Icipande 4
1
Moneni, ubushiku bumo bukesa, umukalapya umulilo uukali nganshi ngo wamwilungu. Abantu bonse abacilumba nabonse abacita ifyabipa bakabilima nge mpimbili. Bakapya nokulungula icakuti takwakashaleko umushila nangu umusambo.
2
Nomba imwe mwe bacindika ishina lyandi, ulubuto lwa bulungami lukasanikila pali imwe nge mibengelele wakasuba akaletula, nokumuletela ukupola. Imwe mulalubuka nokulacilauka nge fiponti fya ng'ombe ifyo baswila mwi tanga.
3
Pali ubo bushiku ilyo nkacita ifi fintu, imwe mukacimfya abantu ababifi nokubanyantaulapo, cikaba kwati nimumito mulenyanta. Nine Yawe umwine wafita nalanda.
4
''Kanshi imwe muleibukishafye amafunde yamubomfi wandi Mose, muleibukisha ifipope na mafunde ifyo ine namikonkomeshe palupili lwa Holebu, pakuti efyo imwe mwebana Israel mulekonka.
5
Moneni, ilyo ubushiku bukalamba kabili ubwakutina ubwakwa Yawe bushilafika, nkalata nkatume kasesema Eliya.
6
Kabili akesa pilibwila imitma yabashibo kubana babo, nemitima yabana kuli bashibo epakuti ine nshishilelapisha nokonaula icalo cenu.''