¹ Yawe asosele kuli Mose kabili alandile, ² ''Senda icilandushi pa bena Midiani pafyo bacitile ku bena Israele. Panuma yakucita ico, ukafwa elyo no kulonganika abantu bobe.'' ³ Kabili Mose asosele ku bantu. Atile, ''Pekanya bamo abaume aba mu baume bobe ku bulwi kabili bali nokuya ukwimina Midiani nokusenda icilandushi cakwa Yawe pali ico. ⁴ Umutundu onse ukupitila mu Israele ukatuma ikana limo ilya bashilika ku bulwi.'' ⁵ Awe ukufuma mu baume ikana aba mu Israele, ikana limo ukufuma cila mukowa aba pelwe ukufuma mu mikowa ya bena Israele, amakana ikumi na yabili abaume abashilika ku bulwi. ⁶ Elyo Mose abatumine ku bulwi, ikana limo ukufuma cila mu tundu abali na phinehas umwana mwaume wakwa Eleazar shimapepo, ne fikomo fimo ukufuma pa ncende ya mushilo na mapenga yabo pakuya lisha ngefishibilo. ⁷ Balwile na bena Midiani, ngefyo Yawe aebele Mose. Baipeye umwaume onse. ⁸ Baipeye ishamfumu sha Midiani pamo na bambi pa kufwa kwabo: Evi, Rekem, Zur, Hur, na Reba, ishamfumu shi sano isha Midiani. Nakabili baipeye Balaam umwana mwaume wakwa, ku lupanga. ⁹ Abashilika bakwa Israele basendele abanakashi abafungwa aba ku Midiani, abaana babo, bonse balile, shonse imikuni shabo,nafyonse ifipe fyabo. Basendele ifi ngecatapwa. ¹⁰ Baocele ne misumba yabo yonse iyo baleikalamo ne nkambi shabo shonse. ¹¹ Basendele fyonse ifyapokwa nabafungwa, konse abantu ne finama. ¹² Baletele abafungwa, icapokwa, ne fya pokwa kuli Mose, kuli Eeleasari shimapepo, na kubekashi ba bantu bakwa Israele. Baletele ifi ku nkambi mu ciswebebe ca Moabu, icabela mu Yordani mupepi na Yeriko. ¹³ Mose, Eleasari shimapepo, ne ntungulushi shonse isha mubekashi baile kuku bakumanya kunse ya nkambi. ¹⁴ Lelo Mose alifulilwe pamo naba kalamba baba shilika, abashilika amakana nakapitao umwanda, aba bwelele ukufuma kubulwi. ¹⁵ Mose atile kuli bena, ''Mwaleka abanakashi bonse ukuba nomweo? ¹⁶ Moneni, aba banakashi abaletipa abantu bakwa Israele, ukupitila pa cebo cakwa Balaamu,ku kubembukila Yawe mumulandu wakwa Peore, ilyo icikuko cikasabankanina pa bantu bakwa Yawe. ¹⁷ Nomba elyo, baipeye abana bonse abaume umo umo, no kwipaya umwanakashi onse uwaishiba umwaume ukulala nankwe. ¹⁸ Lelo ibuuleni mwebene bonse abaice abanakashi abashaishiba umwaume kukulala nankwe. ¹⁹ Bonse imwe uwaipaya umuntu nangu ukwikata kuuli onse uwaipaiwa akekale kunse yankambi panshiku cine lubali. Mu bushiku ubwalenga shitatu na mubushiku bwa cine lubali mukaisangulule mwebene na bafungwa benu. ²⁰ Mukaisangulwile ifyakufwala fyonse na fyonse ifya pangwa kumpapa ya nama na ku masako ya mbushi, na fyonse ifya pangwa ku cimuti.'' ²¹ Eleazar shimapepo alandile kuba shilika abaile ku kulwa, ''Ili a efunde ilyo Yawe apele kuli imwe: Ni ²² golide, na silfele, umukuba, icela, kapotwe, no mutofwe, ²³ na conse icingaka nga umulilo, mukacipishe mu nmulilo, no kuba ica sanguluka. Ilyo mukafisangulula ifintu fyonse pamo na menshi aya sanguluklwa. Conse ici shakapite mu mulilo mu kacisangulule ku menshi aya. ²⁴ Mukacape ifya kufwala fyenu mu nushiku ubwalenga cine lubali, no kuba abasanguluka. Panuma mukeseingila mu nkambi yakwa Israeli.'' ²⁵ Elyo Yawe alandile kuli