¹ Mona, Ukuboko wkawa Yawe takwaipipa pakukana pususha; nangula ukutwi takwakoma, ukukana umfwa. ² Imicitile ya masambi yenu, yonse, yalimipatulula imwe ukufuma kuli Lesa wenu, namasambi yenu nayalenga ukufisa icinso ukufuma kuli imwe nokufuma kukumfwa kuli imwe. ³ Amaboko yenu nayalamba ku mulopa niminwe yenu kumasambi. Imilomo yenu ilanda ubufi kabili ululimi lulanda bubi bubi. ⁴ Takuli nangu umo uwibukisha ubulungami, kabili tapaba uulubula umulandu mucishinka. Bacetekela mu mashiwi yafwe, nokulanda ubufi; baimita icimfulunganya nokupapa ulubembu. ⁵ Batoto amani ya nsoka sha busungu no kupikula isumbu lya kwa tandabube. Onse uulya ku mani yabo alafwa, kabili ilini nga lya tobwa, litotwamo insoka sha busungu. ⁶ Tandabube wabo tekuti abomfiwe ku kucakufwala, nangula kuti bafimbana imilomo yabo. Imilimo yabo milimo ya lubembu, kabili ificitwa fya lukakala fili mu minwe yabo. ⁷ Amakasa yabo ya butukila ku fibi, kabili ba butukila mu kusumya umulopa wa kaele. Amatontonkanyo yabo matontonkanyo ya lubembu; ulukakala no bonaushi enshila shabo. ⁸ Ne nshila ya mutende tabaishiba, kabili tamwaba mulinganya mu nshila shabo. Bapanga inshila sha masanso; no wendamo muli ishi nshila taishiba mutende. ⁹ Eico umulinganya waba ukutali na ifwe, nangula ubulungami teti bufike kuli ifwe. Tulolela ulubuto, lelo tumona imfifi; tulolelasha mu lubuto, lelo twenda mu mfifi. ¹⁰ Tupampanta ku fibumba nge mpofu, kwati ni abo aba shingamona. Tuipununa icungulo kasuba kwiti cungulo bushiku; pabakosa twaba nga baume abafwa. ¹¹ Tuikulika nge mbwili nokulila nge nkalamo; tulolela umulinganya, lelo tapali nangu umo; uwakutupususha, lelo cili ukutali ukufuma kuli ifwe. ¹² Pantu ifilubo fyesu ifingi fili kuntanshi yenu, ne membu shesu shilatushinina; pantu ifilubo fyesu fili kuli ifwe, kabili twali shishiba. ¹³ Twalisanguka, ukukana Yawe nokubwelako mukukonka Lesa wesu. Natulanda ifya cilamo nokufipilibukila lubali, ukwimita ukuilishanya kufuma ku mutima na mashiwi ya bufi. ¹⁴ Umulinganya ba utwele kunuma, nobulungami bwiminine ukutali; pantu icishinka cila ipununa mu mansa yakukumaninapo, nobulungami teti bwise. ¹⁵ ubucindami bwa cishinka nabuya, noyo uulebwela ukufuma ku bubi ailenga ukuba uwa mulandu. Yawe ali cimwene kabili ali uwasansamushiwa pakuti tapali umulinganya. ¹⁶ Ali mwene ukuti tapali umwaume, nokusakamikwa pakuti tapali nangu umo wakuba fumyapo. Eico ukuboko kwakwe kwa letele ipusukilo kuli ena, nobulungami bwakwe ebwa mukoseshe. ¹⁷ Afwele ubulungami nge cakucinga icifuba ne cisote ce pusukilo pa mutwe wakwe. Aifwikile umwine ica kufwala ca cilandushi kabili aifimbile ukukosa. ¹⁸ Abalipile pafyo bena babombele, ubupingushi ubukali kuba lwani. Icilandushi kuba lwani bakwe, ku fishi akafikanda ukuba kwati efilambu. ¹⁹ Eico bakatina ishina lyakwa Yawe ukufuma ku masamba, nobukata bwakwe ukufuma ku kabanga; pantu akesa nga akamana ka mukuku, akaleenda nomupu wakwa Yawe. ²⁰ ''Kapususha akesa mu Sione na kuli abo bonse abakabwela ukufumma kumilimo yabucisanguka muli Yakobo uku ekulanda kwakwa Yawe. ²¹ Kuli ine, ici ecipangano candi kuli bena efyasosa Yawe umupashi wandi uli pali iwe ,namashiwi eyombikile mukanwa kobe,tayakafume mukanwa kobe,nangu ukuya ukufuma mukanwa kabana bobe efyasosa Yawe ukufuma inonshita nokuya umuyayaya.''