¹ Ili eshiwi lyakwa Yawe ilyaishile kuli Mika uwaku Moleshete munshiku shakwa Yotamu, Ahaise, na Hesekia, ishamfumu sha ku Yuda, isho amyene isha kumine Umusamaliya namu Yerusalemu. ² Umfweni, imwe mwe bantu bonse. Umfweni, isode, nafyonse ifyabamo. Lekeni shikulu Yawe abe ni nte pali imwe, shikulu ukufuma mwi tempele lyakwe ilya mushilo. ³ Mona, Yawe aleisa ukufuma mu ncende yakwe; akekila nokunyantaula pamulu wa ncende iya pesonde. ⁴ Ne mpili shikasunguluka panshi yakwe; imipoka poka ikatobaika, kwati lipula ilili pa ntanshi yamulilo, kwati menshi ayapongolwela pamutentemuko. ⁵ Ifi fyonse nipamulandu wakupondoka wakwa Yakobo, napamulandu wa membu sha ngánda yakwa Israele. Cinshi bucipondoka bwakwata Yakobo? Bushe te Samaliya? Cinshi incende yapamulu iyakwa Yuda? Bushe te Yerusalemu? ⁶ ''Nkapanga Samaliya ukuba umwina wa fibolya mucilibwe, incende yakubyalapo amabala ya myangashi, nketulwila amabwe yakwe panshi mumupoka poka nokuna mifimba pa mifula. ⁷ Fyonse ifimpashanya ifyabaswa fyakwe fikatobaulwa mutupimfya nefilambu fyakwe fyonse ifyo apokelela nkafyoca ku mulilo, nokupanga utulubi twakwe Icapomoka. Ico afilongenye ifilambu fyakwe ukufuma kumaule, fili nokubwelela nakabili kumaule yenu.'' ⁸ Pali ici nkaba uwabulanda nokulosha; nkenda uwabula insapato nobwamba; nkalosha nga bamumbwe nokulila nge fipululu. ⁹ Pantu impumo yakwe tayakapole, pantu yalisawila Yuda. Yalifika pampongolo ya bantu bandi ku Yerusalemu. ¹⁰ Mwibeba aba mu Gaiti; mwilila apali ponse. Ku Bet-le-Afra nailonga neminwe mulukungu. ¹¹ Piteni, mwebekashi baku Safiri, mubwamba ne nsoni. Mwebekashi baku Sanaani mwifumamo. Bet-Esele alelosha, pantu ifyakucingilila fyabo nafifumishiwapo. ¹² Pantu abekashi baku Maroti balelolela abapambana ilyashi ilisuma, pamulandu wacikabaponena panshi ukufuma kuli Yawe ukufika ku mpongolo sha Yerusalemu. ¹³ Kulikeni iceleta kwibumba lyaba kabalwe, mwebekashi baku Lachishi. Iwe, Lakishi, niwe wewali ukutendeka kwa lubembu lwa mwana mwanakashi Sioni, pantu bucipondoka bwakwa Israele bwasangwa muli iwe. ¹⁴ Eico ukapela Moresheti-Gati ifilambu fyakumufishapo; amayanda yakwa Aksibu yakalufyanya imfumu shaku Israele. ¹⁵ Nkakuletela kuli iwe, abekashi baku Maresha; ubukata bwakwa Israele bukesa ku Adullamu. ¹⁶ Beyeni imitwe yenu nokuputula imishishi yenu pabana abo mumfwilamo ubusuma. Kusheni amapala yenu nga ba cembe, pantu abana benu bakaya muli bunkole ukufuma kuli imwe.