¹ Lelo mu nshiku sha ku mpela shikesaba ukuti ulupili lwa mu ng'anda yakwe Yawe lukapangwa nge mfumu pa mpili shimbi. lukalepesha ukucila pa tupili, na bantu bakalonganinako. ² inko ishingi shikayako no kutila, ''Iseni, tuleyeni pa mulu wa lupili lwakwa Yawe, ku ng'anda yakwe Lesa wakwa Yakobo. Aletufunda imibele yakwe, kabili tukenda mu nshila shakwe.'' pantu mu Sione e mukafuma amafunde, na mashiwi yakwa Yawe ukufuma mu Yerusalemu. ³ Akapinguka pa bantu abengi kabili akasalapo ukulingana ne nko sha maka isha kutali. Bakafula ama panga yabo ukuyalusha mu ma pulao na mafumo yabo ukuyalusha mufya kutungwilako imiti. uluko talwakemishe uluko lunankwe ulupanga, nangu ukusambilila pa nkondo na kabili. ⁴ Icakuti, batekala umuntu onse mwisamba lya mwangashi wakwe na mwisamba lya mukunyu wakwe. takuli nangu umo ukabatiinya, pantu akanwa ka kwa Yawe wa mabumba na kalanda. ⁵ Pantu abantu bonse benda, cila umo, mwishina lya tu lesa twabo. Lelo tukenda mwi shina lyakwa Yawe lesa wesu umuyaya pe na pe. ⁶ 6 ''Pali bulya bushiku''_ ubu bukombe bwakwa Yawe_''Nkalonganika ifilema no kukolonganika abasalangana, abo nacushishe. ⁷ Nkapilibula ifilema ukuba abashalemana, nabo bapatwileko ukuba uluko ulwakosa, na ine, Yawe, nkateka pali bena pa lupililwa Sione, ukufuma nomba no muyayaya. ⁸ Naiwe, welupungu lwa mu kuni wa mpaanga utupili twa mwanakashi wa Sione_ Kuli iwe kukesa, ubufumu bobe bukakubwelelela, ubufumu bwa mwana mwanakashi wa mu Yerusalemu. ⁹ Nomba, Ninshi ulepundila mu kubikisha? Bushe mukati kenu tamuli imfumu? Bushe cilolo obe nafwa? Bushe ecalenga ubukali bube pali iwe nga na mayo uulepaapa? ¹⁰ Baa mukalipwa no bukali bwa kupaapa, we mwana mwanakashi wakwa Sione, nga na mayo uulepaapa. Pantu nomba ukafuma mu musumba, no kwikala mu mpanga, no kuya mu Babiloni. kulya eko ukapololwa. Kulya Yawe akakucingilila ukufuma ku minwe ya balwani bobe. ¹¹ Nomba inko ishingi shikalonganina pali iwe; bakatila, 'Lekeni akowele; lekeni amenso yesu ya loleshe pali Sione! ¹² Tabaishibe amatontonkanyo ya kwa Yawe, nangu ukwishiba amapange yakwe, pantu nabalonganika nge myanshi ya ng'ano iilepekanishiwa ku kupeelwa. ¹³ Ima no we mwana mwanakashi wakwa Sione, pantu nkapanga ulusengo lobe ukuba icela, kabili nkapanga amabondo yobe ukuba umukuba. Ukashonaula abantu abengi kabili ukapeela kuli Yawe ubunonshi bwabo ubwa mu bucenjeshi, ifyuma fyabo kuli shikulu we sonde lyonse.''