¹ Nomba umfweni ico Yawe alesosa, ''Imeni nokulubulula umulandu wenu ku mpili; lekeni utupili tuumfwe ishiwi lyenu. ² Umfweni kwi funde lyakwa Yawe ilya lingana mwe mpili, mukatwalilila pa mfula ya pe sonde. Pantu alikwata ifunde ilya lingana pa bantu bakwe, akalwa mu kulubula pa bena Israel.'' ³ ''Mwe bantu bandi, cinshi ico nacita kuli imwe? Mwantendwa! ⁴ Pantu namipela ukufuma mu calo ca Egypt no kumilubula ukufuma mu ng'anda yabusha. Natumine Mose, Aarone, na Mirriam kuli imwe. ⁵ Mwe bantu bandi, ibukisheni ifyo balaki imfumu yaku Moabu yapangile, ne fyo Balaamu umwana mwaume wakwa Beore amwaswike nge fyo mwaile ukufuma ku Shittimu ukufika ku Gilgali, pakuti mwishibe imilimo yabulungami iya kwa Yawe.'' ⁶ Bushe cinshi ndepela kuli Yawe, nga nakontama kuli Lesa uwa mumulu? Bushe ndeisa kuli ena nemitulo iyakoca, notwana twa ng'ombe utwamwaka umo? ⁷ Bushe Yawe kuti atemwa kumakana yabasukusuku, nangu kumakana makumi aya mimana ya mafuta? Bushe mpele ibeli lyandi kubupulumushi bwandi, icisabo ca mubili wandi palubembu lwa mweo wandi? ⁸ Alikweba, umuntu, icisuma, kabili cinshi Yawe alefwaya ukufuma kuli iwe: Ukubomba mumulinganya, ukutemwa icikuku, no kwenda uwabufuke na Lesa obe. ⁹ Ishiwi lyakwa Yawe lyalengwa ukubilwa ku musumba-na nomba uwa mano aletina ishina lyenu: ''Umfweni ku nkonto, nakuwaibikako. ¹⁰ Muli ubukankala mu mayanda yaba bifi ico tecacishinka kabili cipimo cabufi ica muselu. ¹¹ Bushe ntontonkanya umuntu ukuba uwa cishinka nga bomfeshe basekelo abashalungama, nomufuko wafintu ifyafina? ¹² Abantu abakankala baisulamo ulukakala, nabekashi balanda ifyabufi, ne ndimi shabo mutunwa twabo shabucenjeshi. ¹³ Napali ico nkamilenga ukulwala, ukukuponya, ukukupanga icibolya pamulandu wa membu shobe. ¹⁴ Ukalya lelo tawakekute; ukubulwa kobe kukashala muli iwe. Ukasunga ifisuma lelo tafyakacingililwe, nefyo ukacita nkafipela kulupanga. ¹⁵ Ukabyala lelo tawakasombole; ukakama imiolife lelo tamwakasubeko mwe bene kumafuta; ukakusha imyangashi lelo tawakanwe umwangashi. ¹⁶ Ifipope ifya pangwa na Omri fyali sungwa na fyonse ifya bombelwe mu ng'anda yakwa Ahabu. Mwendela mwi tontonkanyo lyabo. eico ndemilenga umusumba, icakupapa, nabekashi bobe icakuitomona, no kutwala umusebanya pa bantu bandi.''