¹ Akalanda kuli ine! Ndi ngo kulonganikwa kwa fisabo mulusuba. kabili ngemyangashi yakutolelesha; takuli icisansangu ca myangashi ica kulya, nangu likungu ilyapya ilya kubangila ilyo umutima wandi wingafwaisha. ² Aliloba uwacishinka ukufuma pano calo; Tamwaba umuntu umololoke mumutundu wa muntunse onse. Bonse balabepa noku pembela ukusumya umulopa; cila muntu alesowela munyina mwisumbu. ³ Ama boko yabo yaliba bwino muku cena: Katungulula alalomba ulupiya, kapingula aipekanya ukupeelwa amafisa kanwa, nomuntu uwa maka asosa kuli bambi ico imweo wakwe wine ufwaisha. Efyo bapinga pamo. ⁴ Umusuma muli bena aba ngaba cilasa, Uwaololoka muli bena alibipisha ukucila insongo yamunga. Ubushiku bwaba linshi bobe, bushiku bwakukandwa bobe. Nomba ninshita yabo yacimfulunganya. ⁵ Mwilacetekela mwana mupalamano; mwlabika isubilo muuli onse umunenu. Nangu mwanakashi usendama pacifuba cobe wilamusokolwela cintu. ⁶ Pantu umwana mwaume asula wishi, umwana mwanakashi emina nyina, na fyala aimina nyina fyala. Abalwani mamuntu bantu bamunganda yakwe. ⁷ Lelo ine nakulalolesha kuli Yawe. Nakulalolesha Lesa wepusukilo lyandi; Lesa wandi akangumfwa. ⁸ Wisekela pali ine wemulwani wandi. panuma yakuwa kwandi, ine nkema. Ilyo naikala mumfimfi, Yawe akaba elubuto kuli ine. ⁹ Pamulandu nabembukile Yawe, nkasuminishe u ukali mpaka nkasange uwamulamulandu no kwipaiwa pa mulandu wabupingushi pali ine. Akantwala mulubuto, kabili nkamumona ena ukupususha ine mu mulinganya wakwe. ¹⁰ Elyo umulwani wandi akamona, nensoni shika mwikata ulenjeba ati ''alikwisa Yawe Lesa obe?'' Amenso yandi yakamulolesha ena; Akanyantaulwa panshi ngamatipa mumusebo. ¹¹ Ubushiku bwakukula ifibumba fyobe buleisa; Pali bulya bushiku imipaka ikafuntulwa ukufika ukutali sana. ¹² Pali bulya bushiku abantu bobe bakesa kuli iwe, Ukufuma ku Asiria ne misumba yamu Egupit, ukufuma ku Egupit ukufika kumumana, kufuma kuli bembe ukufika kuli bemba, nokufuma kukupili ukufika kulupili. ¹³ Lelo icalo cikaba amapopa pamulandu wabantu abaleikala kulya, pamulandu wamicitile yabo. ¹⁴ Cema abantu bobe kunkonto yobe, Impanga shobe ngecakupyana. Bekala beka umwasapa, mukati kacalo camulemfwe. Lekeni balye mu Bashani na Gileadi nga munshiku shakale. ¹⁵ Ngamunshiku elyo mwafumine mu calo ca Egupiti, nkalanga bena ifipesha mano. ¹⁶ Inko shikamona nokwita kwansoni pali bumpalumebwabo bonse. Bakabika amaboko yabo patunwa twabo; amatwi yabo yakamona. ¹⁷ Bakamyanga ulukungu ngensoka, ngefinama fikulika pesonde. Bakafumamo ukwabula akabi nomwenso; bakesa nomwenso kuli iwe, Yawe Lesa wesu kabili bakaba nomwenso pa mulandu obe. ¹⁸ Nani Lesa uwaba ngaimwe-ufumyapo amampulu, Uwelela imembu shabashalapo shababupyani bakwe? Takalipa umuyayaya pantu abekelwa icipangano cakwe icacishinka umupwilapo. ¹⁹ Ukatubelela inkumbu nakabili ifwe ukanyantaula amampulu yesu mwisamba lyamakasa yobe. Mukaposa imembu shesu shonse panshi ya bemba. ²⁰ Mukalanga ukuti muli bacishinka kuli Yakobo kabili icipangano cacishinka umupwilapo kuli Abrahamu, ngefyo mwalapile kufi kolwe fyesu munshiku shakale.