¹ Nani uyu uuleisa ukufma ku Edomu, nafwala ifya kufwala ifya kashika ukufuma ku Boesra? Nani uufwele ifya kufwala fya bufumu, uleenda uwaicetekela pamulandu alikwaitisha? Nine, neulanda ifyabulungami. ² Cinshi ifya kufwala fyenu fyakashikila, kabili cinshi mulemonekela kwati fya kukaminamo imyangashi? ³ Ninja ntaula imyangashi mucikamino shaciko neka, kabili tapali nangu umo ukufuma ku nko uwakwisaba naine. Nalibakontawile mubukali bwandi kabili nalibanyantawile mucipyu candi. Umulopa wabo walesabukila ku fyakufwala fyandi kabili ninkowesha iyakufwala fyandi fyonse. ⁴ Pantu nindolesha ku ntanshi pabushiku bwa cilandushi, kabili umwaka wakulubuka walifika. ⁵ Nalolesha, tapali nangu umo uwakungafwa. Nalipapile icakuti tapali nangu umo uwakwafwa, lelo ukuboko kwandi ekwampuswishe, kabili ubukali bwandi ebwantungilile. ⁶ Nanyantawile panshi abantu mubukali bwandi nabalengele ukukolwa mupyu candi, kabili naitile umulopa wabo pe sonde. ⁷ Nkalanda imilimo yakwa Yawe yacikuku, nkalumbanya imilimo yakwa Yawe. Nkalanda fyonse ifyo Yawe atucitila, nobusuma ubwingi ku bang'anda bakwa Israele. Ishi nkumbu atulanga naifwe pamulandu waluse lwakwe, ne milimo iingi iyacikuku. ⁸ Pantu ifyo atile, ''Pantu pali ilya nshita bali bantu bandi, abana abashali bakwa Yesu.'' Aishileba umupusushi wabo. ⁹ Ukupitila kubucushi bwabo bonse, alibaculile apakalamba, namalaika ukufuma pa cinso cakwe alibapuswishe. Mucitemwiko cakwe noluse alibapuswishe, nokubemya nokubasenda bonse ukupitila mu nsita shakale. ¹⁰ Lelo balimusangukile nokulungulusha umupashi wakwe uwamushilo. Eico asangwike umulwani wabo nokubalwisha. ¹¹ Abantu bakwe batontonkenye pa nshita yakale iya kwa Mose. Batile, '' Lesa alikwi, uwabafumishe kuli bemba nabakacema bamukuni wa mpaanga shakwe? Lesa alikwi, uwabikile umupashi wamushilo pali bena? ¹² Lesa alikwi, uwapangile ubukata bwakwe ubwamaka ukuya pamo nokuboko kwakukulyo ukwa kwa Mose, nokulekanya amenshi pantanshi yabo, ukulenga ishina lya muyayaya pali ena? ¹³ Lesa alikwi, uwabatungulwile mu menshi ayashika? Kwati nibakabalwe uulebutukila ku ncende iyabatama, tabaipunwine. ¹⁴ Nge ng'ombe iiletentemukila mumupoka poka, umupashi wakwa Yawe wabapele ukutusha. Eico watungulwile abantu bobe, ukuipangila ishina lyakwe ilisuma. ¹⁵ Lelo shapanshi ukufuma ku mulu nokwishiba ukufuma ku mushilo obe na mubwikashi bobe ubwabukata. Filikwi ukucincila na maka yaficitwa fyobe? Uluse lobe neficitwa fya nkumbu shobe nafifuma kuli ifwe. ¹⁶ Pantu uyu nishifwe wesu, nangu Abraham tatwishibe ifwe, na Israele tatwibukishe ifwe, Iwe, Yawe, shifwe Yesu. 'Umulubushi wesu' lyali lishina lyobe ukufuma mu nshita shakale. ¹⁷ Yawe, cinshi yatulengela ukwenduka ukufuma mu nshila shobe nokukosha imitima, ukuti twillamibela? Bweleleni kubabomfi benu' pamulandu wa mitundu yabupyani yenu. ¹⁸ Abantu bobe bakwete incende iyamushilo obe panshita iinono, lelo elyo abalwani besu bainyantaula. ¹⁹ Twaisaba nga balya abo ushatalile kuteka, nga abo abashatalile abetwa peshina lyobe.''