¹ Abakalamba balupwa lwamumikowa yakwa Gileadi, umwana mwaume wakwa Makiri, umwana mwaume wakwa Manase, abafumine muluko lwakwa Yosefu, baile nokulanda kuli Mose nentungulushi nabakalamba bandupwa shabena Israeli. ² Batile, ''Ilyo Yawe akonkomeshe imfumu yandi ukupela icalo nge cuma cacishilano kubena Israeli mukupendula, amukonkomeshe ukupela icuma cacishilano cakwa muninefwe Serofedi kubana bakwe abanakashi. ³ Nomba nga cakuti baupwa kubaume nomba nga cakuti baupwa kubaume bamu nkoshabena Israeli shimbi, lyena ninshi ifyuma fyabo ninshi fyafuma mufyuma fyacishilano fyafikolwe fyesu nokusanshiwa kufyuma fyaluko bakopilwako. ⁴ Emukutila icuma cacishilano icapelwa kuli ifwe cili nokupwa. Ilyo umwaka wakusekusefya ku bena Israeli ukufika, ifyuma fya cishilano fikalundwa ku fyuma fya nko bakopilwako, kabili ninshi capokwa ukufuma ku luko lwa fikolwe fyesu.'' ⁵ Kanshi ukulingana ne shiwi amukonkomeshe, Mose nao apeela ici cipope kubena Israeli. Atile, ''Ifyo abandupwa sha luko lwakwa Yosefu balanda filifye bwino. ⁶ Ifi fiyo Yawe akonkomesha pamulandu wabana abanakashi abakwa Selofedi, bafwile ukupwa kumuntu onse uo batemenwe, cikulufye wamumukowa wa luko wakwa shibo.' ⁷ Ifyuma fya cishilano mu bena Israeli, tafili naukufuma muluko ulo nokuya mulukolubiye. Pantu umwina Israeli onse alinokusunga impanga yalko lwakwe iyo apelwa ukufuma kufikolwe fyakwe. ⁸ Umwanaumwanakshi onse uwapelwa impanga muluko lonse ulwabena Israeli, afwile ukupwa kuwamumukowa waluko lwakwa wishi, pantu bonse abena Isareli bakakwateko icuma cacishilano cabashibo. ⁹ Takuli icuma cacishilano icikafumu kuluko ulu nokuya kuluko lumbi. Pantu cila luko lwabena Israeli lwakulaikwatilafye impanga bapelwa kukuba iyacishilano.'' ¹⁰ Kanshi abana banakashi bakwa Selofedi emukutila ifyo Yawe akonkomeshe Mose. ¹¹ Abana banakashi bakwa Selofedi, Mala, Tilisa, Hogira, Milika na Noa, baupile abafwala babo abakulubali lwabashibo. ¹² Baupilwa muluko lwandupwa shakwa Manase umwana mwaume wakwa Yosefu, nefyuma fyabo ifyacishilano fyaikalafye muluko lwakwa shibo nomutundu wakwe. ¹³ Aya emafunde nefipope Yawe apele Mose kubena Israeli muma wanga ya Moabu ku Yodani ukulungatana na Yeriko.