¹ Elyo Yobo ayaswike nokutila, ² ''Nangu lelo kwafula ukuilishanya kwandi, ukuboko kwandi nakufina pamulandu nokuteta kwandi. ³ Iye, kanshi nga ninjishiba uko ningamusanga! Iye, kanshi kuti naisa ku ncende yakwe! ⁴ Nga natwala kuli ena umulandu nakanwa kandi kaisulamo ukupasha. ⁵ Kuti nasambilila namashiwi engangasuka nokumfwa ifyo enganjeba. ⁶ Kuti nalumbula nowakwatisha amaka? Awe, kuti angumfwa. ⁷ Palya epo umulungami akakalulushanya nankwe. Muli iyi nshila kapingula wandi akampokolola pe. ⁸ Mona, naya kukabanga, nomba taliko, nakumasamba nako nshimusanga. ⁹ Kukuso uko abombela, shimumona, nakukulyo, uko afisama umwine nako, nshimumona. ¹⁰ Nomba alishiba inshila isho mbomfya; nga anjesha, nkafumamo nga golde. ¹¹ Ulukasa lwandi lukonka bwangu muntapulo shakwe; ndasunga inshila shakwe nokufumamo nshifumamo. ¹² Nshibwela kunuma ukufuma kwi funde lyakumilomo yakwe; nalikwata icipao ca mashiwi ya kanwa kakwe ukucila napacakaniko cakulya candi. ¹³ Nomba nga alola kuno, nani engamwalulula? Neco afwaya, eco acita. ¹⁴ Pantu alisenda icapampamikwa kuli ine; ifyamusango uyu fyaba ifingi kuli ena. ¹⁵ Nipali ici nsakamanina ku cinso cakwe; ilyo natontonkanya pali ena, ndamutina. ¹⁶ Pantu Lesa alipanga umutima wandi uwanaka; uwamaka alasankamika. ¹⁷ Nshakalete empela pa mfifi, pamulandu wakufina kwa mfifi iyafimba pa menso.