¹ ''Nali uwaipekanya ukushitishiwa kuli abo abashipusha; naliuwaipekanya ukusangwa kuli abo abashifwaya. ² Natile ndipano! Ndipano!' kuluko ulushita peshina lyandi. Imfungulula amaboko yandi akasuba konse ku bantu abashumfwa, abenda munshila iyo ishaba bwino, abendela mumatontonkanyo yabo na mapange! ³ Bantu abatwalilila ukumbifya, ukupela amalambo mumabala, nokoca ifyacushi palutala lwamatafwali. ⁴ Bekala mumanda nokwikala abalola ubushiku bonse, nokulya umunani wankumba pamo nomuto wanama ishakowela mu mbale shabo. ⁵ Batile, 'Wiiminina pano, wiisa mupepi kuli ine, pantu ndiwamushilo sana ukucila iwe.' Ifi fintu cushi mumyona yandi, umulilo uyo ulepya akasuba konse. ⁶ Lolesha, calilembwa pantanshi yandi: nshakabe tondolo, pantu inkababwesesha; inkaba lipila mufifuba fyabo. ⁷ Pamembu shabo kabili imembu shaba shibo pamo,'' efyasosa Yawe. ''Inkabalipilapakoca ifyacushi pampili napakuntumfya patupili. Eico inkapima imilimo yabo iyakale mufifuba fyabo.'' ⁸ Ici eco Yawe asosa, ''Ngafilya amenshi ya mwangashi yasangwa mucisansangu camyangashi, ilyo umo asosa, 'Wiconaula, pantu muli ubusuma muli cena,' ici eco inkacita kubabomfi bandi fwaya: nshakabonaule bena bonse. ⁹ Inkaleta imfyalwa ukufuma kuli Yakobo, nokufuma kuli Yuda bamo abali nokukwata impili shandi. Abasalwa bandi bali nokucikwata icalo, nababomfi bandi bkekala mulya. ¹⁰ Sharoni akaba impanga yamulemfwe kumukuni wampanga, nomupokapoka wa Akore icifulo cakutushapo ku mukuni wa ng'ombe, ku bantu abafwaya ine. ¹¹ Leelo imwe mwebaleka Yawe, abalaba ulupili lwandi ulwamushilo, abapekanya itebulo lyeshuko, kabili ukwisusha amatambula ya umwangashi uwasankanishiwa umwangashi ukali. ¹² Nkamiposa kulupanga, kabili bonse bakakontama panshi kukukomwa nolupanga, pamulandu ilyo naitile, tamwayaswike; ilyo nalandile, tamwaumfwile. Leelo mwacitile icali icibii mumenso yandi nokusala ukucita ica ku kanansekesha.'' ¹³ Ici eco shikulu Yawe asosele, ''Lolesha, ababomfi bandi bakalya, leelo muli nokuba nensala; lolesha, ababomfi bandi bakanwa, leelo mukaba necilaka; lolesha, ababomfi bandi bakasekela, leelo muli nokulengwa insoni. ¹⁴ Lolesha, ababomfi bandi bakabilisha ku congwe pamulandu wakusansamuka kwa mutima, leelo mukalila pamulandu wabukali bwa mutima elyo bakalila pamulandu wakutobaulwa kwamupashi. ¹⁵ Mukasha kunuma ishina lyenu ngecitipu kuli bamo abasalwa bandi kukulanda; ine, shikulu Yawe, akamipaya; inketa ababomfi bandi pamashina yambi. ¹⁶ Uyo onse wabilisha ipalo pesonde akapalwa na ine, Lesa wacine, pamulandu amafya yakale yakalabwa, pantu yakafiswa ukufuma ku menso yandi. ¹⁷ Pantu moneni ndi pakubumba icalo cipya ne sonde lipya; kabili ifintu ifyakale tafyakebushiwe nangu ukuletwa kumano. ¹⁸ Leelo mukaba abansansa nokusekelela umuyayaya mufyondi mukubumba. Moneni, ndimukubumba Yerusalemu ngecakucankwa kabili abantu abakwe ngecakusekelela. ¹⁹ Inkasekelela pali Yerusalemu nokuba nensansa pa bantu bandi; ukulosha nokulila kwabulanda tafyakatale afyumfwika muli ena. ²⁰ Tamwakatale kabili akanya ukwikala mulya inshikufye ishinono; nangu umuntu umukote ukufwa ilyo inshita yakwe tailafika. Umo uwafwa pamyaka umwanda umo akapendwa ngo muntu umwaice. Uuli onse uwafilwa ukufika icimo ca imyaka ikana limo akapendwa ukutipwa. ²¹ Bakakula amayanda nokwikalamo, kabili ba kalimba imyangashi nokulya ifisabo fyauko. ²² Tabakatale abakula amayanda nabambi ukwikalamo; tabakabyale, nabambi ukulya; pantu ngenshiku sha fimuti shikaba inshiku sha bantu bandi. Abasalwa bandi bakatwalilila ukwikalila kufya milimo yamaboko yabo. ²³ Tabakabombele ibusha, nangu ukufwalila amatentula. Pantu bali bana abo abapalwa na Yawe, kabili nobufyashi bwabo pamo. ²⁴ Panuma tabalaita, nkasuka; kabili ilyo bacili balelanda, nkomfwa. ²⁵ Imimbulu ne mpanga shikasepela pamo, elyo inkalamo shikalya ikasepa nge ng'ombe; leelo ulukungu lukaba icilyo cansoka. Tabakatale abacena nangu ukonaula pali ponse ulupili lwa mushilo lwandi,'' efyasosa Yawe.