Mose no kutila, ²⁶ ''Penda fyonse ifyapokwa ifyo basendele, fyonse abaume ne nama. Iwe na Eleazar shimapepo ne mitwe ya lupwa ulwa bakalamba ba mikowa wakanye ifyapokwa mu fyakaniko fibili ²⁷ ufyakanye pakati ka bashilika abafumine ku bulwi na kubekashi bonse abashala. ²⁸ Elyo upoke umusonko ku kupelwa kuli ine ukufuma kubashilika abafumine ku bulwi. Uyu musonko umo ufumyeko kuli cila myanda isano, nangu bantu, ing'ombe, impunda, impanga, nangu imbushi. ²⁹ Bula uyu musonko ukufuma pali citika no kupela kuli Eleazar shimapepo ica musangulo ku kwimininako ine. ³⁰ Nokufuma kuli citika wa bantu bakwa Israeli, ubulepo umo ukufuma pali cila myanda isano ukufuma ku bantu, ing'ombe, impunda, impanga, ne mbushi. Upele ifyo ku bena Lebi abalolekesha pa cikulwa candi.'' ³¹ Kabili Mose na Eleazar shimapepo bacitile ifyo Yawe akonkomeshe Mose. ³² Nomba ifyapokwa ifyashele pafyo abashilika basendele fyali 675,000 impanga, ³³ ing'ombe amakana amakumi cine lubali na yabili, ing'ombe amakana cine lubali na yabili, ³⁴ Amakana namakumi mutanda ne kana limo impunda, ³⁵ na makana amakumio yabili aya banakashi aba shaishiba umwaume no kulala naena. ³⁶ Citika uyo uwasungilwe pa mpendwa yaba shilika 337,000 impaanga, ³⁷ ukufuma ku ciputulwa ca mpanga shakwa Yawe shali 675. ³⁸ Ne g'ombe shali amakana yatatu na mutanda ishafumine ku ciputulwa cakwa Yawe shali amakumi cine lubali na shibili. ³⁹ Ne mpunda shali amakumi yatatu ne myanda isano ishafumine ku ciputulwa cakwa Yawe shali amakumi mutanda na imo. ⁴⁰ Na bantu bali amakana ikumi na mutanda abanakashi ukufuma ku ciputulwa cakwa Yawe bali amakumi yatatu na babili. ⁴¹ Mose asendele umusonko ukuba ica musangulo ku kwiminika Yawe. Apele ici kuli Eleazar shimapepo, nga filya fine Yawe akonkomeshe Mose. ⁴² Nga citika wa bantu bakwa Israele uo Mose asendele ukufuma kuba shilika abaile ku bulwi-- ⁴³ na citika wabekashi ali 337,500 impanga, ⁴⁴ amakana ikumi limo na mutanda, ⁴⁵ 30,500 bapuunda, ⁴⁶ nabanakashi amakana ikumi na mutanda. ⁴⁷ Ukufuma kuli citikan wa bantu bakwa Israele, Mose asendelepo umo kumi ya sano, yonse aya bantu ne nama. Afipele ku abena Lebi abalelolekesha pa cikulwa cakwa Yawe, nge fyo Yawe amu konkomeshe ukucita. ⁴⁸ Elyonda abakalamba ba bashilika, aba shilika amakana na ba kapitao amakana, baishile kuli Mose. ⁴⁹ Balandile kuli ena, ''Ababomfi benu naba penda abashilika abali mu makambisho yeesu, kabili tapabulile umuntu nangu umo, ⁵⁰ Natuleta Yawe umutulo, conse ico umuntu asangile, ifikomo fya gold, amaakosa ya kumolu na makosa, ininda minwe shakufwatikilako, amashikiyo, ne ca mu mukoshi, ku kupanga icikonsolwelo fwebene pali Yawe.'' ⁵¹ Mose na Eleazar shimapepo bapokelele ukufuma kuli bena gold na fyonse ifipe ifyo abantu batukwite. ⁵² Yose golide iyo bapele kuli Yawe-- umusungulo uwa fumine kuba shilika amakana no wafumine kuli bakapitao amakana ikumi na mutanda ne myanda cine lubali na makumi ya sano aya 16,750 mashekele. ⁵³ Cila mushilika alesenda ico bapokele,cila mwaume palwa kwe. ⁵⁴ Mose na Eleazar shimapepo basendela goilde ukufuma kuli bakalinda. Basendele kwi tenti yakukumaninamo ngecibukisho cabantu bamu Israeli ku Yawe.