¹ Elyo Yawe aitile Yobo ukufuma mu cipuupu kabili atile, ² ''Nanani uyo uuleleta imfimfi kukupekakanya kumusango wamashiwi ayabula amano? ³ Nomba kaka umusana obe ngo mwaume pantu ine nalakwipusha amepusho, na iwe ufwile ukunjasuka. ⁴ Bushe walikwisa ilyo ine nashimpile umufula wesonde? njeba, ngawalishiba ukwiluka. ⁵ Nani apimine ubukulu bwaliko? njeba, nga walishiba. Nani atambalikepo intambo yakupimina ko paliyena? ⁶ Nipali cinshi umufula waliko washimpilwe? nani ashimpile ilibwe lyapakoona ⁷ ilyo intanda shalucelo shaimbila capamo na bonse abana baume bakwa Lesa bapundile pa congwe? ⁸ Nani atalalike bemba ne fiibi ifyo alompweke, kwati afuma mwifumo- ⁹ ilyo ine napangile amakumbi ifyakufwala fyaiko nemfimfi iya tikama ecakupomba? ¹⁰ Ukuti ilyo ine namubikile kunse pali bemba wamupaka wandi, na ilyo ine nabikileko imipindo nefiibi, ¹¹ nailyo ine nalandile kuli yena, 'Kuti waisa panopene, leelo wipitilila; pano epo ine nalabika umupaka ku bakashi benu! ¹² Walipelapo inkonka ku lucelo, nangu uwalengele amacaca ukwishiba incende yaiko, ¹³ eco ukuti aikata impela yesonde nokusunkanya ukufumyamo aba bifi? ¹⁴ Isonde lya aluka mukumoneka ngebumba licinja cinja mwisamba bafwatikapo; ifintu fyonse mukwiminina bwino nga ukufunga kwa cakufwala icinono. ¹⁵ Ukufuma kubantu ababi 'ulubuto' lwabo nabalufumyapo; nokuboko kwabo ukwaima nakufunika. ¹⁶ Bushe waliyako kuntulo ya menshi yakuli bemba? Bushe wabala awendauka panshi yabemba? ¹⁷ kwata impongolo shamfwa ishasokololwa kuli iwe? Mwalimona impongolo yacinshingwa camfwa? ¹⁸ Walyumfwa isonde ilyo lyapabuka? Njeba, ngawalishiba ifi fyonse. ¹⁹ Ilikwisa inshila yaya kuncende yalubuto- ngemfimfi, ilikwi incende yaiko? Kuti watwala ulubuto ne mfimfi kuncende shabo isha ncito? ²⁰ Kuti wasanga inshila ya kubwela kumayanda yabo palibena? ²¹ Mukutwishika iwe walishiba, napamo wali naufyalwa elyo; impendwa shanshiku shikulu! ²² Walingilamo mumayanda umusungilwa imfula yabuta, nangu walimonapo ing'anda umusungilwa imfula ya mabwe, ²³ ifi fintu ine nasungile panshiku sha bulwi na inkondo? ²⁴ Ninshilanshi uko ulubuto lwayakanishiwa nangu nikwisa umwela wasalanganina ukufuma kukabanga pano isonde? ²⁵ Ninani uwapangile umwakupita mulamba wamfula, nangu ninani wapangile inshila umwakupantila inkuba, ²⁶ pakuti imfula iloke pacalo apotapaba muntu napampanga, apashaba nangu umo, na mumatololo, umo umushaba nangu umo, ²⁷ nokwikusha apaba ifiswebebe nencende ishatalukana, nokuleka icani iciteku cimene? ²⁸ bushe imfula yali kwata wishi, nangu, nani afyele amatoni yamume? ²⁹ Bushe nimunda yakwa nani mwafumine amenshi makasa? Ninani wafyele ukutalala kwabuta ukufuma mulwelele? ³⁰ Amenshi yalaifisa ayene nokwaluka ngelibwe; pamulu wamenshi ayengi yalakosa. ³¹ Kuti wakakisha ifikako fya Pleyadese, nangu wingakakula imyando yakwa Orione? ³² Bushe kuti watungulula ukwenda kwantanda ukufuma munshitayakwe iya tantikwa? Bushe kuti watungulula icibuli nabana bakwe? ³³ Bushe walishiba ifipope fya mulu? Bushe kuti wabika incende amafunde ya mulwelele pesonde ponse? ³⁴ Kuti waimya ishiwi lyobe kumakumbi, pakuti waleka ilyeshi lya menshi likufimbe? ³⁵ Kuti watuma ukubyata kwankuba ukuti shiye kumbi, ukuti shingalanda kuli iwe, 'Tulipano'? ³⁶ Nani abikile amano mumakumbi nangu uwapele ukwiluka kufipesha amano? ³⁷ Ninani engapenda amakumbi ku mano yakwe? Ninani engatila kunse amenshi inkanda shamulwelele ³⁸ ilyo ulukungu lwaenguluka na ifibungulubwe fya pesonde fyaikatana pamo? ³⁹ kuti wabambila inkalamo iikota ica kutakanya nangu ukwikusha insala ya nkalamo imisepela ⁴⁰ ilyo balebendelela umwakufisama mwabo? ⁴¹ Ninani apekanishisha ilyo abana bakwe abanono balilila kuli Lesa na ukulubanti pakubulwa ifya kulya?