¹ Bushe walishiba inshita ifibushi mabwe fifyala abana? Bushe walitala autamba uko insebula shilecululuka pakupapa? ² Bushe kuti wapenda imyenshi iyo shiba nefumo? Bushe walishiba inshita iyo shifyalilapo abana babo? ³ Shilakontama pakufyala utwana twabo, kabili nokulenga ukukalipwa kwapwa. ⁴ Utwana nga twakula twakwata amaka tulaya mu mpanga; tulaya nokukana bwelela kuli banyina nakabili. ⁵ Nani walekele punda aye mu mpanga uwakaele? Nani wakakwile ifikakilo fya punda, ⁶ ni ng'anda yakwa nani iyo napangile iciswebebe, kabili ing'anda mu calo ca mu cele? ⁷ Ena aseka icongo ca mumusumba, tomfwa kunkuta shaumwensha. ⁸ Ena apitanafye mu mpili kukufwaya umulemfwe; kulya nokumona ifyakulya ifyakatapa katapa. ⁹ Bushe imboo kuti yasumina ukukubombela iwe? Bushe yaikala ubushiku bonse mumulimba obe? ¹⁰ Bushe kuti wakakila imboo ku mwando nokuliminako? Nelyo bushe kuti yakukonka mukukubikila umushili mumupoka poka? ¹¹ Bushe iwe kuti wacetekela ena pamulandu wa maka akwata? Bushe iwe washa umulimo kuli ena ukukubombela? ¹² Bushe kuti wacetekela muli ena ukuti akakuletela imbuto shobe, nokukolonganika uko ushipimina? ¹³ Amapinda yakwa mwakatala yampaila bwino, nomba akalume kakwe. Kangala namasako yakwe fyaluse? ¹⁴ Pantu asha amani yakwe panshi, nokuyashika mumushili pakuti yabe necikabilila; ¹⁵ ena alaba ukuti amakasa kuti yatoba nangula inama ya mpanga kuti yanyantaulapo. ¹⁶ Aba ena umunkalwe kubana bakwe kwati tebabakwe; taaba nomwenso ena pakucucutika kwa pa kupapa, ¹⁷ pantu Lesa tamupela ena amano kabili tamupela ukumfwa ukulila konse. ¹⁸ Ilyo abutuka ena nokupampaila, ena eseka bakabalwe no uleensha. ¹⁹ Bushe kuti wapela kabalwe amaka? Bushe kuti wamufwika amasense pa mukoshi? ²⁰ Bushe kuti wamulenga ukucilauka nga makanta? Ukulila kwakwe uko alila kwakutinya. ²¹ Ena apalauka nokusaminwa amaka; ena abutukila kukumanya ifyanso. ²² Ena aseka mwenso kabili ena tashintuka nakulupanga. ²³ Akamufuko kamifwi kakontaika pali ena, necilimi cefumo nefumo. ²⁴ Ena aminine umushili mu cintinya ne cipyu; nokulila kwe penga, ena teti eminine pa ncende imo. ²⁵ Ilyo ipenga lyalila, ena atina, 'Eya.'' Ena anusha ubulwi ukutali nokumfwa ukupunda kwa ba mushika. ²⁶ Bushe niku mano yobe yalenga pungwa ena ukutambalika amapindo yakwe ku kapinda kakulyo? ²⁷ Bushe niwe weba kapumpe ukuti apupuke mu mulu apatali, nokuyapanga icisansala cakwe pa mulu? ²⁸ Ubushiku asendama pa mulu wa mabwe ayatali, pakantongoli apashinganina umuntu. ²⁹ Palya pena epo ena alengwila akatalamukila, conse icakuti ekatepakuti alye. ³⁰ Alisha utwana twakwe ifya mulopa, naponse apo amona icitumbi ninshi aleyapo.''