¹ Kalanda kuli abo abatontonkanya ifya bipa, kuli abo abatontonkanya pa misengele yabo kukucita ifibi. Mukasuba kalucelo bacita pantu nabakwata amaka. ² Bafwaya amabala nokuyapoka; bafwaya amayanda nokuyasenda. Bacusha umuntu ne ng'anda yakwe, umwaume no bwikashi. ³ Eico Yawe atile, ''Moneni, ndepanga ukuleta ubonaushi pali uyu mukowa, uko tamwakafumyeko imikoshi yenu. Tamwakende cilumba cilumba, pantu ikaba ni nshita yabubifi. ⁴ Muli bulya bushiku abaume bakemba ulwimbo lwa bulanda pali imwe, kabili ubulanda pamo nokulila kwabulanda. Bakemba, 'Fwe bena Israele twaloba icine cine; Yawe napilibula icakaniko ca bantu bandi. Kuti afumyapo shani ukufuma kuli ine? Apoka amabala yesu no kupela abaletucusha!'''' ⁵ Eico, imwe mwe bakankala tamwakakwate imfyalwa yakwa kanya iciputulwa ku cipendwilo mu lukuta lwakwa Yawe. ⁶ ''Mwilanda,'' efyo batila. ''Teti balande ifi fintu; mwikalanda. ⁷ Kuti caba ica cine ukutila, ing'anda yakwa Yakobo, ''Mupashi yakwa Yawe tawalungama? Bushe ifi emicitile yakwe? ⁸ Mukupelako abantu bandi na bema ngo mulwani. Muwisha pansalu, necakufwala ukufuma kubalepita abo mushiletunganya nga bashilika abalebwela ukufuma ku nkondo pafyo baletontonkanya ati bucingo. ⁹ Mutamfya abekashi ba bantu bandi ukufuma mu mayanda basekelamo; mupoka nobucindami kubana banono babo umuyayaya. ¹⁰ Imeni nokufumapo, pantu tecifulo ico mwingatushapo, pantu taciweme; calyonaulwa ku bonaushi; ¹¹ Nga umo aisa kuli imwe mu mupashi wa bufi kabili abepa nokutila, ''Ndelanda kuli imwe pa mwangashi nobwalwa,'' kuti bamusuminisha ukuba kasesema pali aba bantu. ¹² Icine cine nkamikolonganya bonse imwe, Yakobo. Icine cine nkalonganya abashalapo bakwa Israele. Nkabaleta pamo nge mpaanga mwi cinka, ngo mukuni mukati kamulemfwe. Kukaba icongo icikalamba pa bwingi bwa bantu. ¹³ Umo uutoba inshila yabo kuli bena akayaku ntanshi yabo. Batoba ukupitila pa mpongolo nokuya kunse; imfumu yabo ikapita ku ntanshi yabo. Yawe akaba umutwe wabo.