¹ Yawe asosele kuli Mose mumawanga ya Moabu mululamba lwa Yodani mu Yeriko nokulanda, ² ''Konkomesha abena Israeli ukupela ifikwata fyabo fimo ifya mpanga kube na Levi. Bafwile ukubapeela imisumba iya kwikalamo ne mpanga sha mulemfwe isha shinguluka iyo misumba ³ Abena Lebi bakwata iimisumba iya kwikalamo. Impanga ya mulemfwe ikaba ya Ng'ombe shabo, imikuni, ne nama shabo shonse. ⁴ Impanga iya mulemfwe ukushinguluka imisumba intu mukapeela abena Lebi ifwile ukufuma kufi bumba fya musumba ukulola kunse imikono ikana limo mutupinda tonse. ⁵ Mufwile ukupenda imikono amakana yabili ukufuma kunse ya musumba lubali ku kabanga, ne mikono amakana yabili ku kapinda ka kukulyo, imikono amakana yabili ukulola kumasamba, ne mikono amakana yabili ku kapinda ka kukuso. Ishi shikaba ni mpanga sha milemfwe isha misumba yabo. Imisumba ikaba mu kati. ⁶ Imisumba mutanda iyo mukapeela abena Lebi ikaba misumba yakupusukilamo. Mufwile ukupekanya ishi ncende pakuti uwaipaya umuntu abutukilamo. Pamuku umo wine pekanyeni imisumba amakumi yane na ibili naimbi. ⁷ Imisumba intu mukapeela abena Lebi ifwile ukuba amakumi yane na cine konse-konse. Mufwile ukupeela impanga sha mulemfwe shabo. ⁸ Imitundu iikalamba iya bena Israeli, imitundu iyakwata impanga iikalamba, bafwile bapeela imisumba iingi. Imisumba inonoikapeela imisumba inono. Umutundu onse ufwile ukupeela abena Lebi ukulingana ne cakaniko capokelela.'' ⁹ Elyo Yawe asosele kuli Mose, no kulanda, ¹⁰ ''Sosa ku bena Israele no kulanda kuli bena, 'Nga mwayabuka Yordani ukwingila mu calo ca Kenaani, ¹¹ elyo mufwile ukusala imisumba imo ukuba iya kupusukilamo imwe, incende iyakuti umo nga aipaya umuntu mukukana ishiba abutukilamo ¹² Iyi misumba ikaba yakupusukilamo kuulefwaya ukalandula, pakuti umuntu uwa mulandu takepaiwe ukwabula ukupita mu bupingushi kwi bumba. ¹³ Mufwile ukusala imisumba mutanda nge misumba yakupusukilamo. ¹⁴ mufwile ukupekanya imisumba itatu ukutaluka ku Yodani elyo atatu mu calo ca Kenani. Ikaba misumba yakupusukilamo. ¹⁵ Iyabena Israeli, iya balebeshi na onse uwikala mukati kenu, imisumba mutanda ikaba ya kupusukilamo kuli onse uwaipaya umuntu mukukana ishiba. ¹⁶ Leelo umuntu uupelwe umulandu nga omine umuntu ku canso ca cela, no muntu nga afwa, elyo uupelwe umulandu nikepaya. Afwile ukwabula ukutwishika ukwipaiwa. ¹⁷ Nga cakuti uupelwe umulandu alashile umubiye ilibwe ilili muminwe yakwe noku mwipaya, no muntu afwa, uupelwe umulandu ni kepaya. Afwile ukwabula ukutwishika ukufwa. ¹⁸ Uupelwe umulandu nga atoba umuntu icanso ca lubao ico icinga mwipaya, no muntu nga afwa, uupelwe umulandu ni kepaya. Afwile mucishinka ukwipaiwa. ¹⁹ Uwakulandula umulopa afwiel ukwipaya kepaya. Nga amukumanya, kalabdula wa mulopa afwile ukumwipaya. ²⁰ Nga auma umbi mubukali nangu ukuposa icintu cimo pali ena, ilyo amufisamina pakuti amwikate, icakuti umuntu afwa, ²¹ nangu nga amuuma awanapanshi mubukali kukuboko kwakwe icakuti no mubiye afwa, elyo uupelwe umulandu uwamumine afwile mucishinka ukufwa. Nikepaya. Kalandula wa mulopa kuti aipaya kepaya nga amukumanya. ²² Nomba uupelwe umulandu nga auma umuntu ukwabula ukukalifiwa nangu aposa icintu elyo calasa umuntu ukwabula ukwishiba ²³ nangu nga aposa ilibwe ilya kuti lyaipaya umuntu ukwabula ukumumona, eco uupelwe umulandu taali mulwani wakwe; taiminine pakucena umuntu. Leelo ifi efyakucita nga cakuti uyu muntu afwa. ²⁴ Nga acbe fyo, ulukuta lufwile lwa pingula pakati ka muntu uupelwe umulandu na kalandula wa mulopa ukukonka amafunde aya. ²⁵ Ulukuta lukapusushe uupelwe umulandu ku maka yakwa kalandula wa mulopa ulukuta lufwile lwabwkesha uwa mulandu ku musumba wakupusukilamo kuntu abutukile. Afwile aikala kulya ukufika fye napa mfwa yakwa shimapepo mukalamba, uyo uwa subilwe namafuta yamushilo. ²⁶ Leelo nga uwamulandu panshita imo ayabuka umupaka wa musumba wakwe wa kupusukilamo untu abutukilemo, ²⁷ na kalandula wa mulopa amusanga kunse yamupaka wa musumba wakupusukilamo, kabili aipaya uwamulandu, kalandula wa mulopa takapelwe umulandu wa kwipaya. ²⁸ Nipa mulandu wakuti uwamulandu alingile ukwikala mu musumba wakupusukilamo ukufika fye napamfwa yakwa shimapepo mukalamba. Panuma yamfwa yakwa shimapepo mukalamba, uwa mulandu kuti abwelela ku calo uko akwatile ifikwatwa fyakwe. ²⁹ Aya mafunde yafwile ukuba ifipope fyenu na kunkulo shabantu benu bonse mu ncende shonse umo mwkala. ³⁰ Uyo onse uwaipaya umuntu, kepaya afwile ukwipaiwa, ukulingana nobunte bwa mashiwi yaba kambone. Leelo ishiwi lyakwa kambone umo lyeka teti lilenge umuntu uuli onse ukwipaiwa. ³¹ Pamo pene,tamufwile ukupoka icifuta mulandu pa mweo wakwa kepaya uupelwe umulandu wa kwipaya. Afwile fye ukwipaiwa. ³² Tamufwile ukupoka icifuta mulandu pali umo uwabutukila ku musumba wakupusukilako. Tamufwile fyakwe mpaka shimapepo mukalamba afwa. ³³ Tamufwile ukukowesha muli iinshila icalo umo muleikala, pantu umulopa wa waipawa ukowesha icalo. Takuli cakukonsolwelako icalo icingitika nga umulopa uwaitikilapo, kanofye kumulopa wa ilyo uwausumishe. ³⁴ Kanshi tamufwile ukukowesha icalo ico mwikalamo pantu njikala muli cena. Ine, Yawe, njikala mukati kabantu abena Israeli.'''