¹ Nomba abaice pali ine tabali nangu cimo nomba banseka-aba abaume abaice abo nakanine bashibo ukuba suminisha ukubomba pamo ne mbwa pa mpaanga shandi. ² Kabili amaka yabashibo, cinshi yenga ngafwa abaue abo amaka ne myaka yabo yalyo naike? ³ Balyondele ku cipowe naku nsala; balesheta ifya mushili uwauma mu mfimfi mumatololo ne fibolya. ⁴ Balesaba umusalu wamucele na mabula ya mpanga; imishila ya fimuti fya mpanga efyo balelya. ⁵ Balebatamfya ukufuma pakati ka bantu nokubawela nga umupupu. ⁶ Kabili baleikala mululamba lwa mumana, mu ncengo sha pa calo na mumabwe. ⁷ Mukati kafimpusa balebungana kwati niba mpunda nokulongana pamo mwisamba lya sepe. ⁸ Bali bana baume aba mpelwa mano, kabili abana baume ba bantu ifinangwa! Balebatamfya mu mpanga na membya. ⁹ `Kabili nomba nali nge cilangililo balenyimba mulwimbo lwabo; nali nge shiwi pali bena. ¹⁰ Balimpata nokwiminina apali ukufuma kuli ine; tabalekele ukufwisa amate mu menso yandi. ¹¹ Pantu Lesa alinenwine umwando wandi nokunsebanya, na bonse abamposele umukobelo pa menso yandi. ¹² Kukuboko kwandi ukwa kulyo balinta mfishe nokupindila pali ine ifyakucilika fyabo. ¹³ Nabonaula inshila shandi; bansukilefye ubucushi, abaume ababula nangu umo uwakubeka kunuma. ¹⁴ Baisaingila kuli ine ngo mushilika ukupitila mu ncengo mucibumba ca musumba; mukati. ¹⁵ Ifya kutinya fyakupumikisha fyayaluka pali ine; ubukankala bwandi bwaululwa nga ku mwela; nokupusuka kwandi kwapita nge kumbi. ¹⁶ Nomba ubumi bwandi bwile buleponoloka ukufuma muli ine; inshiku ishingi isha bucushi nashinsanga. ¹⁷ Mubushiku amafupa yandi yakatulaulwamo; ubukali ubulecusha tabuletusha. ¹⁸ Amaka yaklwa Lesa ayakalamba yaiikete icakufwala candi; apombeleshe nge inteneshi yandi iitali. ¹⁹ Aposele mumatipa; nalingo ulukungu kabili nge mito. ²⁰ Nalilile kuli imwe, Lesa, lelo tamwanjaswike; naiminina pamulu, ukuti mumbone. ²¹ Mwali cinjishe nokuba umunkalwe; mukukosa ukuboko kwenu mwampakasa. ²² Mwalisumbule pamwela kabili mwacitile umwela ukuntwala ukutali; mwambweseshe kunuma kabili kuntanshi munkuka. ²³ Pantu naishiba ukuti imwe mwalambwesha ku mfwa, ku ng'anda iyasontelwe kul;i bonse aba mweo. ²⁴ Lelo, takuli nangu uutambalika ukuboko kwakwe ukulomba ukwafwa ilyo umwaume apona? Takuli nangu umo uuba mubwafya uwita mukumwafwa? ²⁵ Bushe nshalilile kuli ena uwali mu bwafya? Bushe mubulanda nshapele ifyalekabila umutima? ²⁶ Ilyo nali nesubilo mubusuma, elyo umulwani aishile; elyo nalolelele ulubuto, imfifi eyaishile. ²⁷ Umutima wandi wali mubwafya kabili tawatushishe; inshiku shaku titikishiwa shaisa kuli ine. ²⁸ Naile nga umo uyo uwali mu mfifi, lelo tepa mulandu wakasuba; naiminine pamulu mulukuta kabili nalilile ukwafwa. ²⁹ Nali munyina waba mumbwe, kabili umubiye waba mwakatala. ³⁰ Inkanda yandi yaba iyafita kabili yaleubukuka nokwibuka kuli ine; amafupa yandi yalepya kucikabilila. ³¹ Pali ico nsango wandi nao asangwike ukulosha nomutolilo wandi wasangwike ishiwi lya walelila.