutuli wesu Klisto Jesu, walo waleha luhu akuleta buumi akutanhwa mu mumuni kwiinda mumulumbe. ¹¹ Akaambo kayaaya, ndakabikwa bukamboni bu apositolo, alimwi abwiiyi. ¹² Nkakaambo aka ncepengela kuzhyintu ezhyi. Pele nyina nsoni, nkaambo ndimuhi ooyo ngwendakahoma. Ndizululwe kuti ulacikozhya kuyobola ncendakabika muli nguwe kuhiikila mubuzuba oobo. ¹³ Amubambe mukozhyano wa majwi amahimpe ngomwakanvwa kuli ndime, akwete luhomo a luyando luli muli Klisto Jesu. ¹⁴ Cintu cibotu Leza ncakakupa, kocibamba kwiinda mu muuya usalala upona muli ndiswe. ¹⁵ Aaya mulaazhyi, kuti boonse bakkala mu Asia bakandizangila. Mu nkamu omu kuli Phygelus a Hermogenes. ¹⁶ Leza ape luse ku mukwahi wa Onesiphorus, akaambo kakundibukuluha alimwi kakunyina ansoni ku nketani zhyindakangilwe. ¹⁷ Pele, nakali mu Roma, wakandikapaula cakuhinizhya, limwi wandijana. ¹⁸ Mwami avwumizhye kuli nguwe kuti ajane luse kunhwa kuli nguwe mubuzuba oobu. Muzhyila zhyoonse zhyakandibamba mu Ephesus, ulizhyi kabotu kabotu.