¹ ''Mona, nalatuma inkombe yandi, kabili akapekanya inshila pantanshi yandi. Ilyo shikulu uo mwatemwa, akesa mukwangufyanya kwitempele lyakwe. Inkombe yacipangano iyo imwe mwasala, mona, akesa,'' efyasosa Yawe wamabumba. ² Nomba nani akashipikisha ubushiku bwakwisa kwa kwe? Nani akeminina ilyo akamoneka? Pantu aba ngo mulilo wakwa kalopolola kabili ngesopo yaku capilako. ³ Akekala nga kalopolola kabili uwakusangulula sifele , kabili akasangulula abana baume bakwa Lebi. Akabalopolola nga golide kabili silfele, kabili bakapela umutulo wabulungami kuli Yawe. ⁴ Elyo umutulo wakwa Yuda na Yerusalemu ukasekelelwa kuli Yawe, nga munshiku shakale kabili nge myaka yakunuma. ⁵ ''Elyo nkesa kuli imwe mukupingula. Nkaba inte iya angufyanya kubafinjelengwe, kubacende, bonse abalapa ubufi, nakuli bonse abacita ubucenjeshi kumalipilo yamubomfi uubombela amalipilo yakwe, onse uucenjesha mukamfwilwa no mwana wa nshiwa, na onse uutamfya umulebeshi, na onse uushincindika,'' efyasosa Yawe wamabumba. ⁶ ''Pantu nine, Yawe, nshayaluka; eico kanshi imwe mwemfyalwa yakwa Yakobo tamwakalobe. ⁷ Ukufuma ku nshiku shabo shinwe mwalitaluka ukufuma ku fipope fyandi tamwafisungile. Bweleleni kuli ine, naine nkabwelela kuli imwe,'' efyasosa Yawe wamabumba.'' Nomba mutila, ''Bushe tukabwelela shani?' ⁸ Bushe umuntu kuti aibila Lesa? Leelo imwe mwalinjibila. Nomba mutila, ''Bushe ifwe twakwibila shani?' Mufyekumi na mumitulo. ⁹ Mwalitipwa netipo, pantu mulanjibila, mweluko lonse fye. ¹⁰ Lekeni ica pekumi icapwililika mu ng'anda ya fyakulya, pakuti mube ifyakulya mu ng'anda yandi, kabili munjeshe nomba muli ici,'' efyasosa Yawe wa mabumba, ''Inganshi mwiswilile ifipunda fya mu mulu no kupongololwela ipalo pali imwe, mpaka pakabule incende apakubika aya yonse. ¹¹ Nkakulipila conse icikonaula ifilimwa fyenu, pakuti tafyakonaule ubusomboshi bwafilimwa fya mushili fyenu. Imyangashi mwibala lyenu tayakakane ukukwata ifitwalo fyauko efyasosa Yawe wamabumba. ¹² Inko shonse shikamwita abashuka, pantu imwe mukaba icalo ca lubuto, '' efyasosa Yawe wamabumba. ¹³ ''Amashiwi mwalanda pali ine yantu yakosa,'' efyasosa Yawe.'' Nomba mutila, 'Finshitwa sosa pakati kesu pali iwe?'' ¹⁴ Mwatile, 'Ca cabe cabe ukubombela Lesa. Bushe bukumunshi twingasungila ubufwayo bwakwe nangu ukwenda ababulanda pacinso cakwa Yawe wa mabumba. ¹⁵ Eico nomba tuleita bonse abacita ifyabipa bali palwa. Bancita tubi tabafikilisha, leelo baleesha nokufulumuka.'' ¹⁶ Elyo abo abatina Lesa balelanda umono munankwe, Yawe alebikako amano nokukutika, kabili ibuuku lyakwibukisha lya lembelwe pantanshi yakwe pali abatina Yawe kabili abacindika ishina lyakwe. ¹⁷ ''Bakaba abandi, ''efyasosa Yawe wamabumba, ''Icikwatwa candi icaibela, pabushiku ubo nkabomba. Nkababela inkumbu, ngo mwaume wa nkumbu pa mwana mwaume wakwe uumubombela. ¹⁸ Elyo kabili ukalekanya abasuma pakati kababi, ukulekanya uushinshimuna Lesa no uushimushinshimuna.