¹ Bushe cinshi inshita shakupingula ababifi tashabikwa nowamaka yonse? Cinshi abalungami kuli Lesa tabamona inshiku shakwe ishabupingushi ukwisa? ² Eko bali ababifi abafumya ifishibilo mumipaka eko bali ababifi abasenda imikumi kumaka no kuibika mumikumi yabo. ³ Balasenda kabalwe wa bana ba nshiwa;balasenda in'gombe iilume yakwa mfwilwa ukuba icikatilo. ⁴ Balantamfya ababusu munshila shabo; abalanda ba pesonde bonse balafisama ukufuma kuli bena. ^{6 5} Moneni aba balanda bafumina ku milimo yabo nga ba punda ba mpanga mu matololo, ukufwaya fwaya icakulya; nakalimo Araba akabapekashinishisha icakulya cabana babo. ⁷ Abalanda basepa ubushiku bonse ukwabula icakufinbana;tabakwata cakufimbana mumpepo. Basendema ubwamba ubushiku bonse ^{8 9 10} Bali ababomba ku mfula ya mu mpili; basendama mupepi ne fimabwe ifikulu pamulandu wakubulwa umwakwikala. ¹¹ Abantu abalanda benga amafuta mukati kafibumba fya abo ababifi; bakana umwangashi wa babifi, lelo bena bekalafye ne cilaka. ¹² Kulefuma mumusumba ukuteta kwabalefwa, nokukoloma kwa bacenenenwe abalelila ukwafwiwa. Lelo Lesa tomfwako. ¹³ Bamo pali aba babifi balasangukila ulubuto; tabaishiba ne nshila luko, tabekala namutushila twa luko. ¹⁴ Ilyo tabulaca kepaya wabantu ena nokwipaya abalanda naba busu; ubushiku aba nge mpupu. ¹⁵ Kabili, ilinso lya mucende, lilolela pali muntungulya; atila, 'Tapali ilinso ililemona! Alafisa ne cinso cakwe. ¹⁷ Mu mfifi ababifi batula mu ng'anda; lelo balaisulila mu nshita yakasuba; tabasakamana nolubuto. ¹⁶ Pantu bonse bena, imfifi iyafitisha yaba nga ulubuto; pakuti baliba ifibusa no bulwani bwa mfifi yafitisha. ¹⁸ Bwangu bwangu balapita ifyofine, nge lyenshi pamulu wa menshi; icakaniko cabo mu calo cali tipwa; takuli uya mukubomba mumabala yabo aya myangashi. ¹⁹ Filya icilala necikabilila fisungulula ubunga bwa mfula mu menshi, efyo na kumbo kusenda abo ababembuka. ²⁰ Icisa ica mufyele cikalaba ena; imititi ikamulya no mundowe ndowe; takebukishiwepo nakabili; muli uyu musango, ububifi bukaputulwa nge cimuti. ²¹ Umubifi acusha abanakashi ing'umba abashafyalapo abana; tacita cisuma kuli muka mfwilwa. ²² Lelo Lesa afumyapo kumaka yakwe ababulamba; alenga nokukana bakosha ukuba no mwenso. ²³ Lesa alabasuminisha ukutontonkanya ukuti bali umutelelwe, kabili balasansamuka ifyo fine, lelo amenso yakwe yaba pa nshila shabo. ²⁴ Aba bantu balasambililwa: nalyo ni mukashita akanonofye, bafumapo; ee, bakacefiwa; bakakolonganishiwa nga bambi bonse, bakatimpulwa nge mitwe ya matwi ya nagno. ²⁵ Nga cakuti tacabe ifi, nani enganshinina ukuba uwabufi; nani engalenga ukulanda kwandi ukuba ukwafye?